ରାଇରଙ୍ଗପୁର ୧୮।୧୧: ସ୍ପଷ୍ଟ ଦିବାଲୋକରେ ଲୁୁଟ୍ । ପୁଣି କୋର୍ଟ ସମ୍ମୁଖରୁ । ଏପରି ଅଭାବନୀୟ ଘଟଣା ଘଟିଛି ରାଇରଙ୍ଗପୁର ସିଭିଲ କୋର୍ଟ ସମ୍ମୁଖ ରେ।
ସୂଚନାଯୋଗ୍ୟ ଯେ, ଗୋରୁମହିଷାଣୀ ଅଂଚଳର ଜଣେ ଅବସରପ୍ରାପ୍ତ ଶିକ୍ଷକ ରାଇରଙ୍ଗପୁର ଷ୍ଟେଟବ୍ୟାଙ୍କ ମୁଖ୍ୟ ଶାଖାରୁ ୪୦ ହଜାର ଟଙ୍କା ଉଠାଇ ଚାଲି ଚାଲି ବାସ ଷ୍ଟାଣ୍ଡ ଯାଉଥିଲେ। ରାଇରଙ୍ଗପୁର ସିଭିଲ କୋର୍ଟ ସମ୍ମୁଖରେ ହଠାତ୍ ଦୁଇ ଜଣ ବାଇକରେ ଆସି ହାତରୁ ଟଙ୍କା ବ୍ୟାଗ୍ ଝାମ୍ପି ନେଇ ଆଖି ପିଛୁଳାକେ ପଳାଇଥିଲେ ।
କିଛି ଦିନ ପୂର୍ବରୁ ଜଣେ ସୁନା ବ୍ୟବସାୟୀଙ୍କ ଘର ସମ୍ମୁଖରୁ ଟଙ୍କା ବ୍ୟାଗ ଝାମ୍ପି ନେଇଥିଲେ। ସେହିପରି ଆଉ ଜଣେ ଶିକ୍ଷକ ଫଳ କିଣୁଥିବା ସମୟରେ ତାଙ୍କ ବାଇକ ଡିକିରୁ ଟଙ୍କା ନେଇ ଯାଇଥିଲେ । ସହରରେ ବାରମ୍ବାର ଲୁଟ ଘଟଣାକୁ ନେଇ ଲୋକେ ଆତଙ୍କିତ ଅବସ୍ଥାରେ ଥିବା ବେଳେ ପୋଲିସ କିନ୍ତୁ ଲୁଟେରାଙ୍କୁ ଧରିବାରେ ସଫଳ ହୋଇ ପାରୁନାହିଁ।ଏହାକୁ ନେଇ ସାଧାରଣରେ ପୋଲିସର ଭୂମିକାକୁ ନେଇ ଅସନ୍ତୋଷ ବୃଦ୍ଧି ପାଇବାରେ ଲାଗିଛି ।
