ଭଞ୍ଜନଗର ୨୭|୧୨: ଗଞ୍ଜାମ ଜିଲ୍ଲା ଭଞ୍ଜନଗରରେ ଗୋରୁ ବ୍ୟବସାୟୀଙ୍କଠାରୁ ଟଙ୍କା ଲୁଟ୍ ହୋଇଛି । ବନ୍ଧୁକ ଦେଖାଇ ମାଡ ମାରି ୧୦ ଲକ୍ଷ ଟଙ୍କା ଲୁଟିନେଲେ ଦୁର୍ବୃତ୍ତ । ଦୁର୍ବୃତ୍ତଙ୍କ ଆକ୍ରମଣରେ ଗୋରୁ ବ୍ୟବସାୟୀ ଆହତ ହୋଇଛନ୍ତି ।
ସୂଚନା ଅନୁସାରେ ଗୋରୁ ବ୍ୟବସାୟୀ ଜଣଙ୍କ ବୁଗୁଡାରୁ ନୟାଗଡ ଯାଉଥିଲେ । ଗଞ୍ଜାମ ଜିଲ୍ଲା ବୁଗୁଡା ଥାନା ଅନ୍ତର୍ଗତ କରସିଂ ଛକ ନିକଟରୁ ତାଙ୍କଠାରୁ ଲୁଟ୍ ହୋଇଛି । ଗୋଟିଏ ବାଇକରେ ଟଙ୍କା ୩ଜଣ ଦୁର୍ବୃତ୍ତ ଆସି ତାଙ୍କୁ ବନ୍ଧୁକ ଦେଖାଇବା ସହ ତାଙ୍କୁ ମାଡ ମଧ୍ୟ ମାରିଥିଲେ । ସେ ନେଇ ଯାଉଥିବା ୧୦ଲକ୍ଷ ଟଙ୍କା ତାଙ୍କଠାରୁ ଲୁଟି ନେଇ ଫେରାର ହୋଇଯାଇଛନ୍ତି । ଦୁର୍ବୃତ୍ତଙ୍କ ଆକ୍ରମଣରେ ଗୋରୁ ବ୍ୟବସାୟୀ ଆହତ ହୋଇଛନ୍ତି । ତାଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି ।
