ଅନୁଗୋଳ ୩।୯: ସିସିଟିଭିରେ କଏଦ ହେଲା ଲୁଟ୍ ବେଳର ଦୃଶ୍ୟ । ଫଳରେ ଘର ମାଲିକଙ୍କୁ ମାଡ ମାରି ଗାଡି ପୋଡିଦେଲେ ଦୁର୍ବୃତ୍ତ । ଏଭଳି ଅଭାବନୀୟ ଘଟଣା ଘଟିଛି ଅନୁଗୋଳ ଜିଲ୍ଲା ତାଳଚେର ବଲହର ଛକ ନିକଟରେ । ତେବେ ଅଳ୍ପକେ ରକ୍ଷା ପାଇଯାଇଛନ୍ତି ପରିବାର ଲୋକ ।
{"id":324294,"sizeSlug":"large"}ସୂଚନା ଅନୁସାରେ, ସନ୍ଥପଡା ଗାଁର ବାବୁଲି ସାମଲ ବଲହର ଛକ ନିକଟରେ ଘର କରି ରହିଛନ୍ତି । ଉପର ମହଲାରେ ୪ ଜଣ ଭଡାଟିଆ ରହିଥିଲେ । ଘର ଆଗରେ ସିସିଟିଭି ଲାଗିଛି । ସେହି ରାସ୍ତାରେ କିଛି ଦୁର୍ବୃତ୍ତ ଜଣଙ୍କର ଏକ କୁକୁର ଚୋରି କରି ନେଇଥିଲେ । ତାର ଫୁଟେଜ ସିସିଟିଭିରେ କଏଦ ହୋଇଥିଲା । ଏହା ଜାଣିବା ପରେ ଘର ମାଲିକଙ୍କ ସହ ଝଗଡା କରି ଭୁଜାଲି ଦେଖାଇ ଭୟଭୀତ କରିଥିଲେ ଦୁର୍ବୃତ୍ତ । ଗାଡିକୁ ମଧୟ ଭଙ୍ଗାରୁଜା କରିଥିଲେ ।
{"id":324295,"sizeSlug":"large"}ପୁଣି ବିଳମ୍ବିତ ରାତିରେ ଆସି ଦୁର୍ବୃତ୍ତମାନେ ଘର ବାହାରେ ଥିବା କାରକୁ ନିଆଁ ଲଗାଇ ଦେଇଥିଲେ । ଜୀବନ ବିକଳରେ ଘର ଲୋକ ପାଟି କରି ଘରୁ ବାହାରକୁ ପଳାଇ ଆସି ଜୀବନ ବଞ୍ଚାଇଛନ୍ତି । ଘର ମାଲିକ ଏ ସଂପର୍କରେ ତାଳଚେର ପୋଲିସକୁ ଖବର ଦେଇଥିଲେ ।
{"id":324297,"sizeSlug":"large"}ଏବେ ଏହି ଅଞ୍ଚଳରେ ରାହାଯାନୀ, ଲୁଟପାଟ, ଚୋରି ବଢ଼ିବାରେ ଲାଗିଥିବାରୁ ଲୋକମାନେ ନିଜରୁ ସୁରକ୍ଷିତ ମଣୁନାହାନ୍ତି । ତେଣୁ ପୋଲିସ ପାଟ୍ରୋଲିଂକୁ କଡାକଡି କରିବା ସହ ଦୁର୍ବୃତ୍ତମାନଙ୍କୁ ଧରିବା ପାଇଁ ଦାବି ହେଉଛି ।