ଭଦ୍ରକ ୨୨|୧୧:  ଅଧ ରାତିରେ ଏସବିଆଇ ଏଟିଏମ  ଭାଙ୍ଗିଲେ ଦୁର୍ବୃତ୍ତ । ଭଣ୍ଡାରିପୋଖରୀ  ଥାନା ମାଳଦା ବଜାରରେ ଥିବା ଏସବିଆଇ ଏଟିଏମରେ ଭଙ୍ଗାରୁଜା କରିଛନ୍ତି ଦୁର୍ବୃତ୍ତ । ବିଳମ୍ବିତ ରାତିରେ ଏଟିଏମ ଭାଙ୍ଗୁଥିବାବେଳେ ସ୍ଥାନୀୟ ଲୋକେ ୨ ଜଣଙ୍କୁ କାବୁ କରିଛନ୍ତି ।  ଯୁବକଙ୍କୁ  ନିର୍ଧୁମ ଛେଚିବା ସହ  ପୋଲିସ ଜିମା ଦେଇଛନ୍ତି ସ୍ଥାନୀୟ ଲୋକେ । ଏଟିଏମରୁ ଟଙ୍କା ଚୋରି ହୋଇଛି କି ନାହିଁ ସ୍ପଷ୍ଟ ହୋଇନାହିଁ । ୨ ଯୁବକଙ୍କୁ ଅଟକ ରଖି ପଚରାଉଚରା କରୁଛି ପୋଲିସ । ସେମାନଙ୍କଠାରୁ ଗୋଟିଏ ମାରୁତି କାର୍ ଜବତ କରାଯାଇଛି ।