ଭଦ୍ରକ ୧୦।୦୯: ଦୋକାନ ଲୁଟିବା ପାଇଁ ଆସିଥିଲେ , ୩ରୁ ଅଧିକ ଦୋକାନ ତାଲା ଭାଙ୍ଗି ଲୁଟ କରୁଥିଲେ । କିନ୍ତୁ ଏହି ସମୟରେ ନିକଟରେ ଥିବା ଘରେ ଲାଇଟ ଜଳୁଥିବାର ଦେଖି , ସେହି ଘରେ ରହୁଥିବା ବୃଦ୍ଧାଙ୍କୁ କବାଟ ଖୋଲିବା ପାଇଁ କହିଥିଲେ ଦୁର୍ବୃତ୍ତ । ବୃଦ୍ଧା କବାଟ ନଖୋଲିବାରୁ କବାଟକୁ ଭାଙ୍ଗି ଘରେ ପଶିଥିଲେ , ଏବଂ ବୃଦ୍ଧାଙ୍କୁ ମାଡ଼ ମାରି ଲହୁଲୁହାଣ କରିଛନ୍ତି । ଭଦ୍ରକ ଜିଲ୍ଲା ଧାମନଗର ଥାନା ବାରିକପୁର ବଜାର ନିକଟରେ ଘଟିଛି ଘଟଣା ।
ସୂଚନା ଅନୁଯାୟୀ କିଛି ଦୁର୍ବୃତ୍ତ ବାରିକପୁର ବଜାରର ଦୋକାନ ଲୁଟ ଉଦ୍ଦେଶ୍ୟରେ ଆସିଥିଲେ । କେତେକ ଦୋକାନର ସଟର ଭାଙ୍ଗି ଲୁଟ କରିବା ସହ କେତେକ ଦୋକାନର ସ୍କାଏ ଲାଇଟ ଭାଙ୍ଗି ଲୁଟ୍ ମଧ୍ୟ କରିଛନ୍ତି । ତେବେ ନିକଟରେ ଥିବା ଏକ ଘରେ କେହି ରହୁଥିବା ଜାଣିବା ପରେ ଦୁର୍ବୃତ୍ତ ମାନେ ଘରକୁ ଯାଇ କବାଟ ଖୋଲିବା ପାଇଁ କହିଥିଲେ , କିନ୍ତୁ ବୃଦ୍ଧା କବାଟ ଖୋଲିବା ପାଇଁ ମନା କରିବାରୁ ସେମାନେ କବାଟ ତାଡି ମାରଣାସ୍ତ୍ରରେ ଆକ୍ରମଣ କରିଥିଲେ ।
ବୃଦ୍ଧା ଜଣକ ଜୀବନ ବିକଳରେ ଯାଏ ନିକଟରେ ଥିବା ଏକ ବୁଦାରେ ଲୁଚି ଯାଇଥିଲେ । ଦୁର୍ବୁତ୍ତମାନେ ଫେରାର ହେବା ପରେ ସ୍ଥାନୀୟ ଲୋକେ ବୃଦ୍ଧାଙ୍କୁ ଉଦ୍ଧାର କରି ଭଦ୍ରକ ମେଡିକାଲ ରେ ଭର୍ତ୍ତି କରିଛନ୍ତି । ବୃଦ୍ଧାଙ୍କ ମୁଣ୍ଡ , ହାତ ଆଦିରେ ଗଭୀର କ୍ଷତ ସୃଷ୍ଟି ହୋଇଛି । ପୋଲିସ ପହଞ୍ଚି ତଦନ୍ତ ଜାରି ରଖିଛି।
