Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟର ସମସ୍ତ ସହରାଞ୍ଚଳରେ ଶନିବାର ଓ ରବିବାର ସଟ୍‌ଡାଉନ୍‌
  • ||
  • ରାଜ୍ୟରେ ସୁସ୍ଥ ହେଲେ ଆଉ ୧୫୦୩ କରୋନା ଆକ୍ରାନ୍ତ
  • ||
  • ଭଦ୍ରକ : ଚାକିରୀରୁ ବିଦା ହେଲେ ରସିକିଆ ଶିକ୍ଷକ, ହ୍ବାଟସଆପ୍ ଗ୍ରୁପରେ ପଠାଇଥିଲେ ନିଜ ଅନ୍ତରଙ୍ଗ ମୁହୂର୍ତ୍ତର ଭିଡିଓ
  • ||
  • ଆନନ୍ଦପୁର : ବାଲି ଗାଡି ମାଲିକଙ୍କୁ ହାବିଲଦାର ମାଗୁଥିଲେ ଚାନ୍ଦା, ଆଜି ଶୁଣିଲା ପରେ ଏସପି କଲେ ସସପେଣ୍ଡ
  • ||
  • ସମ୍ବଲପୁର : ବିଗୁଡୁଛି କରୋନା ସ୍ଥିତି : ଭୀମସାର କୋଭିଡ୍ ହସ୍ପିଟାଲର ବଢିବ ଶଯ୍ୟା, ଚାଲିଛି ଦ୍ବିତୀୟ ହସ୍ପିଟାଲ କାମ
  • ||
  • ଜଳେଶ୍ବର : ବସ୍ତା ଷ୍ଟେସନରେ ଏକ୍ସପ୍ରେସ୍ ଟ୍ରେନ୍ ରହଣି ଦାବି, ରେଳରୋକ କଲେ ସ୍ଥାନୀୟ ବାସିନ୍ଦା
  • ||
  • ମହାକାଳପଡା : କେନ୍ଦ୍ରାପଡାରେ ତାଣ୍ଡବ ରଚିଲା କାଳବୈଶାଖୀ, ବଜ୍ରପାତରେ ଚାଲିଗଲା ଜଣଙ୍କ ଜୀବନ
  • ||
  • ଖଲ୍ଲିକୋଟ : ବରଗଛ ମୂଳରୁ ନବଜାତ ଶିଶୁର ମୃତଦେହ ଉଦ୍ଧାର
  • ||
  • ନବରଙ୍ଗପୁର : ୧୦ଦିନ ପରେ ହୋଇଥାନ୍ତା ବାହାଘର, ଗଛରେ ଓଢଣୀ ବାନ୍ଧି ପ୍ରେମିକ ସହ ଝୁଲିପଡିଲେ ଯୁବତୀ
  • ||
  • ବ୍ରିଟେନ୍‌ ପ୍ରଧାନମନ୍ତ୍ରୀ ବୋରିସ୍‌ ଜନସନ୍‌ଙ୍କ ଭାରତ ଗସ୍ତ ବାତିଲ
  • ||

ସିଂଘୁ ସୀମାରେ ଚାଷୀ ଆନ୍ଦୋଳନସ୍ଥଳ ନିକଟରେ ଫୁଟିଲା ଗୁଳି, କାରରେ ଆସି ଫାଙ୍କା ଗୁଳିଚଳାଇ ଫେରାର ହେଲେ ଦୁର୍ବୃତ୍ତ

8/03/2021 at 3:09 PM

ନୂଆଦିଲ୍ଲୀ ୦୮/୦୩ : ଦିଲ୍ଲୀର ସିଂଘୁ ସୀମାରେ ଆନ୍ଦୋଳନରତ ଚାଷୀଙ୍କ ଟେଣ୍ଟ ଠାରୁ କିଛି ଦୂରରେ ଦୁର୍ବୃତ୍ତମାନେ ଫାଙ୍କା ଗୁଳିଚଳନା କରିଥିବା ଅଭିଯୋଗ ହୋଇଛି । ସିଂଘୁ ବର୍ଡର ଠାରୁ ଏକ କିମି ଦୂର କୁଣ୍ଡଲୀ ଥାନା ଅଞ୍ଚଳରେ ଦୁବୃର୍ତ୍ତମାନେ ଏଭଳି କାଣ୍ଡ ଭିଆଇଛନ୍ତି । ଘଟଣାକୁ ନେଇ ପୋଲିସ କହିଛି ଯେ, ବିଳମ୍ବିତ ରାତିରେ ଟିଡିଆଇ ସିଟି ସାମ୍ନାରେ ଗୁଳିଚାଳନା ହୋଇଥିବାର ଖବର ମିଳିଥିଲା । ଏହା ପରେ ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲା ।

ସେଠାରେ ଉପସ୍ଥିତ ଚାଷୀ ପୋଲିସକୁ ସୂଚନା ଦେଇ କହିଛନ୍ତି, ଉକ୍ତ ଗାଡିରେ ପଞ୍ଜାବର ନମ୍ବର ପ୍ଲେଟ୍‌ ଥିଲା ଏବଂ ସେଥିରେ କିଛି ଲୋକ ମଧ୍ୟ ଆସିଥିଲେ । ଖାଇବାକୁ ନେଇ ସେମାନଙ୍କ ମଧ୍ୟରେ କିଛି ସମୟ ଝଗଡା ହୋଇଥିଲା । ଏହା ପରେ ସେମାନଙ୍କ ମଧ୍ୟରୁ କେହି ଜଣେ ବନ୍ଧୁକ ବାହାର କରି ଫାଙ୍କା ଗୁଳିଚାଳନା କରିବା ଆରମ୍ଭ କରିଦେଇଥିଲା । ଅଭିଯୁକ୍ତମାନେ ୩ ରାଉଣ୍ଡ ଗୁଳି ଚଳାଇଥିବା ପୋଲିସକୁ ସୂଚନା ଦେଇଛନ୍ତି ଚାଷୀ । ଏହା ପରେ ୪ଜଣ ଅଭିଯୁକ୍ତ ଘଟଣାସ୍ଥଳରୁ ଚମ୍ପଟ ମାରିଥିଲେ ।

ତେବେ ଘଟଣାକୁ ନେଇ ପୋଲିସ ତତ୍ପର ହୋଇଉଠିଛି । ଅଭିଯୁକ୍ତମାନଙ୍କୁ ଧରିବା ପାଇଁ ନିକଟରେ ଲାଗିଥିବା ସିସିଟିଭି ଗୁଡିକର ଫୁଟେଜ୍‌ ଯାଞ୍ଚ କରୁଛି ପୋଲିସ । ଯାହାଫଳରେ କି ଗାଡି ନମ୍ବର ଏବଂ ଅଭିଯୁକ୍ତମାନଙ୍କ ବାବଦରେ କିଛି ସୂଚନା ମିଳିପାରିବ । ତେବେ ସେମାନେ ଚାଷୀ ଆନ୍ଦୋଳନସ୍ଥଳ ନିକଟରେ କାହିଁକି ଫାଙ୍କା ଗୁଳି ଫୁଟାଇଲେ ତାହାର ସଠିକ୍‌ ତଥ୍ୟ ଜଣାପଡିନାହିଁ । ପୋଲିସ ଘଟଣାରେ ସଂପୃକ୍ତ ଅଭିଯୁକ୍ତମାନଙ୍କୁ ଖୋଜିବା ଆରମ୍ଭ କରି ଅଧିକ ତଦନ୍ତ ଚଳାଇଛି ।

   Related Posts