Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

କଳା ପଲସର ଆତଙ୍କ : ଦିନ ଦ୍ବିପ୍ରହରରେ ଲୁଟିନେଲେ ୧୦ହଜାର ଟଙ୍କା, ଅଳ୍ପକେ ରହିଗଲା ୫୦ହଜାର

5/01/2021 at 5:21 PM

ନୂଆପଡା ୫।୧: ଦୀର୍ଘଦିନ ପରେ ନୂଆପଡା ଜିଲ୍ଲାରେ ପୁଣି କଳା ପଲସର ଆତଙ୍କ ଦେଖାଦେଇଛି । ଘଟଣାଟି ସୋମବାରର ହୋଇଥିବା ବେଳେ ଆସି ସିସିଟିଭିରେ କଏଦ ହୋଇଥିବା ଲୁଟ୍ ର ଦୃଶ୍ୟ ଭାଇରାଲ୍ ହେବାପରେ ଲୋକଲୋଚନକୁ ଆସିଛି । ଯାହାକୁ ନେଇ ସିନାପାଲି ଅଞ୍ଚଳରେ ଭୟର ବାତାବରଣ ମଧ୍ୟ ଖେଳିଯାଇଛି ।

ସୂଚନାଯୋଗ୍ୟ ଯେ, ସୋମବାର ସିନାପାଲି ଥାନା ଶାଗୁନଭାଡି ଗ୍ରାମର ବଂଶୀଧର ମସରା ନାମକ ଜଣେ ବ୍ୟକ୍ତି ସ୍ଥାନୀୟ ସିନାପାଲି ଷ୍ଟେଟ ବ୍ୟାଙ୍କରୁ ୬୦ହଜାର ଟଙ୍କା ଉଠାଇଥିଲେ । ସିନାପାଲି ସ୍ଥିତ ଏକ ଦୋକାନରେ ବାଇକ ରଖି ଡିକିରେ ରଖିଥିବା ୬୦ ହଜାର ଭିତରୁ ୫୦ ହଜାର ଟଙ୍କା କାଢିଥିଲେ । ଦୋକାନୀଙ୍କୁ ସେଥିରୁ ୪୨ ହଜାର ଦେଇ ବାକି ୮ ହଜାରକୁ ନିଜ ପକେଟରେ ରଖିଥିଲେ । ହେଲେ ପୂର୍ବରୁ ପିଛା କରୁଥିବା ଲୁଟେରା ଡିକିରେ ଥିବା ୧୦ହଜାର ଟଙ୍କାକୁ ଧରି କଳା ପଲସର ଯୋଗେ ଫରାର ମାରିଥିଲା । ପରେ ଗାଡି ଡିକି ଖୋଲା ଥିବା ବ୍ୟକ୍ତି ଜଣଙ୍କ ଦେଖିବା ପରେ ୧୦ହଜାର ଟଙ୍କା ଆଉ ନଥିଲା । ପରେ ଦୋକାନୀଙ୍କ ସିସିଟିଭି ଦେଖିବା ପରେ ଜଣେ ଯୁବକ ଟଙ୍କା ନେଇ କଳା ପଲସରରେ ବସି ଫେରାର ହେଉଥିବା ଦେଖିବାକୁ ମିଳିଥିଲା । ତେବେ ଘଟଣାକୁ ନେଇ ତଦନ୍ତ ଜାରି ରଖିଛି ସିନାପାଲି ପୋଲିସ ।

   Related Posts