Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟର ୧୬ଟି ଜିଲ୍ଲାରେ ହେବ ଆରଟି ପିସିଆର ଲ୍ୟାବ୍, ୨୦ କୋଟି ଟଙ୍କା ମଞ୍ଜୁର କଲେ ମୁଖ୍ୟମନ୍ତ୍ରୀ
  • ||
  • ପାଟଣା : ବଳଦ ନେଇ ଘରକୁ ଫେରୁଥିଲେ, ବଜ୍ରାଘାତରେ ଚାଲିଗଲା ରାଇଦାସଙ୍କ ଜୀବନ
  • ||
  • ମହିଳା ସାମ୍ବାଦିକ ସବନମ୍‌ ଶିରିନ୍‌ଙ୍କ ଦେହାନ୍ତ , କୋଭିଡ୍‌ରେ ଆକ୍ରାନ୍ତ ହୋଇ ଏମସ୍‌ରେ ହେଉଥିଲେ ଚିକିତ୍ସିତ
  • ||
  • ଭଦ୍ରକ : ବାପଘର ଲୋକ ଆଣିଲେ ବଧୂ ହତ୍ୟା ଅଭିଯୋଗ, ଶ୍ବଶୁରଘର କହୁଛନ୍ତି ପଡିଗଲେ ବାଥରୁମ୍‌ରେ
  • ||
  • ୧୦ ହଜାର ତଳକୁ ଖସିଲା କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୯୭୯୩ ପଜିଟିଭ୍
  • ||
  • ୧୦ ବର୍ଷର ଶିଶୁର ଜୀବନ ନେଲା କରୋନା…
  • ||
  • ଟ୍ରକ୍‌କୁ ଧକ୍କା ଦେଲା ବରଯାତ୍ରୀ ଗାଡି : ୫ ମୃତ, ୩ ଗୁରୁତର
  • ||
  • ଭୁବନେଶ୍ବର : ରାଜ୍ୟରେ କରୋନା ନେଲା ଆଉ ୧୮ଜଣଙ୍କ ଜୀବନ, ୨୨୧୫ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

ଆସନ୍ତୁ ଜାଣିବା ଆତଙ୍କବାଦୀଙ୍କ ଆଡ୍ଡାକୁ ଧ୍ବଂସ କରିଥିବା ମିରାଜ-୨୦୦୦ ଯୁଦ୍ଧ ବିମାନ ଏବଂ ଏହାର ଶକ୍ତି ବିଷୟରେ

26/02/2019 at 4:18 PM

ନୂଆଦିଲ୍ଲୀ ୨୬/୨: ଫେବୃୟାରୀ ୧୪ରେ ପୁଲଓ୍ବାମା ଆତଙ୍କବାଦୀ ଆକ୍ରମଣର ଠିକ୍ ୧୨ଦିନ ପରେ ଭାରତ ନିଜର ପ୍ରତିଶୋଧ ନେଇଛି। କେବଳ ନିନ୍ଦା ନୁହେଁ ଯାହା ଭାରତ କହିଥିଲା ତାହା କରି ଦେଖାଇଲା। ଫେବୃଆରୀ ୨୬ତାରିଖ ଅର୍ଥାତ ଆଜି ସକାଳେ ଭାରତର୧୨-ମିରାଜ-୨୦୦୦ ବିମାନ ନିଜର ଶକ୍ତି ଦେଖାଇଥିଲା ଏବଂ ଆତଙ୍କବାଦୀଙ୍କୁ ସେମାନଙ୍କ ଔକାତ। ଭାରତୀୟ ବାୟୁସେନା ପୁଲଓ୍ବାମା ଆତଙ୍କବାଦୀ ଆକ୍ରମଣର ପ୍ରତିଶୋଧ ନେବା ପାଇଁ ପାକ୍ ଅଧିକୃତ କାଶ୍ମୀରରେ ଜୈସର ଆତଙ୍କବାଦୀ ସଙ୍ଗଠନରେ ଆକ୍ରମଣ କରିଥିଲା ଏବଂ ସମ୍ପୂର୍ଣ୍ଣ ଭାବେ ସେମାନଙ୍କୁ ଧ୍ବଂସ କରିଥିଲା। ଏଥର ଏହି ଆକ୍ରମଣ ଏୟାର ଷ୍ଟ୍ରାଇକ୍ ଜରିଆରେ ହୋଇଥିଲା। ପାକିସ୍ତାନ ଅଧିକୃତ କାଶ୍ମୀରରେ ପଶି ଆତଙ୍କବାଦୀ ସଙ୍ଗଠନର ଶିବିର ଉପରେ ଭାରତୀୟ ବାୟୁ ସେନା ଆକ୍ରମଣ କରିଥିଲେ। ଏବଂ ଏହି ଅପରେସନକୁ ସଫଳ କରିଥିଲା ମିରାଜ-୨୦୦୦। ଆସନ୍ତୁ ଜାଣିବା ମିରାଜ-୨୦୦୦ ଏବଂ ଏହାର ଶକ୍ତି ବିଷୟରେ।

ମିରାଜ-୨୦୦୦ବିମାନ ଭାରତର ଶକ୍ତିଶାଳୀ ଏବଂ ଲଢ଼ୁଆ ବିମାନ ଯାହା ନିମିଷକ ମଧ୍ୟରେ ଶତ୍ରୃଙ୍କୁ ଆକ୍ରମଣ କରିଥାଏ। ଫ୍ରାନ୍ସର ଡିସଲ୍ଟ କମ୍ପନୀ ଦ୍ବାରା ନିର୍ମିତ ମିରାଜ-୨୦୦୦ ଲଢ଼ୁଆ ବିମାନ ଯାହାର ନାଁ ବଜ୍ର ରଖା ଯାଇଛି। ମିରାଜ ଲଢ଼ୁଆ ବିମାନ ଲେଜର ଗାଇଡେଡ ବୋମା ଦ୍ବାରା ଆକ୍ରମଣ କରିବାରେ ସକ୍ଷମ ହୋଇଥାଏ। କୁହାଯାଉଛି ଯେ ଭାରତୀୟ ବାୟୁ ସେନା ଆତଙ୍କବାଦୀ ଆଡ୍ଡାରେ ଆକ୍ରମଣ ପାଇଁ ଏହି କୈାଶଳ ଅବଲମ୍ବନ କରିଥିଲେ।

୧୯୮୫ରେ ମିରାଜ ଭାରତୀୟ ବାୟୁସେନାରେ ସାମିଲ ହୋଇଥିଲା। କାରଗିଲ ଯୁଦ୍ଧରେ ମିରାଜ ପାକିସ୍ତାନକୁ ପରାସ୍ତ କରିଥିଲା। ନୂତନ ମିରାଜରେ ରାଡାର ଏବଂ ଇଲେକ୍ଟ୍ରୋନିକ୍ ସିଷ୍ଟମ୍ ଲାଗିଛି,ଯାହା ଦ୍ବାରା ଏହି ବିମାନର ମାରକ ଏବଂ ଲକ୍ଷ୍ୟଭେଦ କ୍ଷମତା ଆହୁରି ବଢ଼ିଯାଇଛି। ମିରାଜ-୨୦୦୦ର  ସର୍ବାଧିକ ବେଗ ଘଣ୍ଟାକୁ ୨,୪୯୫କିଲୋମିଟର। ଅତି ଛୋଟ ରନଓ୍ବେରେ ମଧ୍ୟ ଏହା ଉଡ଼ି ପାରିଥାଏ। ନିଜ ଓଜନ ହିସାବରେ ବୋମା ଏବଂ ମିସାଇଲ୍ ଛାଡ଼ିଥାଏ ମିରାଜ-୨୦୦୦। ଭୂମିରେ ଏକା ସହିତ ଦୁଇଟି ଭିନ୍ନ ଭିନ୍ନ ଲକ୍ଷ୍ୟରେ ପ୍ରହାର କରିଥାଏ ମିରାଜ-୨୦୦୦। ଏହାର ଓଜନ ୭,୫୦୦କିଲୋଗ୍ରାମ୍। ଅସ୍ତ୍ରଶସ୍ତ୍ର ସହିତ ଏହା ୧୩,୮୦୦କିଲୋଗ୍ରାମ୍ ହୋଇଯାଇଥାଏ।        

   Related Posts