ଢେଙ୍କାନାଳ, ୩୦|୦୭ : ପୋଲିସ ଶୁଣିଲାନି । ଅସଦାଚରଣର ଶିକାର ନାବାଳିକା ଅଭିଯୋଗ କଲେ ମଧ୍ୟ କାର୍ଯ୍ୟାନୁଷ୍ଠାନ ନେଲେନି ଖାକି ବାବୁ । ଶେଷର ନିରୁପାୟ ହୋଇ ଆତ୍ମହତ୍ୟା କଲେ ନାବାଳିକା । ଏଭଳି ସାଂଘାତିକ ଅଭିଯୋଗ ଆସିଛି ଢ଼େଙ୍କାନାଳ ସଦର ଥାନା ଦିନବନ୍ଧୁପୁର ଗାଁରୁ ।
ସୂଚନାନୁସାରେ, ଜିଲ୍ଲାର ଦିନବନ୍ଧୁପୁରର ଜଣେ ଯୁବକ ଜୈନିକା ନାବାଳିକାଙ୍କୁ ବାରମ୍ବାର ଅସଦାଚରଣ କରୁଥିଲା । ଅସଦାଚରଣର ଶିକାର ହୋଇଥିବା ଜଣେ ୧୭ବର୍ଷୀୟା ନାବାଳିକା ନ୍ୟାୟ ପାଇଁ ପ୍ରଥମେ ଗାଁ ସଭା ଓ ପରେ ପୋଲିସ୍କୁ ଗୁହାରି କରିଥିଲେ । କିନ୍ତୁ ପୋଲିସ ଅଭିଯୁକ୍ତକୁ ଥାନାକୁ ଡାକି ମାମଲା ରଫାଦଫା କରିଦେଇଥିଲା । ପୋଲିସର ଢ଼ିଲା ଆକ୍ସନର ସୁଯୋଗ ନେଇ ଅଭିଯୁକ୍ତ ପ୍ରତିଶୋଧ ପରାୟଣ ହୋଇ ପୁଣି ସଂପୃକ୍ତ ନାବାଳିକାକୁ ଅସଦାଚରଣ କରିଥିଲା । ଫଳରେ କୌଣସି ସ୍ଥାନରୁରୁ ନ୍ୟାୟ ନପାଇ ଶେଷରେ ନିରାଶ ହୋଇଯାଇଥିଲେ ନାବାଳିକା । ତେଣୁ ସେ ଆତ୍ମହତ୍ୟା କରିଥିବା ଅଭିଯୋଗ ହୋଇଛି ।