Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାକାଶରେ ନିୟନ୍ତ୍ରଣ ହରାଇଛି ସ୍ପେସଏକ୍ସର ଫାଲକନ-୯, ବିପଦରେ ଭାରତର ଚନ୍ଦ୍ରଯାନ
  • ||
  • ବିଜେପିରେ ସାମିଲ ହେଲେ ଉତ୍ତରାଖଣ୍ଡର ପୂର୍ବତନ କଂଗ୍ରେସ ଅଧ୍ୟକ୍ଷ କିଶୋର ଉପାଧ୍ୟାୟ
  • ||
  • ରାଜ୍ୟରେ ଆଉ ୮ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୫୦କୁ ବୃଦ୍ଧି
  • ||
  • ରାଜ୍ୟରେ କମିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୯୦୧ କୋଭିଡ୍ ପଜିଟିଭ୍, ୧୨୩୧୧୬୯ରେ ପହଞ୍ଚିଲା ସଂଖ୍ୟା
  • ||
  • ଜିଲ୍ଲା ପରିଷଦ ନିର୍ବାଚନ ଲଢୁଛନ୍ତି ଡାକ୍ତରାଣୀ, ଚର୍ଚ୍ଚାରେ ବିଜେପି ପ୍ରାର୍ଥୀ ମୋନାଲିସା
  • ||
  • ବିସ୍ଫୋରଣ କରି ଟ୍ରେନ୍ ଲାଇନ ଉଡାଇଲେ ନକ୍ସଲ, ପୋଷ୍ଟରରେ ଦେଲେ ଧମକ
  • ||
  • କୁହୁଡିର ଚାଦରରେ ଜଗତସିଂହପୁର, ଗମନାଗମନ ବାଧାପ୍ରାପ୍ତ
  • ||

ଆଶା ଛାଡିଦେଇଥିଲେ ବାପା, କିନ୍ତୁ ନିଖୋଜ ହେବାର ବର୍ଷେ ପରେ ଉଦ୍ଧାର ହେଲେ ନାବାଳିକା

10/06/2020 at 7:17 AM

ରାଉରକେଲା ୧୦।୬: ସୁନ୍ଦରଗଡ ଜିଲ୍ଲା ଚାନ୍ଦିପୋଷ ଥାନା କୁମକେଲା ଗାଁର ୧୬ ବର୍ଷ ବୟସ୍କ ନାବାଳିକା ଏକ ବର୍ଷ ତଳେ ନିକଟ ଗାଁ ଚନ୍ଦ୍ରପୁରକୁ ଯାତ୍ରା ଦେଖିବାକୁ ଯାଇ ଘରକୁ ଫେରିବା ବେଳେ ନିଖୋଜ ହୋଇଯାଇଥିଲା । ନାବାଳିକା ନିଖୋଜ ହେବାପରେ ବାପା ଅନେକ ଖୋଜାଖୋଜି କରିବା ପରେ କୌଣସି ପତ୍ତା ମିଳିନଥିଲା । ଏ ନେଇ ନାବାଳିକାଙ୍କ ବାପା ଥାନାରେ ଲିଖିତ ଅଭିଯୋଗ ମଧ୍ୟ କରିନଥିଲେ । ଶେଷରେ ଝିଅକୁ ପାଇବା ଆଶା ଛାଡିଦେଇଥିଲେ ।

କିନ୍ତୁ ୪ ଦିନ ତଳେ ନାବାଳିକାଙ୍କ ବାପାଙ୍କ ନିକଟରେ ପହଞ୍ଚିଥିଲା ସୁନ୍ଦରଗଡ ଚାନ୍ଦିପୋଷ ପୋଲିସ । ନିଖୋଜ ନାବାଳିକା ମିଳିଥିବାର ଖବର ଦେବା ସହ ନିଖୋଜ ନାବାଳିକାଙ୍କ ଫଟୋ ବାପାଙ୍କୁ ଦେଖାଇବାରୁ ସେ ନିଜ ଝିଅକୁ ଚିହ୍ନି ପାରିଥିଲେ ।

ଖୋର୍ଦ୍ଧା ଜିଲ୍ଲା ସିଡବ୍ଲୁସି ନିଖୋଜ ନାବାଳିକାଙ୍କୁ ଉଦ୍ଧାର  କରିବା ସହ ବୟାନ ରେକର୍ଡ କରିବା ପରେ  ନିଜ ହେପାଜତରେ ଏକ ସେଲଟର ହୋମରେ ରଖାଯାଇଛି । ସଂପୃକ୍ତ ନାବାଳିକାଙ୍କୁ ରାଉରକେଲା ଆଣିବା ପାଇଁ ବ୍ୟବସ୍ଥା ଚାଲିଛି । ଖୋର୍ଦ୍ଧା ଜିଲ୍ଲା  ସିଡବ୍ଲୁସି  ସୁନ୍ଦରଗଡ଼ ଜିଲ୍ଲା ସିଡବ୍ଲୁସି ସହ ଯୋଗାଯୋଗ କରିସାରିଛି । 

ନାବାଳିକାଙ୍କ ନିଖୋଜ ନେଇ ସୁନ୍ଦରଗଡ଼ ସିଡବ୍ଲୁସି ଅଧ୍ୟକ୍ଷ କହିଛନ୍ତି ନିଖୋଜ ନାବାଳିକା ଆସି ରାଉରକେଲାରେ ପହଞ୍ଚିବା ପରେ ତଦନ୍ତ ଆରମ୍ଭ ହେବ । କେଉଁ ପରିସ୍ଥିତିରେ ନାବାଳିକା ନିଖୋଜ ହୋଇଥିଲେ ନିଖୋଜ ପଛର କଣ କାରଣ ରହିଛି । ଯଦି କୌଣସି ପ୍ରଲୋଭନ ଦେଖାଇ କିମ୍ବା ନାବାଳିକାଙ୍କୁ ଖରାପ ଉଦ୍ଦେଶ୍ୟରେ ଅପହରଣ କରାଯାଇଥାଏ ତାହେଲେ ଅଭିଯୁକ୍ତ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ।

   Related Posts