Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଲିଙ୍ଗରାଜ ମନ୍ଦିରରେ ସର୍ବସାଧାରଣ ଦର୍ଶନ ବନ୍ଦ, ବହୁ ସେବାୟତ କୋଭିଡ୍‌ ପଜିଟଭ୍‌ ଚିହ୍ନଟ
  • ||
  • କେକେଆରକୁ ୨୦୫ ରନ୍‌ର ବିଜୟ ଲକ୍ଷ ଦେଲା ଆରସିବି
  • ||
  • କରୋନା ଯୋଗୁଁ ପଶ୍ଚିମବଙ୍ଗରେ ନିଜର ସବୁ ରାଲି ବାତିଲ କଲେ ରାହୁଲ ଗାନ୍ଧୀ: ସୋସିଆଲ ମିଡ଼ିଆରେ ହେଉଛି ପ୍ରଶଂସା
  • ||
  • ଏପ୍ରିଲରେ ଭୟାବହ ରୂପ ନେଇଛି କରୋନା: ୧୮ ଦିନରେ ୨୬ ଲକ୍ଷରୁ ଅଧିକ ମାମଲା
  • ||
  • ଦାରିଙ୍ଗବାଡ଼ି : ଭାରସାମ୍ୟ ହରାଇ ବାଇକ୍ ଦୁର୍ଘଟଣାଗ୍ରସ୍ତ : ନାବାଳକ ମୃତ, ୨ ଗୁରୁତର
  • ||
  • JEE ମେନ୍‌ ୨୦୨୧ ସ୍ଥଗିତ, ସଂକ୍ରମଣ ବୃଦ୍ଧିକୁ ଦୃଷ୍ଟିରେ ରଖି ନେସନାଲ୍ ଟେଷ୍ଟିଂ ଏଜେନ୍ସିର ନିଷ୍ପତ୍ତି
  • ||
  • କରୋନା ସଂକ୍ରମଣ ଚିନ୍ତା, ଆଗୁଆ ପଦକ୍ଷେପ : ୪ରୁ ୫ ଗୁଣ ବଢିବ ବେଡ୍ ସଂଖ୍ୟା
  • ||
  • ରାଜ୍ୟରେ କରୋନା ନେଲା ଆଉ ୨ ଜଣଙ୍କ ଜୀବନ, ୧୯୪୪ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ମିଳିଲାନି ଅମ୍ଳଜାନ, ଜୀବନ ହାରିଲେ ୬ କରୋନା ଆକ୍ରାନ୍ତ
  • ||
  • ଜୟପୁର ସବ୍ ଜେଲରେ ରେଡ୍, ଏସ୍‌ପି ଓ ଉପ ଜିଲ୍ଲାପାଳ ସାମିଲ
  • ||

ନାବାଳିକାକୁ ଅପହରଣ ପରେ ଗଣଦୁଷ୍କର୍ମ: ମନ ଶାନ୍ତି ହେଲାନି ଯେ ଭିଡିଓ ରେକଡିଂ କରି ସୋସିଆଲ ମିଡ଼ିଆରେ କଲେ ଭାଇରାଲ

4/03/2021 at 5:16 PM

ସୀତାମଢି ୦୪/୦୩ : ବିହାର ସୀତାମଢିରୁ ଏକ ଅତ୍ୟନ୍ତ ଘୃଣ୍ୟ ମାମଲା ସାମ୍ନାକୁ ଆସିଛି। ପରିହାର ଥାନା ଅନ୍ତର୍ଗତ ଏକ ଗାଁରେ ଜଣେ ନାବାଳିକାକୁ ସେହି ଗାଁର କିଛି ଯୁବକ ଅପହରଣ କରି ଗଣଦୁଷ୍କର୍ମ କରିଥିଲେ। ଏତିକିରେ ମନ ଶାନ୍ତି ହେଲାନି ଯେ ଘଟଣାର ଭିଡିଓ ରେକଡିଂ କରି ସୋସିଆଲ ମିଡ଼ିଆରେ ଭାଇରାଲ କରିଦେଲେ। ଘଟଣା ସପ୍ତାହେ ପୂର୍ବର।

ମାମଲାକୁ ନେଇ ଗାଁରେ ଯୁବକଙ୍କ ବିରୋଧରେ ପଞ୍ଚାୟତ ବସିଥିଲା କିନ୍ତୁ ଦୋଷୀମାନେ ପଞ୍ଚାୟତ ନିଷ୍ପତ୍ତିକୁ ମାନିବାକୁ ଅସ୍ବୀକାର କରିଦେଲେ। ଏହାପରେ ପୀଡିତାଙ୍କ ପରିବାର ଅଭିଯୁକ୍ତଙ୍କ ବିରୋଧରେ ଥାନାରେ ମାମଲା ରୁଜ୍ଜୁ କରିଛନ୍ତି। ପୋଲିସ ୪ ଅଭିଯୁକ୍ତଙ୍କ ବିରୋଧରେ ଏଫଆଇଆର ରୁଜ୍ଜୁ କରି ଯାଞ୍ଚ କରୁଛି। ମାମଲା ରୁଜ୍ଜୁ ପରେ ପୀଡିତାଙ୍କ ମେଡିକାଲ ଯାଞ୍ଚ ପାଇଁ ତାଙ୍କୁ ସଦର ହସ୍ପିଟାଲ ପଠାଯାଇଥିଲା। କୋର୍ଟରେ ପୀଡିତା ନିଜ ସହ ହୋଇଥିବା ଏହି ଅମାନୁଷିକ ଘଟଣାର ବୟାନ ଦର୍ଜ କରିଛନ୍ତି। ଅପରପକ୍ଷରେ ପୀଡିତାଙ୍କ ପରିବାର କହିଛି ଯେ ମାମଲା ରୁଜ୍ଜୁ ପରେ ତାଙ୍କୁ ଲଗାତାର ଧମକ ଦିଆଯାଉଛି। ମାମଲା ନ ଉଠାଇଲେ ଜୀବନରେ ମାରିଦେବାକୁ ତାଙ୍କୁ ଧମକ ଦିଆଯାଉଛି।

ସୀତାମାଢି ଏସପି ଅନିଲ କୁମାର କହିଛନ୍ତି ଯେ ପୀଡିତାଙ୍କୁ ନିଶ୍ଚୟ ନ୍ୟାୟ ମିଳିବ ଏବଂ ପୋକସୋ ଆକ୍ଟ ଅନୁଯାୟୀ ମାମଲାର ଶୁଣାଣି ହେବ। ସୋସିଆଲ ମିଡ଼ିଆରେ ଜାରି ହୋଇଥିବା ଏହି ଭିଡିଓକୁ ପ୍ରସାରିତ କରିଥିବା ଲୋକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି।

ସୂଚନାଯୋଗ୍ୟ ଯେ, ଗତ କିଛି ଦିନ ହେଲା ସୀତାମଢି ଜିଲ୍ଲାରେ ଲଗାତାର ଅପରାଧିକ ମାମଲା ବୃଦ୍ଧି ପାଉଛି। ମହିଳା ଓ ସାମାଜିକ ସଂଗଠନ ସହ ଜଡିତ ଲୋକେ ଘଟଣାକୁ ନେଇ ତୀବ୍ର ଅସନ୍ତୋଷ ପ୍ରକାଶ କରିଛନ୍ତି। ଅଭିଯୁକ୍ତକୁ ଶୀଘ୍ର ଗିରଫ କରାଯାଉ ବୋଲି ସାମାଜିକ କାର୍ଯ୍ୟକର୍ତ୍ତା ଦାବି କରିଛନ୍ତି। ମହିଳାଙ୍କ ପ୍ରତି ହେଉଥିବା ଅପରାଧ ମାମଲାରେ ପୋଲିସ ପ୍ରଶାସନ କେବଳ ରୋକ ନ ଲଗାଇ ସ୍ପିଡ଼ ଟ୍ରାଏଲ ମାଧ୍ୟମରେ ଶୀଘ୍ର ଦଣ୍ଡ ଶୁଣାଯାଉ ବୋଲି ମହିଳା ସଂଗଠନ ଓ ସାମାଜିକ କାର୍ଯ୍ୟକର୍ତ୍ତା ଦାବି କରିଛନ୍ତି।

   Related Posts