ଝାରସୁଗୁଡା ୧୯|୬: ନାବାଳିକାଙ୍କୁ ଗଣ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି । ଅଭିଯୋଗକୁ ଆଧାର କରି ଥାନାରେ ଦୁଇ ଜଣଙ୍କୁ ଅଟକ ରଖାଯାଇଛି । ସେମାନଙ୍କୁ ଆଜି ଗିରଫ କରାଯିବ ବୋଲି ଜଣାପଡିଛି ।
ସୂଚନାଯୋଗ୍ୟ ଯେ, ଝାରସୁଗୁଡା ଜିଲ୍ଲା ତାଳପଟିଆ ଫାଣ୍ଡି ଅନ୍ତର୍ଗତ ଗୋଟିଏ ଗାଁର ଜଣେ ନାବାଳିକାର ମା କାମ କରିବାକୁ ଯାଇ ଘରକୁ ଫେରିବାରେ ବିଳମ୍ବ ହୋଇଥିଲା । ଫଳରେ ନାବାଳିକା ଜଣଙ୍କ ତାଙ୍କ ମାଆକୁ ଖୋଜିବାକୁ ଯାଇଥିଲା । ନାବାଳିକାଙ୍କୁ ଏକୁଟିଆ ଦେଖି ବନ୍ଧରପଡା ଅଞ୍ଚଳର ଦୁଇଜଣ ଯୁବକ ତାକୁ ନିକଟସ୍ଥ ଏକ ବନ୍ଧ ନିକଟକୁ ଡାକି ନେଇ ଗଣ ଦୁଷ୍କର୍ମ କରିଥିଲେ। ଏ ସମ୍ପର୍କରେ ସ୍ଥାନୀୟ ଲୋକ ସୂଚନା ପାଇ ଚାଇଲ୍ଡ ଲାଇନ୍ କୁ ଫୋନ୍ କରି ଜଣାଇବା ପରେ ନାବାଳିକାକୁ ଉଦ୍ଧାର କରିବା ପରେ ଥାନାରେ ଖବର ଦିଆଯାଇଥିଲା । ଘଟଣା ସମ୍ପର୍କରେ ଛାନଭିନ କରିବା ପରେ ତାଳପଟିଆ ପୋଲିସ ଦୁଇଜଣ ଯୁବକ ଅନୀଲ ବାଗ ଓ ରାଜାରମ ବାଗକୁ ଅଟକ ରଖି ପଚରାଉଚରା ଚଳାଇଛି। ତେବେ ଆଜି ନାବାଳିକାର ଡାକ୍ତରୀମାଇନା କରାଯିବା ପରେ ଆଜି ଅଟକ ଦୁଇ ଯୁବକଙ୍କୁ ଗିରଫ କରାଯିବ ବୋଲି ସୂଚନା ମିଳିଛି ।