ଡୁମ୍‌କା ୨୮।୩: ଏବେ ସାରା ବିଶ୍ବକୁ ଘାରିଛି କରୋନା ଚିନ୍ତା । କରୋନା ମୁକାବିଲା ପାଇଁ ଦେଶବ୍ୟାପି ଚାଲିଛ ଲକ୍ ଡାଉନ୍ । ଏଭଳି ସ୍ଥିତିରେ ମଧ୍ୟ କିଛି ଯୌନପିପାସୁ ଲୋକଙ୍କ କୁତ୍ସିତ ମାନସିକତାରେ ପରିବର୍ତ୍ତନ ଆସିନାହିଁ । ଏମିତି ଏକ ଅଭାବନୀୟ ଘଟଣା ଘଟିଛି ଝାଡଖଣ୍ଡରେ । ଜଣେ ୧୬ ବର୍ଷର ଝିଅକୁ ଗଣ ଦୁଷ୍କର୍ମର ଶିକାର ହୋଇଛନ୍ତି ।

ସୂଚନାଯୋଗ୍ୟ ଯେ, ଝାଡଖଣ୍ଡର ଡୁମକା ଜିଲ୍ଲାରେ ନାବାଳିକାଙ୍କୁ ତାଙ୍କ ପୁରୁଷ ବନ୍ଧୁଙ୍କ ସମେତ ୧୦ ଜଣ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ପୋଲିସର ରିପୋର୍ଟ ଅନୁଯାୟୀ, ମାର୍ଚ୍ଚ ୨୪ ତାରିଖରେ ଲକ୍ ଡାଉନ୍ ଯୋଗୁଁ ନାବାଳିକା ଜଣଙ୍କୁ ଘରକୁ ଫେରିବାରେ ସମସ୍ୟା ହୋଇଥିଲା । ସେ ତାଙ୍କୁ ପୁରୁଷ ବନ୍ଧୁଙ୍କୁ ତାଙ୍କୁ ଘରେ ଛାଡିଦେବା ପାଇଁ କହି ଡାକିଥିଲେ ।

ପୋଲିସ ଅଧୀକ୍ଷକ (ଏସପି) ଓ୍ବାଇ.ଏସ୍. ରମେଶ କହିଛନ୍ତି ଯେ, ନାବାଳିକା ଜଣଙ୍କ ଡୁମକାଠାରୁ ନିଜ ଘରକୁ ଫେରୁଥିଲା । ଲକ୍ ଡାଉନ୍ ଯୋଗୁଁ ସେ ତାଙ୍କ ପୁରୁଷ ବନ୍ଧୁଙ୍କୁ ଡାକିଥିଲେ ଏବଂ ତାଙ୍କୁ ଘରେ ଛାଡିଦେବାକୁ କହିଥିଲେ । ତେବେ ତାଙ୍କ ପୁରୁଷ ବନ୍ଧୁ ଜଣଙ୍କ ତାଙ୍କ ସାଙ୍ଗମାନଙ୍କ ସହ ସେଠାକୁ ଆସିଥିଲେ । ଲକ୍ ଡାଉନ୍ ର ସୁଯୋଗ ନେଇ ନାବାଳିକାଙ୍କୁ ଗଣ ଦୁଷ୍କର୍ମ କରିଥିବା ନେଇ ଏଫଆଇଆର ରୁଜୁ ହୋଇଛି । ଅଭିଯୋଗ ପାଇବା ପରେ ତଦନ୍ତ ପାଇଁ ପୋଲିସ ଏକ ସ୍ବତନ୍ତ୍ର ଟିମ୍ ଗଠନ କରାଯାଇଛି | ଖୁବ୍ ଶୀଘ୍ର ଅଭିଯୁକ୍ତଙ୍କୁ ଗିରଫ କରାଯିବ ।

ପୀଡିତା ନାବାଳିକା ଜଣଙ୍କ ବର୍ତ୍ତମାନ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ପୋଲିସ ଭାରତୀୟ ପିଙ୍ଗଳ କୋଡ୍ ଧାରା ୩୨୩, ୩୭୬ ଡି ଏବଂ ପୋକ୍ସୋ ଆକ୍ଟ ଅଧିନରେ ସମ୍ପୃକ୍ତ ଅଭିଯୁକ୍ତମାନଙ୍କ ବିରୋଧରେ ମାମଲା ରୁଜୁ କରି ତଦନ୍ତ ଜାରି ରଖିଛି ।