Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଶ୍ଵସ୍ତି: କମୁଛି କରୋନା ପ୍ରଭାବ, ୨୪ ଘଣ୍ଟାରେ ଆରୋଗ୍ୟ ହେଲେ ୮୦୯ ସଂକ୍ରମିତ
  • ||
  • ଡିସେମ୍ବର-ଜାନୁଆରୀ ସମସ୍ତଙ୍କ ପାଇଁ ଗୁରୁତ୍ବପୂର୍ଣ୍ଣ: ଭୁବନେଶ୍ବର ଷ୍ଟେସନ ଓ ଏୟାରପୋର୍ଟରେ କରିପାରିବେ କୋଭିଡ୍‌ ଟେଷ୍ଟ
  • ||
  • ପରୀ ବାପା-ମା’ଙ୍କୁ ଭେଟିଲେ ବିଜେପି ଟିମ୍, ସିବିଆଇ ତଦନ୍ତ ଦାବି
  • ||
  • ରାଉରକେଲା : ଚଳନ୍ତା ଟ୍ରେନ୍‌ର ଟୟଲେଟ୍‌ରେ ନାବାଳିକାଙ୍କୁ ଦୁଷ୍କର୍ମ ଉଦ୍ୟମ, ଅଭିଯୁକ୍ତ ଯୁବକ ଗିରଫ
  • ||
  • କଟକ : ପୁଣି ଏକ ନକଲି ଘିଅ କମ୍ପାନୀରେ ଚଢାଉ, କୋଟିଏ ଟଙ୍କାର ଅପମିଶ୍ରିତ ସାମଗ୍ରୀ ଜବତ
  • ||
  • ପ୍ରେମ: ସେୟାର ଚାଟ୍‌ରୁ ଆରମ୍ଭ ଫେସବୁକରେ ଶେଷ, ସୋସିଆଲ ମିଡିଆରେ ପ୍ରେମିକାଙ୍କ ଅଶ୍ଲୀଳ ଫଟୋ ପୋଷ୍ଟ କଲେ ପ୍ରେମିକ
  • ||
  • ନୂଆପଡା : ମେଡିକାଲରେ ଚାକିରୀ ଦେବାକୁ କହି ଠକୁଥିଲା ଯୁବକ, ଗିରଫ କଲା ପୋଲିସ
  • ||
  • ସମ୍ବଲପୁର : ଦନ୍ତା ହାତୀର ମୃତଦେହ ଠାବ, ବିଦ୍ୟୁତ୍ ତାର ସଂସ୍ପର୍ଶରେ ଆସି ମୃତ୍ୟୁ ଅଭିଯୋଗ
  • ||
  • ଗଞ୍ଜାମ : ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କ ନାଁରେ ବିଜେପି ଓ କଂଗ୍ରେସ ପକ୍ଷରୁ ଏତଲା
  • ||
  • ପୁରୀ : ଅନଲାଇନରେ ନିର୍ମାଲ୍ୟ ବିକ୍ରି କରିବା ନେଇ ସିଂହଦ୍ବାର ଥାନାରେ ଆମାଜନ ଇଣ୍ଡିଆ ବିରୋଧରେ ସେବାୟତଙ୍କ ଏତଲା
  • ||

ଏକ ଭୟଙ୍କର ଅପହରଣ : ନାବାଳିକାଙ୍କୁ ଅପହରଣ କରି ୩୫ଦିନ ଧରି ଦୁଷ୍କର୍ମ କଲା ଅଭିଯୁକ୍ତ, ନିଶାରେ ଚେଙ୍କିଲା ସିଗାରେଟ୍

22/08/2020 at 3:50 PM

ବାରିପଦା ୨୨।୮: ଘରେ କେହି ନଥିବାର ସୁଯୋଗ ନେଇ ନାବାଳିକାଙ୍କୁ ଅପହରଣ । ଦୀର୍ଘ ୩୫ ଦିନ ଧରି ଭିନ୍ନ ଭିନ୍ନ ସ୍ଥାନରେ ରଖି ମାରପିଟ କରିବା ସହ ବାରମ୍ବାର ବଳପୂର୍ବକ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଏମିତି ଏକ ଅଭାବନୀୟ ଘଟଣା ଘଟିଛି ମୟୁରଭଞ୍ଜ ଜିଲ୍ଲା ବଡସାହି ଥାନା ଅଞ୍ଚଳରେ। ହେଲେ ବଡସାହି ପୋଲିସ କେବଳ ଏତଲା ରଖି ଚୁପ୍ ବସିପଡିଛି ବୋଲି ଅଭିଯୋଗ ମଧ୍ୟ ହୋଇଛି । ନାବାଳିକାଙ୍କ ପରିବାର ଲୋକ ବାରମ୍ବାର ଥାନାକୁ ଆସିବାରୁ ପୋଲିସଠାରୁ ନ୍ୟାୟ ବଦଳରେ ଧମକ ଓ ଦୁର୍ବ୍ୟବହାର ପାଇଥିବା ଅଭିଯୋଗ ମଧ୍ୟ କରିଛନ୍ତି ।

ଗତ ମାସ ୧୭ ତାରିଖରେ ବଡସାହି ବ୍ଲକ ଅନ୍ତର୍ଗତ ଅର୍ଜୁନବାଡିଆର ଜଣେ ନାବାଳିକାଙ୍କୁ ଅପହରଣ କରିନେଇଥିଲା ସେହି ଗାଁର ଜଣେ ଯୁବକ । ଅଭିଯୁକ୍ତ ଯୁବକର ନାମ ରମାକାନ୍ତ । ବାପା-ମା’ ବିଲକୁ କାମ କରିବା ପାଇଁ ଯାଇଥିବା ବେଳେ ନାବାଳିକା ଜଣଙ୍କ ଘରେ ଏକା ଥିଲେ। ଏହାର ସୁଯୋଗ ନେଇ ରମାକାନ୍ତ  ନାବାଳିକାଙ୍କ ଘରକୁ ଆସି ମା’ଙ୍କ ଦେହ ଖରାପ ହୋଇଛି ଏବଂ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ବୋଲି କହି ନାବାଳିକାଙ୍କୁ ସାଙ୍ଗରେ ନେଇ ଯାଇଥିଲେ । କିନ୍ତୁ ଡାକ୍ତରଖାନା ନନେଇ ରମାକାନ୍ତ ନାବାଳିକାଙ୍କୁ ଏକ ଅଜଣା ସ୍ଥାନରେ ରଖି ନିଶାଗ୍ରସ୍ତ ଅବସ୍ଥାରେ ବାରମ୍ବାର ଦୁଷ୍କର୍ମ କରିବା ସହିତ ନାବାଳିକାଙ୍କ ଦେହରେ ସିଗାରେଟ୍ ଚେଙ୍କ ଦେବାଭଳି ଅମାନବୀୟ କାଣ୍ଡ କରିଥିଲେ। ଶେଷରେ ଗୁରୁବାର ଯୁବକ ଜଣଙ୍କ ନ‍ବାଳିକାଙ୍କୁ ତାଙ୍କ ଘର ନିକଟ ଜଙ୍ଗଲରେ ଛାଡି ପଲାଇଥିଲେ ବୋଲି ନାବାଳିକାଙ୍କ ମା’ କାନ୍ଦିକାନ୍ଦି କହିଛନ୍ତି।

ଆହୁରି ସଙ୍ଗୀନ ହେଲା ପୋଲିସ ବିରୋଧରେ ନିଷ୍କ୍ରିୟତା ଅଭିଯୋଗ ହୋଇଛି । ନାବାଳିକା ଅପହରଣ ମାମଲାରେ ବଡସାହି ଥାନାରୁ କୌଣସି ନ୍ୟାୟ ନ ପାଇ ଶୁକ୍ରବାର ଅପରାହ୍ନରେ ପିଡୀତାଙ୍କ ପରିବାର ଲୋକେ ମୟୁରଭଞ୍ଜ ଏସପିଙ୍କ ଦ୍ବାରସ୍ଥ ହୋଇଛନ୍ତି। ଦୁଷ୍କର୍ମକାରୀ ଯୁବକ ଜଣଙ୍କର ବଡସାହି ପୋଲିସ ସହିତ ଭଲ ସମ୍ପର୍କ ଥିବାରୁ ଜାଣିଶୁଣି ପୋଲିସ ଅଭିଯୁକ୍ତକୁ ୩୫ ଦିନ ଧରି ଧରିବାକୁ ଚେଷ୍ଟା କରି ନଥିଲା ବୋଲି ମଧ୍ୟ ଅଭିଯୋଗ ହୋଇଛି।

ତେବେ ଏନେଇ ବଡସାହି ଥାନା ଅଧିକାରୀଙ୍କଠାରୁ କୌଣସି ପ୍ରତିକ୍ରିୟା ମିଳି ନଥିବା ବେଳେ ମୟୁରଭଞ୍ଜ ଏସପି ଶୁକ୍ରବାର ଜିଲ୍ଲାରେ ଅନୁପସ୍ଥିତ ଥିବାରୁ ପିଡୀତାଙ୍କ ପରିବାର ସନ୍ଧ୍ୟାରେ ବେତନଟୀ ଏସଡିପିଓଙ୍କ ପାଖରେ ନ୍ୟାୟ ଲାଗି ଗୁହାରି କରିଛନ୍ତି।

   Related Posts