ରାଉରକେଲା, ୧୮|୦୯ : ରାଉରକେଲା ବନ୍ଧମୁଣ୍ଡା ଅଞ୍ଚଳରେ ଏକ ଅଭାବନୀୟ ଘଟଣା ଘଟିଯାଇଛି । ଜଣେ ନାବାଳକ ବିରୋଧରେ ଆସିଛି ଦୁଷ୍କର୍ମ ଅଭିଯୋଗ । ପୋଲିସ ଏହି ମାମଲାରେ ତଦନ୍ତ ଆରମ୍ଭ କରିଛି ।
ସୂଚନାନୁସାରେ, ବନ୍ଧମୁଣ୍ଡା ଥାନା ଅଂଚଳରେ ଘରେ କେହି ନଥିବା ବେଳେ ଜଣେ ୧୩ ବର୍ଷର ନାବାଳିକା ଦୁଷ୍କର୍ମର ଶିକାର ହୋଇଥିଲେ । ଏନେଇ ପୀଡିତା ନିଜ ପରିବାର ଲୋକଙ୍କୁ ଜଣାଇଥିଲେ । ଦୁଷ୍କର୍ମ ହୋଇଥିବା ନେଇ ଅଭିଯୋଗ ଆଣିଥିଲେ ପୀଡିତା ନାବାଳିକାଙ୍କ ପରିବାର ଲୋକେ।
ଏହି ଘଟଣାରେ ବନ୍ଧମୁଣ୍ଡା ପୋଲିସ ୧୪ ବର୍ଷର ଅଭିଯୁକ୍ତ ନାବାଳକକୁ ଅଟକ ରଖି ତଦନ୍ତ କରୁଛି । ଏହାସହ ଅଭିଯୁକ୍ତ ନାବାଳକକୁ ଜୁଭେନାଲ ବୋର୍ଡ଼ରେ ହାଜର କରିବା ପର ସୁଧାର ଗୃହକୁ ପଠାଇ ଦିଆଯାଇଛି ।