ରାଉରକେଲା ୨।୬: ବ୍ରାହ୍ମଣୀ ନଦୀରେ ଭାସି ୪ ବର୍ଷର ନାବାଳିକାଙ୍କ ମୃତ୍ୟୁ । ବ୍ରାହ୍ମଣୀ ନଦୀ ଉପରେ ଆସ୍ଥାୟୀ ଦୁର୍ବଳ କାଠ ପୋଲ ପାର ହେଉଥିବା ସମୟରେ କାଠପୋଲ ଭାଙ୍ଗିଗଲା । ମହିଳା ଜଣଙ୍କ ନାତି ଓ ନାତୁଣୀଙ୍କ ସହ ଲାଠିକଟା ଥାନା ଟିମଜୋର ନିକଟରେ କାଠ ପୋଲରେ ପାର ହେଉଥିବା ବେଳେ ଘଟିଛି ଅଘଟଣ ।

{"id":280232,"sizeSlug":"large"}

ସୂଚନାଯୋଗ୍ୟ ଯେ, ସୋମବାର ସନ୍ଧ୍ୟାରେ ମହିଳା ଜଣଙ୍କ ତାଙ୍କ ନାତି ଏବଂ ନାତୁଣୀଙ୍କୁ ଧରି ଏହି ଆସ୍ଥାୟୀ ଦୁର୍ବଳ କାଠ ପୋଲ ଦେଇ ନିଜ ଘର ବ୍ରାହ୍ମଣୀ ତରଙ୍ଗ ଥାନା ସମରଝୋଳ ଗାଁକୁ ଫେରୁଥିବା ବେଳେ ଅଘଟଣ ଘଟିଛି । କାଠ ପୋଲ ଭାଙ୍ଗି ଯିବାରୁ ନଦୀ ଗର୍ଭକୁ ଆଈ, ନାତି ଓ ନାତୁଣୀ ଗଳି ପଡିଲେ । ଲୋକେ ଖବର ପାଇବା ପରେ ନଦୀରେ ପଶି ଆଈ ସହ ନାତିଙ୍କୁ ଉଦ୍ଧାର କରିଥିବା ବେଳେ ୪ ବର୍ଷର ନାତୁଣୀ ନିଖୋଜ ରହିଥିଲେ । ଅଗ୍ନିଶମ ବିଭାଗ ସହ ସ୍ଥାନୀୟ ଲୋକେ ଉଦ୍ଧାର କାର୍ଯ୍ୟରେ ଲାଗି ଖୋଜାଖୋଜି କରିବା ପରେ କାଠ ପୋଲର କିଛି ଦୂରରେ ନିଖୋଜ ୪ ବର୍ଷର ନାତୁଣୀଙ୍କ ମୃତଦେହ ଉଦ୍ଧାର ହୋଇଥିଲା ।