ରାଇରଙ୍ଗପୁର, ୨୩/୬: ରାଇରଙ୍ଗପୁର ଗ୍ରାମ ପାଖ ଗଛରୁ ଜଣେ ନାବାଳିକାର ଝୁଲନ୍ତା ମୃତଦେହ ଉଦ୍ଧାର କରାଯାଇଛି। ଏପରି ଘଟଣା ତିରିଙ୍ଗ ଥାନା ଦେଓଗାଁରେ ଦେଖିବାକୁ ମିଳିଛି । ମୃତ ନାବାଳିକାଙ୍କ ନାମ ସମ୍ବାରି ବାନରା ହୋଇଥିବା ଜଣାପଡ଼ିଛି ।
ସୂଚନା ଅନୁଯାୟୀ, ଗୋରୁମହିଷାଣି ଥାନା ଡଙ୍ଗା ପାଣି ଗ୍ରାମର ନାବାଳିକା ସମ୍ବାରୀ ଦୁଇମାସ ହେଲା ମାମୁଁଘର ଦେଓଗାଁରେ ରହୁଥିଲେ । ମାମୁଁ ଘରର ପରିବାର ଖ୍ରୀଷ୍ଟିଆନ ଧର୍ମ ଗ୍ରହଣ କରିଥିଲେ । ଗତକାଲି ଗାଁର ଆଉ ଜଣକ ଘରେ ଖ୍ରୀଷ୍ଟିଆନ ଧର୍ମର ପ୍ରାର୍ଥନା ସଭାକୁ ଯାଇ ଆଉ ଘରକୁ ଫେରି ନଥିଲା ବେଳେ ଆଜି ତାଙ୍କର ଝୁଲନ୍ତା ମୃତଦେହ ଉଦ୍ଧାର ହୋଇଛି । ସ୍ଥାନୀୟ ଲୋକେ ଏହା ହତ୍ୟାକାଣ୍ଡ କହୁଥିବା ବେଳେ ପୋଲିସ ତଦନ୍ତ ଜାରି ରଖିଛି ।