ମୟୁରଭଞ୍ଜ ୨୦|୧୦: ମୟୁରଭଞ୍ଜ ଜିଲ୍ଲା ରାଇରଙ୍ଗପୁରରେ ଅଭାବନୀୟ ଘଟଣା । ଗାଧୋଇବାକୁ ଯାଇଥିବା ବେଳେ ପୋଖରୀରେ ବୁଡି ନାବାଳିକାଙ୍କର ମୃତ୍ୟୁ । ମୃତ ନାବାଳିକା ରାଇରଙ୍ଗପୁର ଗ୍ରାମାଞ୍ଚଳ ଥାନା ମୁଣ୍ଢାଠାକୁରା ଗାଁର ଫୁଲ କିସ୍କୁ ।  ଆଠ ବର୍ଷର  ଫୁଲ ଗାଁ ପୋଖରୀକୁ ଗାଧୋଇବାକୁ ଯାଇଥିଲା ।  ଗୋଡ଼ ଖସି ଯିବାରୁ ସେ ପୋଖରୀ ଭିତରକୁ ଚାଲିଯାଇଥିଲେ ।  ଫଳରେ ପାଣି ପାଟି ନାକରେ ପସିଯିବାରୁ ବୁଡି ଯାଇଥିଲା ଫୁଲ । ପୋଖରୀ ତୁଠରେ ଥିବା କିଛି ଲୋକେ ସଙ୍ଗେ ସଙ୍ଗେ ନାବାଳିକାକୁ ପୋଖରୀରୁ ଉଦ୍ଧାର କରିଥିଲେ । ସେଠାରୁ ରାଇରଙ୍ଗପୁର ଡାକ୍ତରଖାନାକୁ ଆଣିଥିଲେ ନାବାଳିକାକୁ । ତେବେ ଡାକ୍ତର ଫୁଲକୁ ମୃତ ଘୋଷଣା କରିଥିଲେ ।