Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସମ୍ମାନ ରଖିଲା ଭାରତ, ଶେଷ ଦିନିକିଆରେ କଙ୍ଗାରକୁ ୧୩ ରନରେ ଦେଲା ମାତ୍, ୨-୧ରେ ସିରିଜ୍ ଜିତିଲା ଅଷ୍ଟ୍ରେଲିଆ
  • ||
  • ମାଲକାନଗିରି : ଶବ ସତ୍କାର ପାଇଁ ଗାଁ ମଶାଣୀରେ ମିଳୁନି ଜାଗା, ୨୪ ଘଣ୍ଟା ହେଲା ଗାଁ ଦାଣ୍ଡରେ ପଡିଛି ମୃତଦେହ
  • ||
  • ଜୟପୁର : ଆତ୍ମସମର୍ପଣ କଲେ ମହିଳା ମାଓବାଦୀ, ହାର୍ଡକୋର ମାଓବାଦୀ ରାମକ୍ରିଷ୍ଣାର ଥିଲା ଅଙ୍ଗରକ୍ଷୀ
  • ||
  • ଭୁବନେଶ୍ବର : ୧୧୨ ଡାଏଲ କରନ୍ତୁ, ମିଳିବ ସବୁ ଜରୁରୀ ସେବା ଓ ସହାୟତା : ନୂଆ ଏକକ ପୋଲିସ ହେଲ୍ପ ଲାଇନ୍ ନମ୍ବର ଘୋଷଣା କଲେ ମୁଖ୍ୟମନ୍ତ୍ରୀ
  • ||
  • କଟକ : ‘ସ୍କୁଲ ଫି’ ଧାର୍ଯ୍ୟ ପାଇଁ ଆଇନ ନାହିଁ’- ହାଇକୋର୍ଟରେ ଏଭଳି ତଥ୍ୟ ରଖିଲେ ସରକାର
  • ||
  • ୩ ଦିନିଆ ରିମାଣ୍ଡରେ ଯିବେ ଅଭୟକାନ୍ତ ପାଠକ: ସ୍ବତନ୍ତ୍ର ଭିଜିଲାନ୍ସ କୋର୍ଟ ଦେଲେ ଅନୁମତି
  • ||
  • ଭୁବନେଶ୍ୱର : କମିଲା କରୋନା ପରୀକ୍ଷା ଦର, ଏଣିକି ୪ଶହ ଟଙ୍କାରେ ହେବ କୋଭିଡ୍ RT-PCR ଟେଷ୍ଟ
  • ||
  • କଳାହାଣ୍ଡି : ଜମିବାଡ଼ି ବିବାଦକୁ ନେଇ ଗୋଷ୍ଠୀ ସଂଘର୍ଷ, ୪ ଆହତ
  • ||
  • ଜି.ଉଦୟଗିରି : ଭାରସାମ୍ୟ ହରାଇ ବାଇକ୍ ଦୁର୍ଘଟଣା : ଜଣେ ମୃତ, ୨ ଗୁରୁତର
  • ||
  • କଣ୍ଟାବାଞ୍ଝି : ରେଳ ଷ୍ଟେସନରୁ ୭୪ ଜଣ ଦାଦନ ଶ୍ରମିକ ଉଦ୍ଧାର, ସର୍ଦାର ଫେରାର
  • ||

ଅଢେଇ ବର୍ଷ ଶିଶୁକୁ ଦୁଷ୍କର୍ମ କରି ଯୌନାଙ୍ଗରେ ବାଡ଼ି ପୁରାଇ ଇଟାରେ ଛେଚି ହତ୍ୟା କଲା ସିରିଏଲ କିଲର; ପୂର୍ବରୁ ୧୫ ଶିଶୁଙ୍କର କରିଛି ଶିକାର

25/11/2018 at 2:50 PM

ଗୁଡଗାଓଁ ୨୫/୧୧ : ଅଢେଇ ବର୍ଷ ଶିଶୁକୁ ନୃଶଂସ ହତ୍ୟା | ଶିଶୁକୁ ଅପହରଣ ପରେ ଦୁଷ୍କର୍ମ ଏବଂ ହତ୍ୟା କରାଯାଇଛି | ଘଟଣା ଘଟିଛି ଗୁଡଗାଓଁରେ | ଜଣେ ଅଢେଇ ବର୍ଷୀୟ ଶିଶୁକୁ ଅଭିଯୁକ୍ତ ଦୁଷ୍କର୍ମକାରୀ ରବିବାର ସକାଳେ ଶିଶୁକୁ ଅପହରଣ କରିନେଇଥିଲା | ଏହାପରେ ଶିଶୁ ସହ ଦୁଷ୍କର୍ମ କରି ତାଙ୍କୁ ନୃଶଂସ ଭାବେ ହତ୍ୟା କରିଛି | ଶିଶୁର ପୋଷ୍ଟ ମର୍ଟମ କରିଥିବା ଡାକ୍ତର ଦୀପକ ମାଥୁର କହିଛନ୍ତି ଯେ, ଶିଶୁର ଯୌନାଙ୍ଗରେ ଅଭିଯୁକ୍ତ ଏକ ବାଡ଼ି ପସେଇ ଦେଇଥିଲା | ଏହାପରେ ଏକ ଇଟାରେ ଶିଶୁର ମୁଣ୍ଡକୁ ଆଘାତ କରି ଶିଶୁକୁ ହତ୍ୟା କରାଯାଇଛି |

ପୋଲିସ ସୂଚନା ଅନୁଯାୟୀ, ଶିଶୁଟି ନିଜ ବାପା ମାଙ୍କ ସହ ସେକ୍ଟର- ୬୬ରେ ରହୁଥିଲେ | ଗତ ରବିବାର ପ୍ରାୟ ୧୧ଟା ବେଳେ ସେ କଲୋନୀରୁ ଅଚାନକ ଗାୟବ ହୋଇଯାଇଥିଲେ | ବହୁତ ସମୟ ଯାଏଁ ନ ଆସିବାରୁ ଶିଶୁକୁ ପାଖାପାଖି ଅଂଚଳରେ ଖୋଜାଖୋଜି କରାଯାଇଥିଲା | କିନ୍ତୁ ବିଳମ୍ବିତ ରାତି ଯାଏଁ ଶିଶୁର କୌଣସି ପତ୍ତା ମିଳିନଥିଲା | ସୋମବାର ସକାଳୁ ସେହି ପାଖରୁ ଏକ ପଶୁ ଭାଡ଼ିରୁ ଶିଶୁଙ୍କ ରକ୍ତାକ୍ତ ମୃତଦେହ ଉଦ୍ଧାର କରାଯାଇଥିଲା | ପରିବାର ଲୋକେ ସଂଗେସଂଗେ ପୋଲିସ ଖବର ଦେଇଥିଲେ | ପୋଲିସ ଘଟଣାସ୍ଥଳରେ ପହଂଚି ଶିଶୁର ମୃତଦେହ ଜବତ କରି ପୋଷ୍ଟ ମର୍ଟମ ପାଇଁ ପଠାଇଥିଲା | ପୋଷ୍ଟ ମର୍ଟମ କରିଥିବା ଡାକ୍ତର କହିଛନ୍ତି ଶିଶୁଙ୍କ ଶରୀରର ବିଭିନ୍ନ ଜାଗାରେ କ୍ଷତ ଚିହ୍ନ ରହିଥିଲା | ଦୁଇଟି ଗଭୀର କ୍ଷତ ଥିବା ଡାକ୍ତର କହିଥିଲେ | ଶିଶୁର ଯୌନାଙ୍ଗରେ ବାଡ଼ି ପୁରାଇବା ଏବଂ ପରେ ଇଟାରେ ପିଟିବା ଯୋଗୁଁ ଶିଶୁର ମୃତ୍ୟୁ ହୋଇଥିବା ଡାକ୍ତର କହିଥିଲେ |

ପୋଲିସ ଘଟଣାର ତଦନ୍ତ କରି ଜାଣିବାକୁ ପାଇଥିଲା, ଦୁଷ୍କର୍ମକାରୀ ସୁନୀଲ କୁମାର ଉତ୍ତର ପ୍ରଦେଶରୁ କାମ କରିବା ପାଇଁ ଗୁଡଗାଓଁ ଆସିଥିଲା | ଘଟଣା ପରେ ଅଭିଯୁକ୍ତ ସୁନୀଲ ସେଠାରୁ ଫେରାର ହୋଇଯାଇଥିଲା | ଶନିବାର ଦିନ ପୋଲିସ ଅଭିଯୁକ୍ତ ସୁନୀଲକୁ ଗିରଫ କରିଛି | ଗବଳିଆର ଅଖିଳେଶ୍ଵର ମନ୍ଦିର ପାଖରୁ ପୋଲିସ ଏକ ୫ ବର୍ଷ ବୟସ୍କ ଶିଶୁର କଙ୍କାଳ ଉଦ୍ଧାର କରିଥିଲା | ମନ୍ଦିରରେ ଏକ ଭୋଜନ ସମାରୋହ ଚାଲିଥିବାବେଳେ ଅଭିଯୁକ୍ତ ସୁନୀଲ ଶିଶୁକୁ ଏକ ପରିତ୍ୟକ୍ତ ସ୍ଥାନକୁ ଉଠାଇନେଇଥିଲା | ଏହାପରେ ଶିଶୁ ସହ ଦୁଷ୍କର୍ମ ତାଙ୍କୁ ହତ୍ୟା କରିଥିଲା | ଅକ୍ଟୋବର ୨୩ ତାରିଖରେ ସ୍ଥାନୀୟ ପୋଲିସ ସୁନୀଲ ବିରୋଧରେ ଧାରା ୩୬୧ ଏବଂ ୩୬୩ରେ ମାମଲା ରୁଜ୍ଜୁ କରିଥିଲା |

ଗୁଡଗାଓଁରେ ଅଢେଇ ବର୍ଷ ଶିଶୁକୁ ଅମାନବୀୟ ଭାବେ ଦୁଷ୍କର୍ମ ଓ ହତ୍ୟା ପରେ ଅଭିଯୁକ୍ତ ସୁନୀଲକୁ ପୋଲିସ ଝାନ୍ସୀରୁ ଗିରଫ କରିଥିଲା | ଅଭିଯୁକ୍ତ ସୁନୀଲ ଗୁରଫା ହେବ ପରେ ନିଜ ଦୋଷ ସ୍ୱୀକାର କରିଥିଲା ଏବଂ କହିଥିଲା ଯେ, ସେ ୧୫ ଜଣ ଶିଶୁଙ୍କ ସହ ଦୁଷ୍କର୍ମ କରି ସାରିଛି ଏବଂ ଦୁଷ୍କର୍ମ ପରେ ତାଙ୍କର ହତ୍ୟା ମଧ୍ୟ କରିଛି |

   Related Posts