ଜଳେଶ୍ବର ୨୫।୬: ନାବାଳିକାଙ୍କୁ ଅସଦାଚରଣ ଅଭିଯୋଗ । ବାଲେଶ୍ଵର ଜିଲ୍ଲା ବସ୍ତା ଥାନା ଅଞ୍ଚଳର ଘଟିଛି ଏଭଳି ଘଟଣା । ୧୭ ବର୍ଷ ନାବାଳିକାଙ୍କୁ ଅସଦାଚରଣ କରିଥିବା ଅଭିଯୋଗ ହୋଇଛି ।
ସୂଚନା ଅନୁଯାୟୀ, ନାବାଳିକା ଜଣଙ୍କ ଘରେ ଏକା ଥିଲେ । ଏହାର ସୁଯୋଗ ନେଇ ସେହି ଗ୍ରାମର ଜଣେ ଯୁବକ ତାଙ୍କ ଘରେ ପଶିଥିଲେ । ନାବାଳିକାଙ୍କୁ ଏକୁଟିଆ ପାଇ ଯୁବକ ଜଣଙ୍କ ତାଙ୍କ ସହ ଜୋରଜବରଦସ୍ତ ଅସଦାଚରଣ କରିଥିବା ଅଭିଯୋଗ ହୋଇଛି ।
ଏହି ଘଟଣା ଗ୍ରାମବାସୀ ଜାଣିବା ପରେ ଉକ୍ତ ଯୁବକଙ୍କୁ ଦୌଡିରେ ବାନ୍ଧି ଦେଇଥିଲେ । ଏହାପରେ ଯୁବକଙ୍କୁ ବସ୍ତା ପୋଲିସର ଜିମା ଦେଇଛନ୍ତି । ଏସମ୍ପର୍କରେ ନାବାଳିକା ଜଣଙ୍କ ଥାନାରେ ଲିଖିତ ଅଭିଯୋଗ କରିଛନ୍ତି । ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
