ଭୋପାଳ ୨୭।୧୨: ବସ୍ ଭିତରେ ନାବାଳିକାଙ୍କୁ ଦୁଷ୍କର୍ମ ଅଭିଯୋଗ । ଘଟଣାଟି ଘଟିଛି ମଧ୍ୟପ୍ରଦେଶର ରାଜଗଡ଼ ଜିଲ୍ଲାର ବେଓ୍ବାର ଅଞ୍ଚଳରେ । ପୋଲିସ ଏହି ଘଟଣାରେ ତଦନ୍ତ କରି ୨ଜଣ ଅଭିଯୁକ୍ତଙ୍କୁ ଗିରଫ କରିଛି ।
ଗୁରୁବାର ଦିନ ନାବାଳିକାଙ୍କ ବାପା ଥାନାରେ ଅଭିଯୋଗ କରିଥିଲେ କି ତାଙ୍କ ଝିଅ ଇନ୍ଦୋର ଯାଉଥିବା ସମୟରେ ନିଖୋଜ ହୋଇଯାଇଛି । ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଥିଲା । ପୋଲିସର ତଦନ୍ତ ସମୟରେ ବେଓ୍ବାର ଅଞ୍ଚଳରେ ଥିବା ଏକ ବସ୍ ଷ୍ଟାଣ୍ଡରେ ଠିଆ ହୋଇଥିବା ଏକ ବସ୍ରେ ଜଣେ ନାବାଳିକାଙ୍କ ସହ ଦୁଷ୍କର୍ମ ହୋଇଥିବା ଅଭିଯୋଗରେ ଦୁଇ ଜଣଙ୍କୁ ଗିରଫ କରାଯାଇଛି । ପୀଡିତା ନାବାଳିକାଙ୍କ ବୟାନନୁସାରେ ଜଣେ ଅଭିଯୁକ୍ତ ତାଙ୍କ ସହିତ ଦୁଷ୍କର୍ମ କରିଥିଲା। ପୋଲିସ ଉପଖଣ୍ଡ ଅଧିକାରୀଙ୍କ କହିବାନୁଯାୟୀ ଦୁଇ ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି । IPC ଧାରା ଅନୁସାରେ ଉଭୟଙ୍କ ଉପରେ ମାମଲା ରୁଜୁ କରାଯାଇଛି ।