ନିଆଳି ୦୪।୧୨: କଟକ ଜିଲ୍ଲା ନିଆଳି ଥାନା ଅଞ୍ଚଳରେ ଆଠବର୍ଷର ନାବାଳିକାକୁ ଦୁଷ୍କର୍ମ ଅଭିଯୋଗ। ଅଭିଯୋଗ ପରେ ତଦନ୍ତ ଆରମ୍ଭ କରିଛି ନିଆଳି ଥାନା ପୋଲିସ । ଅଭିଯୁକ୍ତକୁ ଥାନାରେ ଅଟକ ରଖି ପୋଲିସ ପଚରାଉଚରା କରୁଛି ।
{"id":193677,"sizeSlug":"large"}ସୂତନାଯୋଗ୍ୟ ଯେ, ନିଆଳି ଥାନା ଅଞ୍ଚଳରେ ୮ ବର୍ଷର ନାବାଳିକାକୁ ଦୁଷ୍କର୍ମ ହୋଇଥିବା ଅଭିଯୋଗ ଆସିଛି । ନାବାଳିକାକୁ ନିଜର ଜଣେ ସଂପର୍କୀୟ ପଡ଼ୋଶି ଭାଇ ଦୁଷ୍କର୍ମ କରିଥିବା ନିଆଳି ଥାନାରେ ଅଭିଯୋଗ କରାଯାଇଛି । ଗତ ରବିବାର ଦିନ ସଂଧ୍ୟା ବେଳେ ଝିଅଟି ଖେଳୁଥିବା ବେଳେ ତାକୁ ଏକୁଟିଆ ପାଇଁ ଯୁବକ ଜଣଙ୍କ ପାଖକୁ ଡାକି ଦୁଷ୍କର୍ମ ଉଦ୍ୟମ କରିଥିଲା ବୋଲି ଅଭିଯୋଗ ହୋଇଛି । ଘଟଣାକୁ ସମାଧାନ ପାଇଁ ଗାଁରେ ସଭା ଡକା ଯାଇଥିଲେ । କିନ୍ତୁ ସମସ୍ୟାର ସମାଧାନ ନହେବାରୁ ଝିଅର ମା ନିଆଳି ଥାନାରେ ଏତଲା ଦେଇଛନ୍ତି । ପୋଲିସ ଘଟଣାର ତଦନ୍ତ ଆରମ୍ଭ କରି ଅଭିଯୁକ୍ତ ଯୁବକକୁ ଗିରଫ କରିଛି । ଡାକ୍ତରୀ ମାଇନା ପରେ ଆଜି କୋର୍ଟ ଚାଲଣ କରାଯିବ ବୋଲି ନିଆଳି ଥାନା ଅଧିକାରୀ ସୂଚନା ଦେଇଛନ୍ତି ।