ସୋର ୧୪।୭: ନିର୍ଯାତନା ସହି ନପାରି ବିଳମ୍ବିତ ରାତିରେ ସେବାଶ୍ରମରୁ ଖସି ପଳାଇଲେ ଦୁଇ ନାବାଳକ । ବାଲେଶ୍ବର ଜିଲ୍ଲା ବାହାନଗା ବ୍ଲକ୍ ଖରାସାହାପୁର ପଞ୍ଚାୟତ ଆଳଦା ଗ୍ରାମରେ ଥିବା ମଲ୍ଲିକା ସେବାଶ୍ରମରୁ ଦୁଇ ଜଣ ନାବାଳକ ଖସିଯାଇଥିଲେ ।
ସେବାଶ୍ରମ କର୍ତ୍ତୃପକ୍ଷ ଅନ୍ତେବାସୀଙ୍କୁ ବାଲି, ସିମେଣ୍ଟ ଓ ଗୋବର ଗୋଟାଇବା କାମ କରିବାକୁ ଦେଉଥିଲେ । କାମ ନକଲେ ନାବାଳକଙ୍କୁ ସେବାଶ୍ରମ କର୍ତ୍ତୃପକ୍ଷ ମାଡ ଦେଉଥିବା ଉଦ୍ଧାର ଦୁଇ ନାବାଳକ ପୋଲିସ ନିକଟରେ ଅଭିଯୋଗ କରିଛନ୍ତି । ଗୋପାଳପୁର ବଜାରରୁ ପାଟ୍ରୋଲିଂ କରୁଥିବା ପୋଲିସ ଦ୍ବାରା ଉଭୟ ନାବାଳକ ଉଦ୍ଧାର । ଆଶ୍ରମରେ ନିର୍ଯାତନା ଦିଆଯାଉଥିବାକୁ ବିରୋଧ କରି ପ୍ରଶାସନକୁ ଅଭିଯୋଗ କରିବା ପାଇଁ ରାତିରେ ୧୦ କିଲୋମିଟର ଚାଲି ଚାଲି ଆସୁଥିଲେ।
