ଉଦୟପୁର ୭|୭: ୫ବର୍ଷର ନାବାଳିକାଙ୍କୁ ୧୫ବର୍ଷର ନାବାଳକ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଉଦୟପୁର ଜିଲ୍ଲାର ଆଓ୍ବାଗଡ ଥାନା ଅଞ୍ଚଳରେ ଏକ ଗାଁରେ ଶନିବାର ନାବାଳିକାଙ୍କ ସହ ସେହି ଗାଁର ଜଣେ ନାବାଳକ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ନାବାଳିକାଙ୍କୁ ଗୁରୁତର ଅବସ୍ଥାରେ ଜିଲ୍ଲା ଚିକିତ୍ସାଳୟରେ ଭର୍ତ୍ତି କରାଯାଇଛି ।
ସୂଚନାଯୋଗ୍ୟ ଯେ, ପୀଡିତା ନାବାଳିକା ସନ୍ଧ୍ୟା ସମୟରେ ଘର ବାହାରେ ଖେଳୁଥିଲେ । ସେହି ସମୟରେ ଗାଁର ଜଣେ ନାବାଳକ ତାଙ୍କୁ ଖଜୁରୀ ଦେବା ବାହାନାରେ ଗାଁ ବାହାରକୁ ନେଇଯାଇଥିଲେ । ସେଠାରେ ନାବାଳକ ଜଣଙ୍କ ନାବାଳିକାଙ୍କ ସହ ଦୁଷ୍କର୍ମ କରିଥିଲେ । ପ୍ରାୟ ଏକ ଘଣ୍ଟା ପରେ ନାବାଳିକା ଜଣଙ୍କ ଘରକୁ ଫେରିଥିଲେ । ଘରକୁ ଫେରିବା ପରେ ନାବାଳିକାଙ୍କ ଅବସ୍ଥା ଦେଖି ଘରଲୋକେ ହତବାକ୍ ହୋଇଯାଇଥିଲେ ।
ପରିବାରଲୋକ ପଚାରିବା ପରେ ଘଟଣା ସଂପର୍କରେ ନାବାଳିକା ଜଣଙ୍କ ସବୁ କହିଥିଲେ । ଘଟଣା ସଂପର୍କରେ ଜାଣିବା ପରେ ପରିବାରଲୋକ ନାବାଳିକାଙ୍କୁ ଅବାଗଡ ଥାନାକୁ ନେଇଯାଇଥିଲେ । ସେଠାରୁ ତାଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଥିଲା । ଘଟଣା ପରେ ଅଭିଯୁକ୍ତ ନାବାଳକ ଫେରାର ହୋଇଯାଇଛି । ନାବାଳିକାଙ୍କୁ ବୟାନ ଆଧାରରେ ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
