ଭୁବନେଶ୍ଵର ୦୯।୦୯: ରାଜଧାନୀରେ ନାବାଳକଙ୍କୁ ନିର୍ମମ ହତ୍ୟା ଘଟଣାରେ ପୋଲିସ ୨ ଜଣଙ୍କୁ ଗିରଫ କରିଥିବା ବେଳେ ୨ ଅଟକ। ଭରତପୁର ଅଞ୍ଚଳର ୧୪ ବର୍ଷୀୟ ଅଶ୍ଵିନୀ ପାଢୀଙ୍କୁ ଅତି ନିର୍ମମ ଭାବେ ହତ୍ୟା କରାଯାଇଥିବା ଅଭିଯୋଗ ହୋଇଛି ।
ଗତ ୨ ତାରିଖ ଦିନ ପୂର୍ବ ଝଗଡାକୁ ନେଇ ଅଶ୍ଵିନୀଙ୍କୁ ୪ ଜଣ ଦୁର୍ବୃତ୍ତ ଗୋଡାଇ ଗୋଡାଇ ଆକ୍ରମଣ କରିଥିଲେ। ଗୁରୁତର ଅବସ୍ଥାରେ ତାଙ୍କୁ ଏକ ଘରୋଇ ହସପିଟାଲରେ ଭର୍ତ୍ତି କରାଯାଇଥିଲା । ଗତକାଲି ବିଳମ୍ବିତ ରାତିରେ ଚିକିତ୍ସାଧୀନ ଅବସ୍ଥାରେ ଅଶ୍ଵିନୀଙ୍କର ମୃତ୍ୟୁ ହୋଇଛି। ନ୍ୟାୟ ଦାବିରେ ପରିବାର ଲୋକ ହସ୍ପିଟାଲ ସମ୍ମୁଖରେ ବସିଛନ୍ତି।
