ରାଉରକେଲା ୦୫।୦୧: ଥାନାରେ ନାବାଳକକୁ ଥାର୍ଡ ଡିଗ୍ରୀ ଅଭିଯୋଗ ଘଟଣା । ଏନେଇ ରାଉରକେଲା ଏସ୍ପି ନୋଟିସ୍ ଜାରି କରାଯାଇଛି । ନୋଟିସ୍ ଜାରି କରିଛନ୍ତି ରାଜ୍ୟ ମାନବଧିକାର କମିଶନ । ଏକ ମୋବାଇଲ ଚୋରି ଅଭିଯୋଗରେ ଉଦିତ ନଗର ଥାନାକୁ ଆଣି ରାତି ସାରା ରଖି ଦିଆଯାଇଥିଲା ଥାର୍ଡ ଡିଗ୍ରୀ ଦିଆଯାଇଥିବା ଅଭିଯୋଗ ହୋଇଛି ।
ଖବର ଅନୁଯାୟୀ, ରାଉରକେଲା ଉଦିତ ନଗର ପୋଲିସ ବିରୋଧରେ ଆସିଛି ସଙ୍ଗୀନ ଅଭିଯୋଗ । ମୋବାଇଲ ଚୋରି ଅଭିଯୋଗରେ ରାଉରକେଲା ଟିମ୍ବର କଲୋନୀର ୧୩ ବର୍ଷର ନାବାଳକକୁ ଥାନାରେ ଥାର୍ଡ ଡିଗ୍ରୀ ଦିଆଯାଇଥିବା ଅଭିଯୋଗ ହୋଇଛି । ଏମିତି କି ବୁଟରେ ମାଡ଼ ମାରିବା ସହ ଉଲଗ୍ନ କରି ଇଲେକ୍ଟ୍ରି ସକ୍ ଦିଆଯାଇଥିବା ନାବାଳକଙ୍କ ପରିବାର ଲୋକେ ଅଭିଯୋଗ କରିଛନ୍ତି । ସାରା ରାତି ଥାନାରେ ରଖି ଅମାନୁଷିକ ଭାବେ ମାଡ ମାରିବା ପରେ ନାବାଳକକୁ ଛାଡି ଦେଇଥିଲା ପୋଲିସ। ଏ ବିଷୟରେ କାହାକୁ ନ କହିବାକୁ ଧମକ ଦେଇଥିଲେ ।
{"id":387043,"sizeSlug":"large","linkDestination":"none"}କିଛି ଦିନ ଚୁପ ଚାପ୍ ରହିବା ପରେ ନାବାଳକ ଜଣଙ୍କ ଜେଜେ ମାଆ ସମ୍ମୁଖରେ ସବୁ କହିଥିଲା । ଏବେ ନ୍ୟାୟ ପାଇଁ ଦାବି କରିଛନ୍ତି ନାବାଳକଙ୍କ ପରିବାର ଲୋକେ । ପ୍ରଶ୍ନ ଉଠୁଛି, ଯଦି ନାବାଳକ ମୋବାଇଲ ଚୋରି କରିଥିଲା । ଆଉ ପୋଲିସ ନାବାଳକ ଠାରୁ ମୋବାଇଲ ଜବତ କଲା ତାହେଲେ ନାବାଳକ ବିରୋଧରେ ପୋଲିସ କାହିଁକି ମାମଲା ରୁଜୁ କରି ସୁଧାର ଗୃହକୁ ପଠାଇଲା ନାହିଁ । ଯାହାକୁ ନେଇ ଉଦିତ ନଗର ପୋଲିସର ପାରିବା ପଣିଆ ଉପରେ ପ୍ରଶ୍ନ ଉଠିଛି । ତେବେ ଜିଲ୍ଲା ଚାଇଲ୍ଡ ଲାଇନ, ସିଡବ୍ଲୁସି ସହ ଜିଲ୍ଲା ଶିଶୁ ସୁରକ୍ଷା ଅଧିକାରୀ ଏହି ଘଟଣାର ତଦନ୍ତ କରୁଛନ୍ତି ।
wp:embed {"url":"http://www.prameyanews7.com/third-degree-to-minor-boy-in-police-station/","type":"wp-embed","providerNameSlug":"prameya-news-7","className":""} /wp:embed