Monday, May 27, 2019

News7

Prameya News7, News7 Odia, Odisha Latest News, Odisha Current Headlines, Odisha News Online

ମା’ଙ୍କୁ ଦୁଷ୍କର୍ମକାରୀ ଠାରୁ ରକ୍ଷା କରିଥିବା ନାବାଳକ ଶେଷରେ ହାରିଗଲା ଜୀବନର ସଂଗ୍ରାମ

ନିଜ ମା’ଙ୍କୁ ଦୁଷ୍କର୍ମକାରୀ ଠାରୁ ରକ୍ଷା କରିଥିବା ନାବାଳକର ୧୯ ମାସ ପରେ ମୃତ୍ୟୁ ହୋଇଯାଇଛି | ମା’ଙ୍କୁ ରକ୍ଷା କରିବାବେଳେ ଦୁଷ୍କର୍ମକାରୀ ସହ ଲଢ଼ିବାବେଳେ ନାବାଳକର ମୁଣ୍ଡରେ ଆଘାତ ଲାଗିଥିଲା | ଘଟଣା ଘଟିଛି ରୁଷରେ | ଘଟଣା ବେଳେ ନାବାଳକ କ୍ରେପିବିନର ବୟସ ଥିଲା ମାତ୍ର ୧୫ ବର୍ଷ | ପ୍ରତିଦିନ ଭଳି ସେଦିନ ମଧ୍ୟ ସେ ସ୍କୁଲକୁ ଯାଇଥିଲେ | ସେ ଯେତେବେଳେ ସ୍କୁଲରୁ ଘରକୁ ଫେରିଲେ ଦେଖିଲେ ଯେ, ତାଙ୍କ ପଡୋଶୀ ରୋମାନ ପ୍ରନିନ ଭୁତ ଜୋରରେ ପାଟି କରୁଥିଲେ ଏବଂ ତାଙ୍କ ମା’ ରକ୍ତାକ୍ତ ଅବସ୍ଥାରେ ପଡ଼ିଥିଲେ |


ରୋମାନ ପୂର୍ବରୁ ମଧ୍ୟ ଏକ ହତ୍ୟା ମାମଲାରେ ଦୋଷୀ ସାବ୍ୟସ୍ତ ହୋଇଥିଲା | ରୋମାନ ପଡୋଶୀରେ ରହୁଥିବା ମହିଳାଙ୍କ ସହ ଜୋସ ଜବରଦସ୍ତ ଶାରୀରିକ ସମ୍ପର୍କ ରଖିବା ପାଇଁ ଧମକାଉଥିଲା | ୧୫ ବର୍ଷୀୟ ନାବାଳକ ବେନ୍ୟା ସ୍କୁଲରୁ ଘରକୁ ଫେରି ଦେଖିଲା ଯେ, ରୋମାନ ତାଙ୍କ ମା’ଙ୍କୁ ଏକ ଛୁରୀରେ ଆକ୍ରମଣ କରୁଥିଲା | ନିଜ ମା’ଙ୍କୁ ରକ୍ଷା କରିବା ପାଇଁ ବେନ୍ୟା ୩ କେଜି ଓଜନର ଏକ ଡ଼ମ୍ବବେଲ ଆଣି ରୋମାନକୁ ଆକ୍ରମଣ କରିଥିଲେ | କିନ୍ତୁ ରୋମାନ ସେହି ଡ଼ମ୍ବବେଲରେ ବେନ୍ୟାଙ୍କ ମୁଣ୍ଡରେ ଆଘାତ ଦେଇଥିଲା | ଫଳରେ ବେନ୍ୟା ଚେତାଶୂନ୍ୟ ହୋଇଯାଇଥିଲେ | ପାଟିତୁଣ୍ଡ ଶୁଣି ପଡୋଶୀ ପୋଲିସ ଖବର ଦେଇଥିଲେ | ପୋଲିସ ଆସିବ ପୂର୍ବରୁ ମା ପୁଅ ମରିଯାଇଥିବା ଭାବି ରୋମାନ ଘଟଣାସ୍ଥଳରୁ ଫେରାର ହୋଇଯାଇଥିଲା |


ବେନ୍ୟା ଏବଂ ତାଙ୍କ ମା’ଙ୍କୁ ପୋଲିସ ରକ୍ତାକ୍ତ ଅବସ୍ଥାରେ ଘରୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲା | ଘଟଣା ପରେ ବେନ୍ୟା ୯ ମାସ ପର୍ଯ୍ୟନ୍ତ କୋମା ଅବସ୍ଥାରେ ଥିଲେ | ତାଙ୍କ ମା’ଙ୍କର ୨୭ ଟି ଜାଗାରେ ଆଘାତ ଚିହ୍ନ ଥିଲା | ଘଟଣା ପରେ ବେନ୍ୟାଙ୍କ ମାଙ୍କୁ ଗଭୀର ଆଘାତ ପହଞ୍ଚିଥିଲା | ହସ୍ପିଟାଲରୁ ବାହାରିଲା ପରେ ସେ ଦିନକୁ ଦୁଇଥର ନିଜ ପୁଅକୁ ଦେଖିବାକୁ ଯାଇଥିଲେ | ବେନ୍ୟାଙ୍କ ମସ୍ତିସ୍କରେ ଗଭୀର ଆଘାତ ବାଜିଥିଲା | ତାଙ୍କ ମସ୍ତିସ୍କର ପ୍ରାୟ ସମସ୍ତ ହାଡ ଭାଙ୍ଗି ଯାଇଥିଲା | ବେନ୍ୟାଙ୍କ ଚିକିତ୍ସା ପାଇଁ ବହୁତ ଅର୍ଥ ମଧ୍ୟ ଯୋଗାଡ଼ କରିବାକୁ ପଡିଥିଲା ତାଙ୍କ ମା’ଙ୍କୁ | ବର୍ଷେ ପରେ ସେ ଚେତା ଫେରି ପାଇଥିଲେ | ଧୀରେ ଧୀରେ ସେ ଠିକ ହେଉଥିଲେ | ହଠାତ ଗତ ଅକ୍ଟୋବର ମାସରେ ତାଙ୍କୁ ଫ୍ଲୁ ହୋଇଗଲା | ଯାହାଫଳରେ ତାଙ୍କ ସ୍ୱାସ୍ଥ୍ୟବସ୍ଥା ଆହୁରି ଖରାପ ହୋଇଗଲା | ବହୁ ଦିନ ଧରି ଜୀବନ ସହ ସଂଗ୍ରାମ କରିବା ପରେ ମଙ୍ଗଳବାର ଦିନ ତାଙ୍କର ମୃତ୍ୟୁ ହୋଇଯାଇଥିଲା |


୩୭ ବର୍ଷ ବୟସ୍କ ଅଭିଯୁକ୍ତକୁ ୧୪ ବର୍ଷ ସଜା ହୋଇଥିଲା | କିନ୍ତୁ ବେନ୍ୟାଙ୍କ ମୃତ୍ୟୁ ପରେ ଅଭିଯୁକ୍ତ ଉପରେ ହତ୍ୟା ମାମଲା ମଧ୍ୟ ଦାଏର ହୋଇଛି | ତେବେ ଜଣେ ଜେଲ ଫେରନ୍ତା ହତ୍ୟାକାରୀକୁ ସେହି ଅଂଚଳରେ ରହିବ ପାଇଁ ଅନୁମତି କିଏ ଦେଇଥିଲା ସେନେଇ ଏବେ ତଦନ୍ତ ଚାଲିଛି |

779 Views

   ସମ୍ବନ୍ଧିତ ଖବର