ସାଲେପୁର ୬।୧: କଟକ ଜିଲ୍ଲା ସାଲେପୁର ନିର୍ବାଚନମଣ୍ଡଳୀ ଗସ୍ତ କରିଛନ୍ତି ଜଳସମ୍ପଦ, ସୂଚନା ଓ ଲୋକସମ୍ପର୍କ ବିଭାଗ ମନ୍ତ୍ରୀ ରଘୁନନ୍ଦନ ଦାସଙ୍କ । ସାଲେପୁର ନିର୍ବାଚନ ମଣ୍ଡଳୀର ରାମେଶ୍ବରଠାରେ କୃଷକ ପରାମର୍ଶ କେନ୍ଦ୍ର, ରାମେଶ୍ବର ୧୨ଲକ୍ଷ ଟଙ୍କାର ସ୍ବାସ୍ଥ୍ୟ ଉପକେନ୍ଦ୍ରର ଶୁଭ ଉଦଘାଟନ, ରାମେଶ୍ବର ସ୍ବାସ୍ଥ୍ୟ କେନ୍ଦ୍ରରେ ୬ ଶଯ୍ୟା ବିଶିଷ୍ଟ ଗୃହର ଶୁଭ ଶିଳାନ୍ୟାସ ସହ ୪ କୋଟି ଟଙ୍କା ବ୍ୟୟରେ କୁଣ୍ଡି ସେତୁର ଶୁଭ ଶିଳାନ୍ୟାସ କରିଛନ୍ତି ।
ମନ୍ତ୍ରୀଙ୍କ ସହ ସ୍ଥାନୀୟ ବିଧାୟକ ପ୍ରଶାନ୍ତ ବେହେରା, ଜିଲ୍ଲା ପରିଷଦ ସଭାନେତ୍ରୀ ଜ୍ୟୋତିରେଖା ନାୟକ, ବ୍ଲକ୍ ଉପାଧ୍ୟକ୍ଷ ରମେଶ ଜେନା, ଫେଡରେଶନ ସଭାନେତ୍ରୀ ତୃପ୍ତିରେଖା ପରିଡା ପ୍ରମୁଖ ଉପସ୍ଥିତ ଥିଲେ । ଏହି କାଯ୍ୟକ୍ରମରେ ଶତାଧିକ ବିଜେଡିକର୍ମୀମାନେ ଯୋଗ ଦେଇଥିଲେ । ସେତୁ ହେବାଦ୍ବାରା ମାହାଙ୍ଗା ଓ ସାଲେପୁର ନିର୍ବାଚନ ମଣ୍ଡଳୀର ଜନସଧାରଣ ଉପକୃତ ହେବେ ବୋଲି ମନ୍ତ୍ରୀ କହିଥିଲେ ।
