Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ଗିରଫ
  • ||
  • ମିର୍ଜାପୁରରେ କଂଗ୍ରେସ ନେତା ଦିଗ୍‌ବିଜୟ ସିଂହଙ୍କ ବଡ଼ ବୟାନ, କହିଲେ- ପାକିସ୍ତାନ ଯିବାକୁ ଚାହୁଁଛି
  • ||
  • ରାଜନୀତିରେ ପ୍ରବେଶ କଲେ ସୁପରଷ୍ଟାର୍ ରଜନୀକାନ୍ତ
  • ||
  • ବଢିଲା LPG ସିଲିଣ୍ଡର ଦର ଏବେ ବିନା ସବସିଡି ଉପଭୋକ୍ତାଙ୍କୁ ଦେବାକୁ ପଡିବ ଅଧିକ ୫୦ଟଙ୍କା
  • ||
  • ସାଲେପୁର : ଆମ୍ବୁଲାନ୍ସକୁ ପିଟିଲା କାର୍, ଡ୍ରାଇଭର ଆହତ
  • ||
  • କଟକ : ସି-ସୋର ଘାଟରୁ ଅଜଣା ମୃତଦେହ ଉଦ୍ଧାର, ଭାସି ଆସିଥିବା ସନ୍ଦେହ
  • ||
  • ଚଣ୍ଡିଗଡ : ପଦ୍ମ ବିଭୂଷଣ ଫେରାଇଲେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ପ୍ରକାଶ ସିଂହ ବାଦଲ
  • ||
  • ନୂଆଦିଲ୍ଲୀ : ଅନଲାଇନ୍‌ରେ ହେବନାହିଁ CBSE ବୋର୍ଡ ପରୀକ୍ଷା, ପୂର୍ବଭଳି ପରୀକ୍ଷା ଦେବେ ଛାତ୍ରଛାତ୍ରୀ
  • ||
  • ଝାରସୁଗୁଡା : ବାପା ନା’ ରାକ୍ଷସ, ନିଶାଶକ୍ତ ଅବସ୍ଥାରେ ୧୧ ବର୍ଷର ଝିଅ ସହ କଲା ଦୁଷ୍କର୍ମ !
  • ||
  • କନ୍ଧମାଳ : ହଜିଗଲା ମା’ର ମମତା, ୪ ବର୍ଷ ଝିଅର ଗାଲ କାଟିଦେଲା ସାବତ ମା’ !
  • ||

ମନ୍ତ୍ରୀ ମାନିବାକୁ ନାରାଜ, ବିରୋଧୀ କିନ୍ତୁ ଛାଡୁନାହାନ୍ତି : ତେଜିଲା ଇସ୍ତଫା ଓ ଦୃଷ୍ଟାନ୍ତ ଦାବି

29/01/2020 at 4:47 PM

ଭୁବନେଶ୍ବର ୨୯/୦୧ –  ପରିବହନ ମନ୍ତ୍ରୀ ପଦ୍ମନାଭ ବେହେରା କହୁଛନ୍ତି ସେ କରିନାହାନ୍ତି ଭୁଲ । ସତ୍ୟପାଠରେ ଭୁଲ ତଥ୍ୟ ଦେଇନାହାନ୍ତି । ବିଧାନସଭା ନିର୍ବାଚନରେ ଦାଖଲ ପ୍ରାର୍ଥୀପତ୍ରରେ ସଂଲଗ୍ନ ସତ୍ୟାପାଠରେ ବୀରମହାରାଜପୁର ବିଧାୟକ ପଦ୍ମନାଭ ବେହେରା ଭୁଲ ତଥ୍ୟ ଦେଇଥିବା ଅଭିଯୋଗ ହୋଇଥିଲା।  ଏହି ଅଭିଯୋଗକୁ ଗ୍ରହଣ କରି ପଦ୍ମନାବହ୍କ ବିରୋଧରେ ଏତଲା ରୁଜୁ ଲାଗି ଓଡ଼ିଶା ହାଇକୋର୍ଟ ନିର୍ଦ୍ଦେଶ ଦେଇଛନ୍ତି । ଏବେ କିନ୍ତୁ ପଦ୍ମନାଭ କହୁଛନ୍ତି, ତାଙ୍କ ବିରୋଧରେ ଆଗତ ଅଭିଯୋଗ ସଂପୂ୍ଣ୍ଣ ମିଛ ।  ବାଣିଜ୍ୟ ଓ ପରିବହନ ମନ୍ତ୍ରୀ ଥିବା ପଦ୍ମନାଭ ବେହେରା କହିଛନ୍ତି , “  ମୁଁ ସତ୍ୟପାଠରେ ଭୁଲ୍ ତଥ୍ୟ ଦେଇନାହିଁ। ୨୦୦୪ ଓ ୨୦୧୯ ସତ୍ୟପାଠରେ ଯାହା ଦେଇଥିଲି ତାହା ଠିକ୍‌ ।ଶିକ୍ଷାଗତ ଯୋଗ୍ୟତା ନେଇ  ମଧ୍ୟ ଭୁଲ୍ ତଥ୍ୟ ଦେଇନାହିଁ । ମୋ ନାଁରେ ମିଥ୍ୟା ଅଭିଯୋଗ ଅଣାଯାଇଛି । “  ଏପରି ଅଭିଯୋଗ ତାଙ୍କ ବିରୋଧରେ ଏକ ଷଡଯନ୍ତ୍ର ବୋଲି କହିଛନ୍ତି ମନ୍ତ୍ରୀ ପଦ୍ମନାଭ । ସେ ଆହୁରି ବି କହିଛନ୍ତି, ତାଙ୍କ  ବିରୋଧରେ ଯିଏ ଅଭିଯୋଗ ଆଣିଛନ୍ତି , ସେ ହିଁ ତାଙ୍କ  ବିଧାୟକ ହେବାକୁ ଚାହୁଁଥିଲେ । କିନ୍ତୁ ବିଫଳ ହେଲେ । ଆଉ ସେଥିଲାଗି ସେ  ଏବେ ମିଛ ଅଭିଯୋଗ କରିଛନ୍ତି ।

ଏପଟେ କିନ୍ତୁ ବିରୋଧି ନଛୋଡବନ୍ଧା । ମନ୍ତ୍ରୀଙ୍କ ବିରୋଧରେ ଏତଲା ରୁଜୁ ଲାଗି ଉଚ୍ଚ ଅଦାଲତ କହିବାପରେ , ମନ୍ତ୍ରୀଙ୍କ ଇସ୍ତଫା ଦାବି ଜୋର ଧରିଛି । କଂଗ୍ରେସ କହିଛି, ମନ୍ତ୍ରୀ ଆଗ ଇସ୍ତଫା ଦିଅନ୍ତୁ ।କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା କହିଛନ୍ତି, ନୈତିକତା ଦୃଷ୍ଟିରୁ ମନ୍ତ୍ରୀ ତାଙ୍କ ପଦରୁ ଇସ୍ଥଫା ଦିଅନ୍ତୁ । ନହେଲେ ମୁଖ୍ୟମନ୍ତ୍ରୀ ନିଜ ଆଡୁ  ହସ୍ତକ୍ଷେପ କରନ୍ତୁ । ସାଲୁଜାଙ୍କ  ଯୁକ୍ତି ହେଲା, ମନ୍ତ୍ରୀଙ୍କ ବିରୁଦ୍ଧରେ ଅଭିଯୋଗର  ସତ୍ୟାସତ୍ୟ  ଅନୁଭବ କରିଛନ୍ତି ହାଇକୋର୍ଟ । ସେଥିପାଇଁ ତାଙ୍କ ବିରୋଧରେ ଏତଲା ରୁଜ୍ଜୁ ଲାଗି  ନିର୍ଦ୍ଦେଶ ଦେଇଛନ୍ତି ।

ସେପଟେ ବିଜେପି ଆଉ ପାଦେ ଆଗେଇଯାଇ କହିଛି,ନିର୍ବାଚନ କମିଶନ ଏପରି ମିଥ୍ୟା ଅବା ଭୁଲ ତଥ୍ୟ ଥିବା ସତ୍ୟପାଠ ପ୍ରସଙ୍ଗରେ  ତର୍ଜମା କରନ୍ତୁ। ବିଜେପି ନେତା ପୃଥ୍ବୀରାଜ ହରିଚନ୍ଦନ ତାଙ୍କ  ପ୍ରତିକ୍ରିୟାରେ କହିଛନ୍ତି, “ ପଦ୍ମନାଭଙ୍କ ସତ୍ୟାପାଠକୁ ନିର୍ବାଚନ କମିଶନ ତର୍ଜମା କରିବା ଉଚିତ।ମିଥ୍ୟା ସତ୍ୟପାଠ ମାମଲାରେ କାର୍ଯ୍ୟାନୁଷ୍ଠାନ ଜରୁରି ଅଟେ। କାରଣ ଏହା ହେଲେ ଏଭଳି ହେଲେ ମିଥ୍ୟା ସତ୍ୟପାଠ ଦେବାକୁ ଆଉ  କେହି ସାହାସ କରିବେନାହିଁ ।“

  ସୂଚନା ଯୋଗ୍ୟ ଯେ, ସତ୍ୟପାଠରେ ନିଜ ବୟସ ନେଇ ପରିବହନ ମନ୍ତ୍ରୀ ପଦ୍ମନାଭ ବେହେରା  ଭୁଲ ତତ୍ୟା ଦେଇଥିବା ଅଭିଯୋଗ ହୋଇଥିଲା । ବୀରମହାରାଜପୁର ଅଞ୍ଚଳର ଭଗବାନ ବାଗ୍‌ଙ୍କ  ଆବେଦନ ଭିତ୍ତିରେ ହାଇକୋର୍ଟ ଏହି ମାମାଲାରେ ପଦ୍ମନାଭଙ୍କ ବିରୋଧରେ ଏତଲା ରୁଜ୍ଜୁଲାଗି ମଙ୍ଗଳବାର ନିର୍ଦ୍ଦେଶ ଦେଇଥିଲେ।

 ତେବେ ଏହାର ଦୁଇ ଦିନ ଆଗରୁ ଆଉ ଏକ ବିବାଦରେ ଛନ୍ଦି ହୋଇଛନ୍ତି ମନ୍ତ୍ରୀ ପଦ୍ମନାଭ । କେନ୍ଦୁଝରରେ ଅନୁଷ୍ଠିତ ଜିଲ୍ଲାସ୍ତରୀୟ ସାଧାରଣତନ୍ତ୍ର ଉତ୍ସବରେ ମୁଖ୍ୟ ଅତିଥି ହୋଇଥିଲେ ବାଣିଜ୍ୟ ଓ ପରିବହନ ମନ୍ତ୍ରୀ ପଦ୍ମନାଭ ବେହେରା ।ଷ୍ଟାଡିୟମ ପଡିଆରେ ଆୟୋଜିତ ହେଉଥିଲା ଉତ୍ସବ । ମନ୍ତ୍ରୀ ମଞ୍ଚଉପରକୁ ଚଢି ପତାକା ଉତ୍ତୋଳନ କରିବା ପୂର୍ବରୁ ମଞ୍ଚ ତଳେ ତାଙ୍କ ଜୋତା ଖୋଲି ଦେଇ ଯାଇଥିଲେ । ମନ୍ତ୍ରୀ ପତାକା ଉତ୍ତୋଳନ ପରେ ମଞ୍ଚ ତଳେ ଥିବା ତାଙ୍କ ଜୋତା ପିନ୍ଧିବାକୁ ଚାହିଁଥିଲେ । ହଠାତ୍‌ ସେହି ସମୟରେ ମନ୍ତ୍ରୀ ଜୋତା ପାଇଁ ଚାହୁଁଥିବା ଦେଖି ଜଣେ ସହଯୋଗୀ  ମନ୍ତ୍ରୀଙ୍କ ଜୋତାକୁ ହାତରେ ଧରି ଆଣି ମନ୍ତ୍ରୀଙ୍କ ଗୋଡ ପାଖରେ ରଖିଥିଲେ । ମନ୍ତ୍ରୀ ତାହା ପିନ୍ଧି ଚାଲିଯାଇଥିଲେ । ଯୋତା ଆଣି ଦେଇଥିବା ବ୍ୟକ୍ତି କିଏ , ତାହା ସ୍ପଷ୍ଟ ହୋଇନି । କିନ୍ତୁ ବିବାଦ ଜାରି ରହିଛି ।

   Related Posts