Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଏସଏଫର ବଡ କାର୍ଯ୍ୟାନୁଷ୍ଠାନ, ବାଂଲାଦେଶ ସୀମାରେ ୮୨ ନକଲି ଡ୍ରାଇଭିଂ ଲାଇସେନ୍ସ ଜବତ
  • ||
  • ୟୁପି ସମର: ଅଖିଳେଶଙ୍କ ପାଇଁ ପ୍ରଚାର କରିବେ ମମତା, ଫେବୃଆରୀ ୮ରେ ଲକ୍ଷ୍ନୌରେ ଭର୍ଚୁଆଲ ରାଲି
  • ||
  • ଆସନ୍ତାକାଲି ପ୍ରଥମ ଦିନିକିଆ: କିଏ କରିବ ଓପନିଂ ? ଖୁଲାସା କଲେ ରାହୁଲ, ୫ ବର୍ଷ ପରେ ଦିନିକିଆକୁ ପ୍ରତ୍ୟାବର୍ତ୍ତନ କରିବେ ଏହି ଖେଳାଳି
  • ||
  • କାରିଗରଙ୍କଠୁ ଲାଞ୍ଚ ନେବା ମହଙ୍ଗା ପଡିଲା, ଭିଜିଲାନ୍ସ ଦ୍ଵାରା ବନ୍ଧା ହେଲେ ହସ୍ତଶିଳ୍ପ ନିଗମର ସହ-ନିର୍ଦ୍ଦେଶକ ଓ କ୍ରାପ୍ଟମ୍ୟାନ୍
  • ||
  • କଲେଜ୍ରେ ନିର୍ବାଚନୀ ସଭା ନେଇ କଠୋର ହେଲେ ଏସଇସି: ଏସଡିପିଓ ଏବଂ ପ୍ରିନ୍ସିପାଲଙ୍କୁ ନିଲମ୍ବନ କରିବାକୁ ଦେଲେ ନିର୍ଦ୍ଦେଶ
  • ||
  • IPL 2022: କେଏଲ ରାହୁଲଙ୍କ ସହ ଏହି ଦୁଇ ଖେଳାଳିଙ୍କୁ ନିଜ ଦଳରେ ସାମିଲ୍ କଲା ଲକ୍ଷ୍ନୌ ଫ୍ରାଞ୍ଚାଇଜି
  • ||
  • ମଙ୍ଗଳବାର ପୃଥିବୀର ନିକଟତର ହେବ ବିରାଟ ଗ୍ରହାଣୁ : ମାଡ ହେଲେ ଘଟାଇବ ବିନାଶ !
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୮ ହଜାରରୁ ଅଧିକ କରୋନା ପଜିଟିଭ୍, ୩୧୦ ମୃତ
  • ||
  • ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୦୮୬ କୋଭିଡ୍ ପଜିଟିଭ୍, ୧୧୫୫୪୮୭ରେ ପହଞ୍ଚିଲା ସଂଖ୍ୟା
  • ||

ଅକ୍ଷୟ ତୃତୀୟାରେ ଲଙ୍ଗଳ ଧରିଲେ ମନ୍ତ୍ରୀ

26/04/2020 at 9:49 PM

ଭୁବନେଶ୍ବର୨୬/୪: ବୈଶାଖ ଶୁକ୍ଲ ତୃତୀୟା ବା ଅକ୍ଷୟ ତୃତୀୟା । ଚାଷୀମାନଙ୍କ ପାଇଁ ଏକ ମହାନ ପର୍ବ । ଅକ୍ଷୟ ତୃତୀୟାରେ ମାଟି ମାଆକୁ ପୂଜା କରି ଚାଷୀପୁଅ ଅଖିମୁଠି ଅନୁକୂଳ କରେ । ଗତବର୍ଷ ଫୋନି ଯୋଗୁଁ ଫିକା ପଡ଼ିଥିଲା ଅକ୍ଷୟ ତୃତୀୟା, ଆଉ ଏଥର କରୋନା କଟକଣା ଭିତରେ ଚାଷୀ ଅଖିମୁଠି ଅନୁକୂଳ କରିଛି ।

କରୋନା ଭୟ ଭିତରେ ପାଳନ ହୋଇଛି ଅକ୍ଷୟ ତୃତୀୟା, ଅଖିମୁଠି ଅନୁକୂଳ କରିଛି ଚଷାପୁଅ। ଗତବର୍ଷ ଫନି ଯୋଗୁଁ ଫିକା ପଡ଼ିଥିଲା, ଆଉ ଏଥର କରୋନା କଟକଣା ଭିତରେ କେବଳ ପ୍ରଥା ପାଳନ ହୋଇଛି । କୃଷିମନ୍ତ୍ରୀ ଅରୁଣ କୁମାର ସାହୁ ନୟାଗଡ଼ରେ ଅଖିମୁଠି ଅନୁକୂଳ କରିଛନ୍ତି । ପୂଜାପାଠ ପରେ ମନ୍ତ୍ରୀ ବିହନ ବୁଣିବା ସହ ଲଙ୍ଗଳ ଧରି ଚାଷ କାର୍ଯ୍ୟ ଆରମ୍ଭ କରିଥିଲେ ।

ଆଠଗଡ଼ର ଗଦାଧରପୁର ଗାଁରେ ନିରାଡ଼ମ୍ବର ଭାବେ ଭୂମି ପୂଜନ ସହ ଅଖିମୁଠି ଅନୁକୂଳ କରିଥିଲେ ଖାଦ୍ୟଯୋଗାଣ ଓ ଖାଉଟିକଲ୍ୟାଣ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ। କରୋନା ଯୋଗୁଁ ଏଥର ସରକାରୀ ଭାବେ ଅକ୍ଷୟ ତୃତୀୟା ପାଳନ କରାଯାଇନାହିଁ । ତେବେ ବିଭିନ୍ନ ଦଳର ନେତା  ସାମାଜିକ ଦୂରତା ରକ୍ଷାକରି ଅଖିମୁଠି ଅନୁକୂଳ କରିଛନ୍ତି। ଖୋର୍ଦ୍ଧା ଜିଲ୍ଲାର ଜାମୁକୋଳିଠାରେ ଚାଷ କାମ ଶୁଭାରମ୍ଭ କରିଥିଲେ କଂଗ୍ରେସ ବିଧାୟକ ସୁରେଶ କୁମାର ରାଉତରାୟ । ମୁଁହରେ ମାସ୍କ ବାନ୍ଧି ଧାନ ବୁଣିବା ସହ ହଳ କରିଥିଲେ ସୁର ।

ଅକ୍ଷୟ ତୃତୀୟା ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଚାଷୀ ଭାଇ ଭଉଣୀମାନଙ୍କୁ ଶୁଭେଚ୍ଛା ଜଣାଇଛନ୍ତି । ଚଳିତ ବର୍ଷ ଚାଷୀ ପାଇଁ ସମୃଦ୍ଧିର ବର୍ଷ ହେଉବୋଲି ଆଶା କରିବା ସହ କୃଷିକାର୍ଯ୍ୟ ସମୟରେ ସାମାଜିକ ଦୂରତା ବଜାୟ ରଖିବା ପାଇଁ ମୁଖ୍ୟମନ୍ତ୍ରୀ ପରାମର୍ଶ ଦେଇଛନ୍ତି। ଆଜି ରାଜ୍ୟର ବିଭିନ୍ନ ସ୍ଥାନରେ ଅଖିମୁଠି ଅନୁକୂଳ ବେଳେ ଚାଷୀ ଭାଇମାନେ ସାମାଜିକ ଦୂରତା ରକ୍ଷା କରିବା ସହ ମାସ୍କ ଆଉ ଗାମୁଛା ବାନ୍ଧିଥିବାର ଦେଖିବାକୁ ମିଳିଥିଲା ।

ଅକ୍ଷୟ ତୃତୀୟାରେ ସମସ୍ତ ଶୁଭକାର୍ଯ୍ୟର ଅନୁକୂଳ ହୋଇଥାଏ । ଗୃହ ନିର୍ମାଣ,  ବିବାହ, ନୂର୍ତନ ଗୃହ ପ୍ରବେଶ, ନୌକା ଗଠନ, ମନ୍ଦିର ପ୍ରତିଷ୍ଠା ହୋଇଥାଏ। ଅକ୍ଷୟ ତୃତୀୟାରେ ସୁନା କିଣିଲେ ସୌଭାଗ୍ୟ ବୃଦ୍ଧି ହୋଇଥାଏ ବୋଲି ବିଶ୍ବାସ ରହିଛି । ଲକ୍ ଡାଉନ୍ ଭିତରେ ବି ସୁନା କିଣିବାର ମୋହ କିନ୍ତୁ ଫିକା ପଡ଼ିନଥିଲା । ଅନ୍ ଲାଇନରେ ଅନେକ ଆଜି ସୁନା କିଣିଛନ୍ତି ।

   Related Posts