ଭୋପାଳ ୧୩।୦୬: ଦାଉ ସାଜିଲା ମାଟି ଅତଡା । କାମ କରୁଥିବା ବେଳେ ଖସି ପଡିଲା ମାଟି ଅତଡା । ଶନିବାର ଦିନ ମଧ୍ୟପ୍ରଦେଶର ଶାହଦୋଲରେ ଏକ ଖଣିରୁ ମାଟି ଅତଡା ଖସି ଶ୍ରମିକଙ୍କ ମୃତ୍ୟୁ ହୋଇଛି । ଶାହଦୋଲରେ ଥିବା ଧଳାମାଟି ଖଣି ମାଟି ଅତଡା ଖସିଯିବାରୁ ୬ ଜଣଙ୍କର ମୃତ୍ୟୁ ହୋଇଥିବା ବେଳେ ଚାରି ଜଣଙ୍କ ଅବସ୍ଥା ଗୁରୁତର ହୋଇଥିବା ଜଣାପଡିଛି । ତେବେ ମାଟି ଅତଡା ଖସିବା ଦ୍ୱାରା କିଛି ଲୋକ ତଳେ ଚାପି ହୋଇ ରହିଥିବା ଆଶଙ୍କା ମଧ୍ୟ କରାଯାଉଛି । ଘଟଣାସ୍ଥଳରେ ସ୍ଥାନୀୟ ପୋଲିସ ଓ ପ୍ରଶାସନ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି । ସେପଟେ ସ୍ଥାନୀୟ ବିଧାୟକଙ୍କ ଦ୍ୱାରା ଖବର ଜାଣିବା ପରେ ମୁଖ୍ୟମନ୍ତ୍ରୀ ଘଟଣାରେ ଶୋକବ୍ୟକ୍ତ କରିବା ସହ ମୃତକଙ୍କ ପରିବାର ପାଇଁ ଅନୁକମ୍ପା ରାଶିର ଘୋଷଣା କରିଛନ୍ତି । ପ୍ରତ୍ୟେକ ମୃତକଙ୍କ ପରିବାରକୁ ୪-୪ ଲକ୍ଷ ଲେଖାଏଁ ଆର୍ଥିକ ସହାୟତା ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହ୍ୱାନ ।
{"id":285631,"sizeSlug":"large"}ମଧ୍ୟପ୍ରଦେଶର ବିହୁରି ପୋଲିସ ଷ୍ଟେସନର ପାପରେଡି ଗାଁରେ ଘଟିଛି । ଖଣିରେ ଫସି ରହିଥିବା ଲୋକଙ୍କୁ ଉଦ୍ଧାର କରିବା ପାଇଁ ଏଠାରେ ପ୍ରଶାସନ ଜେସିବି ମେସିନ ସାହାର୍ଯ୍ୟରେ ଉଦ୍ଧାର କାର୍ଯ୍ୟ ଜାରି ରଖିଛି । କିନ୍ତୁ ବର୍ଷା ହେତୁ ଉଦ୍ଧାର କାର୍ଯ୍ୟରେ ସମସ୍ୟା ଦେଖାଦେଇଛି। ସ୍ଥାନୀୟ ଜିଲ୍ଲାପାଳ ସତ୍ୟେନ୍ଦ୍ର ସିଂ ଏବଂ ଏସପି ସତ୍ୟେନ୍ଦ୍ର ଶୁକ୍ଲା ଘଟଣାସ୍ଥଳରେ ପହଞ୍ଚିଛନ୍ତି । ଘଟଣା କିପରି ଘଟିଲା ତାହାର ମଧ୍ୟ ତଦନ୍ତ ଜାରି ରହିଛି । ସେପଟେ ଗୁରୁତର ଥିବା ଲୋକମାନଙ୍କୁ ନିକଟସ୍ଥ ମେଡିକାଲକୁ ପଠାଯାଇଛି । ଆବଶ୍ୟକ ପଡିଲେ ଉଦ୍ଧାରକାର୍ଯ୍ୟ ପାଇଁ ଅଧିକ ଦଳ ଯୋଗାଡ କରାଯିବା ବୋଲି ସୂଚନା ରହିଛି ।
wp:html/wp:htmlमुख्यमंत्री श्री @ChouhanShivraj ने शहडोल जिले में खदान में हुई दुर्घटना में श्रमिकों की मृत्यु पर दु:ख व्यक्त किया और जिला प्रशासन को मृत श्रमिकों के परिवारों को तत्काल 4-4 लाख रुपए आर्थिक सहायता तथा घायलों के समुचित इलाज की व्यवस्था करने के निर्देश दिये।
— Office of Shivraj (@OfficeofSSC) June 13, 2020
ସୂଚନାଯୋଗ୍ୟ ଯେ, ଅଘଟଣ ଘଟିଥିବା ଅଞ୍ଚଳରେ ଅବୈଧ ରୂପରେ ଖଣି ଖୋଳା ଚାଲିଥିଲା । ନିଜ ଜମିରେ ବେଆଇନ ଭାବରେ ଖଣି ଖନନ କାର୍ଯ୍ୟ ଚାଲୁରହିଥିଲା । ଗାଁଲୋକେ ଏଠାରୁ ମାଟି ଖୋଳି ନିଜ କାମରେ ଲଗାଇଥାନ୍ତି । ବେଆଇନ୍ ଭାବେ ଏଠାରୁ ମଧ୍ୟ ବେପାରୀଙ୍କୁ ବିକ୍ରି କରାଯାଇଥାଏ ବୋଲି ସୂଚନା ରହିଛି ।