ନୂଆଦିଲ୍ଲୀ ୨୦|୧୨: ଉତ୍ତର ଭାରତରେ ଶୀତର ଲହରୀ । ଫଳରେ ଅନେକ ସ୍ଥାନରେ ତାପମାତ୍ରା ସର୍ବନିମ୍ନ ସ୍ତରରେ ପହଞ୍ଚିବା ସହ ଜନଜୀବନ ପ୍ରଭାବିତ ହୋଇଛି । ରାଜଧାନୀ ଦିଲ୍ଲୀ ସମେତ ପଞ୍ଜାବ, ହରିୟାଣା, ରାଜସ୍ଥାନ ଏବଂ ଜମ୍ମୁ କାଶ୍ମୀରରେ ପ୍ରବଳ ଶୀତ ଅନୁଭୂତ ହେଉଛି । ଏପରିକି କେତେକ ସ୍ଥାନରେ ବରଫ ପାତ ହେଉଥିବା ଦେଖିବାକୁ ମିଳିଛି । ରାଜସ୍ଥାନ ଜୟପୁରରେ ସର୍ବନିମ୍ନ ତାପମାତ୍ର ୭.୧ ଡିଗ୍ରୀ ରେକର୍ଡ କରାଯାଇଛି । ପଞ୍ଜାବ ଅମୃତସରରେ ୩.୬ ଡିଗ୍ରୀ ସେଲସିୟସ ରହିଛି । ସେହିପରି ଦିଲ୍ଲୀରେ ତାପମାତ୍ରା ୧ ଡିଗ୍ରି ସେଲସିୟସ ହ୍ରାସ ପାଇଛି । ବୁଧବାର ଦିଲ୍ଲୀରେ ସର୍ବନିମ୍ନ ତାପମାତ୍ରା ୭ ଡିଗ୍ରୀ ରେକର୍ଡ କରାଯାଇଛି । ସେପଟେ ଜମ୍ମୁକାଶ୍ମୀର ରାଜୌରୀରେ ପ୍ରବଳ ଥଣ୍ଡା ପଡିବା ସହ ସପ୍ତାହ ହେଲା ବରଫପାତ ହେଉଛି । ପାହାଡିଆ ଅଞ୍ଚଳରେ ପ୍ରବଳ ବରଫ ବର୍ଷା ହେବାରୁ ରାଜୌରୀ- ପୁଞ୍ଜ ରାସ୍ତାରେ ଯାନବାହାନ ଚଳାଚଳ ବାଧାପ୍ରାପ୍ତ ହୋଇଛି ।
ଅମେଠି ଓ ରାଇବରେଲିରୁ କିଏ ହେବେ କଂଗ୍ରେସ ପ୍ରାର୍ଥୀ?...