ନୀଳଗିରି ୦୬।୦୪: ବାଲେଶ୍ୱର ଜିଲ୍ଲା ନୀଳଗିରି ଥାନା କାଠଗୋଚ୍ଛି ଅଞ୍ଚଳରେ ଚାଞ୍ଚଲ୍ୟ । ସୋମବାର ଠାରୁ ମିଳୁନି ଜଣେ ନିଖୋଜ ମହିଳାଙ୍କ ପତ୍ତା । ମିଳିଛି କେବଳ ତାଙ୍କ ପିନ୍ଧା ଲୁଗା । ଯାହାକୁ ନେଇ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି ।

ଖବର ଅନୁଯାୟୀ, କାଠଗୋଚ୍ଛି ଗାଁର ଚମ୍ପା ସିଂହ ସୋମବାର ଠାରୁ ନିଖୋଜ ଅଛନ୍ତି । ଗତକାଲି କୌଣସି କାରଣରୁ ଘରେ ଝଗଡ଼ା ଲାଗିଥିଲା । ଏହାପରଠାରୁ ଚମ୍ପା କେଉଁଆଡେ ନିଖୋଜ ହୋଇଯାଇଥିଲେ । ତେବେ ଗାଁ ନିକଟରେ ଥିବା ପଥର ଖାଦାନରୁ ଚମ୍ପାଙ୍କ ପିନ୍ଧା ଶାଢି ମିଳିଛି । ଯାହାକି ଅଞ୍ଚଳରେ ଆଲୋଡନା ସୃଷ୍ଟି କରିଛି । ଖାଦାନ ଖାଲରେ ପାଣି ଭର୍ତ୍ତି ଥିବା ବେଳେ ସେ ବୁଡ଼ି ଯାଇପାରିଥାନ୍ତି ବୋଲି ଅନୁମାନ କରାଯାଇଛି। ଦମକଳ ବାହିନୀ ଆସି ଖୋଜାଖୋଜି କରିବା ପରେ ବି କୌଣସି ପତ୍ତା ମିଳୁନାହିଁ ।