Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

ଘରୁ ଡ଼ାକି ନେଇ କ୍ଷୀର ବାଲାଙ୍କୁ ହତ୍ୟା: ତିନିଜଣଙ୍କୁ ଗିରଫ କଲା ପୋଲିସ୍

19/06/2020 at 4:02 PM

ବ୍ରହ୍ମପୁର୧୯/୬: ବ୍ରହ୍ମପୁରରେ କ୍ଷୀର ବ୍ୟବସାୟୀ ଲମ୍ବୋଦୋର ମୁନିଙ୍କ ହତ୍ୟା ଘଟଣାରେ ପୁଲିସ୍‌କୁ ମିଳିଛି ସଫଳତା। ଏହି ଘଟଣାରେ ତିନି ଜଣଙ୍କୁ ପୁଲିସ୍ ଗିରଫ କରିଥିବା ବେଳେ ଅନ୍ୟ ଦୁଇ ଜଣ ସହଯୋଗୀ ଫେରାର୍ ଥିବା ପୁଲିସ୍ କହିଛି। ଗିରଫ ବ୍ୟକ୍ତିଙ୍କ ଠାରୁ ୪ ଲକ୍ଷ ଟଙ୍କା ସହ ସୁନା ଚେନ୍, ସୁନା ମୁଦି ଏବଂ ସୁନା କାନ ଫୁଲ ଜବତ କରିଥିବା ପୁଲିସ୍ କହିଛି। ଦଶ ଭରିରୁ ଅଧିକ ସୁନା ସେମାନଙ୍କଠାରୁ ଜବତ ହୋଇଛି।

ଅନ୍ୟ ଦୁଇଜଣ ସହଯୋଗୀ ଫେରାର୍ ଥିବା ବେଳେ ସେମାନଙ୍କୁ ମଧ୍ୟ ଖୁବ୍ ଶୀଘ୍ର ଗିରଫ କରାଯିବ ବୋଲି ବ୍ରହ୍ମପୁର ଏସ୍.ପି ପିନାକ ମିଶ୍ର ଆଜି ଆୟୋଜିତ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି। କ୍ଷୀର ମାଲିକଙ୍କ ଗାଡି ଚାଳକ ରୂପେଶ୍ ପାଢୀ ଓରଫ୍ ଲାଲା ଘଟଣାର ମାଷ୍ଟର୍ ମାଇଣ୍ଡ୍ ଥିବା ପୁଲିସ୍ କହିଛି। ଗତ ୧୩ ତାରିଖ ବିଳମ୍ବିତ ରାତିରେ ସିନେମା ଷ୍ଟାଇଲ୍‌ରେ ଘରୁ ଡାକି ଘର ଭିତରେ ପଶିଥିଲେ ଦୁର୍ବୃତ୍ତ। ପ୍ରଥମେ ଲୁଟ୍ ତରାଜ୍ ପରେ ଗୋଡକୁ ଗାମୁଛାରେ ବାନ୍ଧି ବିଭତ୍ସ ଭାବେ ହତ୍ୟା କରିଥିଲେ। ଆଲ୍‌ମାରୀ ଭାଙ୍ଗି ୬ ଲକ୍ଷ ଟଙ୍କା ଓ ସୁନା ଅଳଙ୍କାର ଲୁଟି ନେଇଥିଲେ। ଘର ୪ଜଣ ପ୍ରବେଶ କରିଥିବା ବେଳେ ବାହାରେ ମାଷ୍ଟରମାଇଣ୍ଡ୍ ରୂପେଶ୍ ଅପେକ୍ଷା କରିଥିବା ସ୍ବୀକାର କରିଛି।

ମୃତକ ଲମ୍ବୋଦୋର ଜଣେ କ୍ଷୀର ବ୍ୟବସାୟୀ ଭାବେ ବେଶ୍ ପରିଚିତ ଥିଲେ। ସହରର ହିଲ୍‌ପାଟଣା ଅଞ୍ଚଳରେ କ୍ଷୀର ଡିଲର୍ ଭାବେ ବ୍ୟବସାୟ କରୁଥିଲେ। ପୂର୍ବରୁ ତାଙ୍କ ସହ ଝଗଡା ହୋଇଥିବା ବେଳେ ଷଡଯନ୍ତ୍ର ରଚି ଲୁଟ୍ ଓ ହତ୍ୟା କରାଯାଇଥିବା ପୁଲିସ୍ କହିଛି। ଘଟଣାର ତନ ତନ କରି ତଦନ୍ତ କରାଯିବା ପରେ ୩ ଜଣଙ୍କୁ ଗିରଫ କରାଯାଇଥିବା ବେଳେ ଫେରାର୍ ଥିବା ଅନ୍ୟ ଦୁଇ ଜଣଙ୍କୁ ଖୁବ୍ ଶୀଘ୍ର ଗିରଫ କରାଯିବ ବୋଲି ଏସ୍.ପି କହିଛନ୍ତି।

   Related Posts