ଚିଲିକା୨୭|୧୦: ମରାଳ ମାଳିନୀ ନୀଳାମ୍ବୁ ଚିଲିକା ର ନୀଳ ଜଳ-ରାଶି ଏବେ ଦେଶୀ-ବିଦେଶୀ ପକ୍ଷୀଙ୍କ କିଚିରି-ମିଚିରି ଶବ୍ଦରେ ମୁଖରିତ ହେଉଛି । ୪୦ ରୁ ୫୦ ପ୍ରଜାତି ର ବିଦେଶାଗତ ପକ୍ଷୀ ଚିଲିକାର ଅତିଥି ସାଜି ଏବେ-ଏବେ ପାଦ ଥାପିଛନ୍ତି । ବିଦେଶାଗତ ପକ୍ଷୀ ଏବଂ ବିଦେଶୀ ପର୍ଯ୍ୟଟକଙ୍କ ଆଗମନ ଦେଖି ଟୁରିଷ୍ଟି ବୋଟଗୁଡିକ ରଙ୍ଗେଇ ହୋଇଛି ।
ଶୀତର ପହଲି ପରଶ । ନଳବଣରେ ଭିଡ଼ ଧିରେ ଧିରେ ବଢୁଛି। ବିଦେଶରୁ ଆସୁଛନ୍ତି ଚଢ଼େଇ । ଆଉ ଚଢ଼େଇଙ୍କୁ ଦେଖିବା ଲାଗି ବିଦେଶରୁ ଆସୁଛନ୍ତି ପର୍ଯ୍ୟଟକ। ନଳବଣ ଏବଂ ମଙ୍ଗଳାଯୋଡିରେ ପକ୍ଷୀମାନେ ଅବତରଣ କରୁଛନ୍ତି। ସୁଦୂର ହିମାଳୟ , ସାଇବେରିଆରେ ଶୀତ ବଢୁଥିବାରୁ ଏମାନେ ଚିଲିକା ମୁହାଁ ହେଲେଣି। ଏମାନଙ୍କ ଭିତରେ ଅଛନ୍ତି ପିନ-ଟେଲ, ଗଡୱାଲ, ଶୋଭଲର, ଗଡଉଇଟ, ୱିଜଅନ, ପରପଲ-ମୋରେନ ଭଳି ପକ୍ଷୀ । ଅକ୍ଟୋବର ମାସ ଦ୍ଵିତୀୟ ସପ୍ତାହରେ ଏହି ବିଦେଶୀ ପକ୍ଷୀଙ୍କ ଆଗମନ ଏବଂ ମାର୍ଚ୍ଚ ମାସ ଶେଷ ସପ୍ତାହରେ ପ୍ରତ୍ୟାବର୍ତନ ହୋଇଥାଏ ।
ଶୀତ ବଢ଼ିବା ସହିତ ଚିଲିକା ପ୍ରତି ପର୍ଯ୍ୟଟକଙ୍କ ଆଗମନ ହୋଇଥାଏ। ସେଥିପାଇଁ ଡଙ୍ଗାଗୁଡ଼ିକୁ ସଜେଇବାରେ ଲାଗିଛନ୍ତି ଟୁର ଅପରେଟରମାନେ। ପର୍ଯ୍ୟଟକଙ୍କୁ ନୌକା ବିହାର ବିଦେଶୀ ପକ୍ଷୀଙ୍କ ସମ୍ପର୍କରେ ଟିକ-ନିଖି ତଥ୍ୟ ଦେବାପାଇଁ ଗାଇଡ ରେଡି ଥିବାବେଳେ ଡଙ୍ଗାଗୁଡ଼ିକୁ ମଧ୍ୟ ରଙ୍ଗେଈ ଦେଲେଣି । ଚିଲିକା କୁ ଏବେ ପ୍ରାୟ ୫୦ ରୁ ୬୦ ହଜାର ବିଦେଶାଗତ ପକ୍ଷୀଙ୍କ ଆଗମନ ହୋଇ ସାରିଲାଣି ।
ଚିଲିକାର ଅତିଥି ସାଜିଥିବା ଏହି ବିଦେଶାଗତ ପକ୍ଷୀଙ୍କ ସୁରକ୍ଷା ପାଇଁ ପକ୍ଷୀ ସୁରକ୍ଷା ବାହିନୀ ବି ଖୁବ ସତର୍କ ଦୃଷ୍ଟି ରଖିଛନ୍ତି।