Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୨କୁ ବୃଦ୍ଧି
  • ||
  • ମାଆର ସାହସ ଆଗରେ ହାରିଲା ବାଘ, ନିଜ ପୁଅକୁ ମୃତ୍ୟୁ ମୁଖରୁ ଛଡାଇ ଆଣିଲେ ମହିଳା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୭୯୬ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୮୯ କରୋନା ସଂକ୍ରମିତ, ୧୦୫୦୨୪୯ରେ ପହଞ୍ଚିଲା ସଂଖ୍ୟା
  • ||
  • ୟୁକ୍ରେନ ଉପରେ ଆକ୍ରମଣ କରିବ ଋଷ ! ପୁଟିନଙ୍କ ଦେଢ ଲକ୍ଷରୁ ଅଧିକ ସୈନ୍ୟ ଅଛନ୍ତି ପ୍ରସ୍ତୁତ
  • ||
  • ଜାନୁଆରୀ-ଫେବୃଆରୀ ମଧ୍ୟରେ ଭାରତରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ବାହକ : ଦାବି କଲେ ବିଶେଷଜ୍ଞ
  • ||
  • ଚାଲିଥିଲା ଧାନ ଚୋରା ଚାଲାଣ, ୨୨୦ ବସ୍ତା ଜବତ କଲା ଯୋଗାଣ ବିଭାଗ
  • ||
  • ଜଓ୍ୱାଦ ଦୁର୍ବଳ, ଟଳିଲା ବଡ ବିପଦ : ପୁରୀଠୁ ୨୭୦ କିମି ଦୂରରେ କେନ୍ଦ୍ରୀଭୂତ
  • ||
  • ଜଗତସିଂହପୁରରେ ଲଗାଣ ବର୍ଷା, ଧାନ ଫସଲ କ୍ଷତିଗ୍ରସ୍ତ
  • ||

କ୍ୱାରେଣ୍ଟାଇନ୍‌ରେ ବଦମାସୀ, ଭୁଲ ପାଇଁ ହାତ ଯୋଡି କ୍ଷମା ମାଗିଲେ ପ୍ରବାସୀ

7/05/2020 at 11:04 AM

ଛତ୍ରପୁର ୦୭।୦୫: ଗଞ୍ଜାମ ଓ ବେଗୁନିଆପଡ଼ା ବ୍ଲକ୍‌ର ତିନୋଟି କ୍ୱାରେଣ୍ଟାଇନ୍‌ କେନ୍ଦ୍ରରେ ବିଶୃଙ୍ଖଳା ଘଟଣାରେ ସୁରଟ ଫେରନ୍ତା ପ୍ରବାସୀ ଓଡ଼ିଆ ନିଜ ଭୁଲ୍‌ ସ୍ୱୀକାର କରିଛନ୍ତି । ଭବିଷ୍ୟତରେ ଏହିପରି କାର୍ଯ୍ୟ କରିବୁ ନାହିଁ ବୋଲି ହାତଯୋଡ଼ି କ୍ଷମା ମାଗିଛନ୍ତି । ଏ ସମ୍ପର୍କିତ ଏକାଧିକ ଭିଡିଓ ବୁଧବାର ସଙ୍ଗରୋଧ କେନ୍ଦ୍ରମାନଙ୍କରୁ ସୋସିଆଲ୍‌ ମିଡିଆରେ ଭାଇରାଲ୍‌ ହୋଇଛି ।

ଗଞ୍ଜାମ ବ୍ଲକ୍‌ ସୁବଳୟା ପଞ୍ଚାୟତ ଶତ୍ରୁସୋଲ କେନ୍ଦ୍ରରେ ସୁରତ ଫେରନ୍ତା ବ୍ୟକ୍ତି ଖାଦ୍ୟ ଠିକ୍‌ ନ ଥିବା ଅଭିଯୋଗ କରିଥିବା ଘଟଣାରେ ସେମାନଙ୍କୁ କ୍ଷମା କରନ୍ତୁ ବୋଲି କହିଛନ୍ତି । ବର୍ତ୍ତମାନ ରାଜ୍ୟ ସରକାର ସେମାନଙ୍କୁ ଠିକ୍‌ ଭାବେ ରଖିଛନ୍ତି । ସବୁ ଠିକ୍‌ ମିଳୁଛି ବୋଲି ଭାଇରାଲ ଭିଡିଓରେ କହିଛନ୍ତି । ଛୋଟ ଛୋଟ ଭୁଲ୍‌କୁ କ୍ଷମା କରିବା ସହ ସରକାରଙ୍କୁ ଧନ୍ୟବାଦ ଜଣାଇଛନ୍ତି । ସେହିପରି ବେଗୁନିଆପଡ଼ା ଜନତା ହାଇସ୍କୁଲ୍‌ରୁ ଶ୍ରୀକାନ୍ତ ଚାନ୍ଦ ପ୍ରବାସୀ ଓଡ଼ିଆଙ୍କ ଉପସ୍ଥିତିରେ ଭିଡିଓ ଭାଇରାଲ୍‌ କରିଛନ୍ତି । ସଙ୍ଗରୋଧ କେନ୍ଦ୍ରରୁ ଚାଲି ଯାଇଥିବାରୁ ସେମାନେ ଦୁଃଖ ପ୍ରକାଶ କରିଛନ୍ତି । ନିଜ ଭୁଲ୍‌ ବୁଝିପାରି ପୁଣି ସଙ୍ଗରୋଧ କେନ୍ଦ୍ରକୁ ଫେରିଛୁ । ସରକାର ଆମକୁ ଗୁଜୁରାଟରୁ ଏଠାକୁ ଆଣି ଥିବାରୁ ଧନ୍ୟବାଦ ଜଣାଉଛୁ । ଶପଥ କରୁଛୁ ଏହି ଭୁଲ୍‌ କେବେ କରିବୁ ନାହିଁ । ଖାଇବା ଓ ପିଇବା ଭଲ ମିଳୁଛି । କରୋନା ପରି ମହାମାରୀକୁ ସମସ୍ତେ ମିଶି ତଡ଼ିବା, ସେଥିରେ ସହଯୋଗ କରିବେ ବୋଲି ଭିଡିଓ ବାର୍ତ୍ତା ଦେଇଛନ୍ତି ।

ସେହି ବ୍ଲକ୍‌ ରାଘପୁର କ୍ୱାରେଣ୍ଟାଇନ୍‌ ସେଣ୍ଟର୍‌ର ଅନ୍ତେବାସୀମାନେ ମଧ୍ୟ ସମାନ ଧରଣର ଭିଡିଓ ସୋସିଆଲ୍‌ ମିଡିଆରେ ଭାଇରାଲ୍‌ କରିଛନ୍ତି । ଶତ୍ରୁସୋଲ ଆଦର୍ଶ ବିଦ୍ୟାଳୟ ସଙ୍ଗରୋଧ କେନ୍ଦ୍ରରେ ଥିବା ପ୍ରବାସୀ ଓଡ଼ିଆଙ୍କୁ ଦିଆଯାଇଥିବା ଜଳଖିଆ ଏବଂ ଖାଦ୍ୟ ଠିକ୍‌ ନ ଥିବା ଅଭିଯୋଗ କରି ଫେରାଇ ଦେଇଥିବା ଭିଡିଓ ଭାଇରାଲ୍‌ ହୋଇଥିଲା । ସେହିପରି ବେଗୁନିଆପଡ଼ା ଜନତା ଆଦର୍ଶ ବିଦ୍ୟାଳୟ ଏବଂ ରାଘପୁର ଆଦର୍ଶ ବିଦ୍ୟାଳୟରେ ଠିକ୍‌ ବ୍ୟବସ୍ଥା ନ ଥିବା ନେଇ ୧୫୦ରୁ ଅଧିକ ସୁରଟ ଫେରନ୍ତା ସଙ୍ଗରୋଧ କେନ୍ଦ୍ରରୁ ଫେରାର ହୋଇଯାଇଥିଲେ ।

   Related Posts