Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବେଙ୍ଗଲ ବିଧାନସଭା ନିର୍ବାଚନ ପାଇଁ ପ୍ରାର୍ଥୀ ଘୋଷଣା କଲା କଂଗ୍ରେସ
  • ||
  • ଇଂଲଣ୍ଡକୁ ଏକ ଇନିଂସ୍‌ ଓ ୨୫ ରନ୍‌ରେ ହରାଇଲା ଟିମ୍‌ ଇଣ୍ଡିଆ
  • ||
  • ଅହମଦାବାଦ ଟେଷ୍ଟ ଜିତିଲା ଭାରତ
  • ||
  • ଭାରତ ୩-୧ରେ ସିରିଜ୍‌ ବିଜୟୀ
  • ||
  • ଚାନ୍ଦବାଲି : ବିଜେଡିର ମିଶ୍ରଣ ପର୍ବ, ଦଳକୁ ପ୍ରତ୍ୟାବର୍ତ୍ତନ କଲେ ହେବିଓ୍ବେଟ୍ ନେତା ପ୍ରତାପ ଧଳ
  • ||
  • ମାଥିଲି : କୂଅରୁ ଉଦ୍ଧାର ହେଲା ମା’ ଓ ଶିଶୁ କନ୍ୟାର ମୃତଦେହ, ଶୁକ୍ରବାର ରାତିରୁ ଥିଲେ ନିଖୋଜ
  • ||
  • ଭୁବନେଶ୍ବର : ରାଜଧାନୀର ବିଚ୍ ରାସ୍ତାରେ ଗୋଡେଇ ଗୋଡେଇ ହାଣିଲେ, ଜଣେ ମୃତ, ୨ ଆକ୍ରମଣକାରୀଙ୍କୁ ଧରିଛି ପୋଲିସ
  • ||
  • ବଲାଙ୍ଗିର : ପିଟି ପିଟି ମାରିଦେଲେ, ପ୍ରମାଣ ନଷ୍ଟ ପାଇଁ ଫିଙ୍ଗିଦେଲେ ନାଳରେ, ୨୪ ଘଣ୍ଟାରେ ଅଭିଯୁକ୍ତଙ୍କୁ ବାନ୍ଧିଲା ପୋଲିସ
  • ||
  • ସୋର : କେନାଲରେ ଗାଧୋଇବା ବେଳେ ଭାସିଗଲେ ଯୁବକ, ୩ଦିନ ପରେ ଗୁଜୁରାଟରୁ ଫେରିଲା ମୃତଦେହ
  • ||
  • ଆଠମଲ୍ଲିକ : ଅଜଣା ଗାଡି ଧକ୍କାରେ ଜଣେ ମୃତ, ଜଣେ ଆହତ
  • ||

ବ୍ୟବସ୍ଥା ସହ ଲୁଚକାଳି ଖେଳୁଛନ୍ତି ପ୍ରବାସୀ, କ୍ୱାରେଣ୍ଟାଇନ ପରେ ପୁଣି ଥରେ ଯାଇଥିଲେ ପ୍ରବାସ, ଲୁଚିଲୁଚି ଫେରିଲେ

1/07/2020 at 3:20 PM

ଭଦ୍ରକ, ୦୧|୦୭: କାରୋନା ପାଇଁ ଲକଡାଉନ ଆଉ ସଟଡାଉନରେ ଅତିଷ୍ଠ ହୋଇ ବାହାର ରାଜ୍ୟରୁ ଫେରିଲେ ପ୍ରବାସୀ । କାମ କରୁଥିବା କମ୍ପାନୀ ବନ୍ଦ ହୋଇଯିବାରୁ ଚାଲି ଚାଲି ନିଜ ଗାଁ କୁ ଫେରିଥିଲେ । ସରକାରୀ ସୁବିଧା ପାଇ ନିୟମ ଅନୁଯାୟୀ କ୍ଵାରେଣ୍ଟାଇନରେ ରହିଲେ । ଅବଧି ପରେ ପୁଣି ଟ୍ରକ ଯୋଗେ ଅନ୍ୟ ରାଜ୍ୟକୁ କାମ ପାଇଁ ପଳାଇଗଲେ । ଏଥର ମଧ୍ୟ ସୁବିଧା ହେଲାଣି ପୁଣି ଲୁଚି ଲୁଚି ଫେରି ଆସିଲେ ।

କାରୋନା ମହାମାରୀରେ କଟକଣା ଅସହ୍ୟ ହେଲା , କମ୍ପାନୀ ବନ୍ଦ ହୋଇଗଲା । ସବୁ ପରେ ଗାଁ ମୁହଁ ହେଲେ ପ୍ରବାସୀ । କିଏ ଚାଲି ଚାଲି ଆସିଲା ତ କିଏ ସ୍ବତନ୍ତ ଟ୍ରେନ ଆଉ ଭଡା ଗାଡିରେ ଆସିଲେ। ସରକାରୀ ନିୟମ ମାନି କ୍ଵାରେଣ୍ଟାଇନରେ ରହିଲେ । କ୍ଵାରେଣ୍ଟାଇନ ଅବଧି ସରିବା ପରେ ଭଦ୍ରକ ଜିଲ୍ଲା ଧାମନଗର ବ୍ଲକ ଦଇପୁର ପଞ୍ଚାୟତର କେତେଜଣ ପ୍ରବାସୀ ପୁଣି ଅନ୍ୟ ରାଜ୍ୟକୁ ପଳାଇଲେ । କ୍ଵାରେଣ୍ଟାଇନରେ ଥିବା ବେଳେ ଅନ୍ୟ ସାଙ୍ଗଙ୍କ ସହ କଥା ହୋଇ ଜାମସେଦପୁର ସ୍ଥିତ ଏକ କମ୍ପାନୀ ସହ ଯୋଗାଯୋଗ କଲେ । କାମ ମିଳିବ ବୋଲି ଜାଣିବା ପରେ ସାଙ୍ଗ ହୋଇ କମ୍ପାନୀର ଏକ ଟ୍ରକରେ ଜାମସେଦପୁର ପଳାଇଗଲେ । ସେଠାରେ ଦୁଇ ଦିନ ନ ହେଉଣୁ ପୁଣି ଆରମ୍ଭ ହେଲା ସମାନ ଅବସ୍ଥା । କାମ ସାଙ୍ଗକୁ ଖାଇବା ସୁବିଧା ହେଲା ନାହିଁ । ପୁଣି ବାଧ୍ୟ ହୋଇ କମ୍ପାନୀର ପାଚେରି ଡେଇଁ ଟ୍ରକରେ ଲୁଚି ଲୁଚି ଘର ମୁହାଁ ହେଲେ ।

ଏବେ ପୁଣି ଅନ୍ୟ ରାଜ୍ୟରୁ ଫେରିଥିବାରୁ ନିୟମ ଅନୁଯାୟୀ ପୁଣି କ୍ଵାରେଣ୍ଟାଇନରେ ରହିବେ । କିନ୍ତୁ ପ୍ରବାସୀଙ୍କ ଅଭିଭାବକ କହନ୍ତି ଅଭାବ ଅସୁବିଧା ପାଇଁ ସେମାନେ କାମ ଅନ୍ଵେଷଣ ରେ ଯାଇଛନ୍ତି । କିନ୍ତୁ ଏବେ ପ୍ରତ୍ୟକ ବ୍ଲକରେ ମହାତ୍ମା ଗାନ୍ଧୀ ନିଶ୍ଚିତ କର୍ମ ନିଯୁକ୍ତି ଯୋଜନା ରେ କାର୍ଯ୍ୟ କରାଯାଉଛି । ପ୍ରବାସୀ ମାନେ ଚାହିଁଲେ ସେଠାରେ କାର୍ଯ୍ୟ କରିପାରନ୍ତେ । କିନ୍ତୁ ଅଳ୍ପ ସମୟରେ ଅଧିକ ରୋଜଗାର ଆଶା ରେ ହଟହଟା ହେଇଛନ୍ତି ଏହି ଯୁବକ ମାନେ । ସରପଞ୍ଚ କହିଛନ୍ତି ପୁଣି ନିୟମ ଅନୁଯାୟୀ ଏମାନଙ୍କୁ କ୍ଵାରେଣ୍ଟାଇନରେ ରଖାଯିବ । ଆବଶ୍ୟକ ହେବ ହୋମ କ୍ଵାରେଣ୍ଟାଇନ ସହ ସ୍ଵାସ୍ଥ୍ୟଗତ ପରୀକ୍ଷା ମଧ୍ୟ କରାଯିବ । କିନ୍ତୁ ଏହି ଯୁବକ ଙ୍କ ଏମିତି କାର୍ଯକଳାପ ପାଇଁ କେତେକ ଗ୍ରାମବାସୀ ମଧ୍ୟ ଅସନ୍ତୋଷ ପ୍ରକାଶ କରିଛନ୍ତି ।

ସରକାରୀ ଖର୍ଚ୍ଚ ରେ କ୍ଵାରେଣ୍ଟାଇନରେ ରହିଲେ, ନିୟମ ମାନିଲେ । ପୁଣି ନିଜ ସୁବିଧା ପାଇଁ କିଛି ଦିନ ନଯାଉଣୁ ପୁଣି ଅନ୍ୟ ରାଜ୍ୟକୁ ଚାଲିଲେ । ଏବେ କିନ୍ତୁ କହୁଛନ୍ତି ଆଉ ଯିବୁନୁ । ଯାହା ହେବ ଏଇଠି କରିବୁ ଆଉ ଏଇଠି ରହିବୁ ।

   Related Posts