ନୂଆପଡା, ୧୪|୦୬ : ନୂଆପଡା ଜିଲ୍ଲା ଚାନ୍ଦୋପର୍ବ ଗ୍ରାମରେ ଜଣେ ପ୍ରବାସୀ ଶ୍ରମିକ ନିଜର ୩ମାସର ଶିଶୁ ପୁତ୍ରକୁ ହତ୍ୟା କରି ନିଜେ ଆତ୍ମହତ୍ୟା କରିଛନ୍ତି । ତେବେ ଆତ୍ମହତ୍ୟାର କାରଣ ଜଣାପଡି ନାହିଁ ।
ସୂଚନାନୁସାରେ, ନିଲୁ ଶବରନାମକ ଜଣେ ଶ୍ରମିକ ବାହାର ରାଜ୍ୟରେ ପରିବାର ବାହାରେ କାମ କରୁଥିଲେ । ଗତ କିଛିଦିନ ଧରି ସେ ଗ୍ରାମକୁ ଫେରି ପରିବାର ସହ କ୍ୱାରେଣ୍ଟାଇନରେ ରହିଥିଲେ । କ୍ୱାରେଣ୍ଟାଇନ୍ ଅବଧି ସରିବା ପରେ ସେ ଗାଁକୁ ଫେରିବା କଥା । କିନ୍ତୁ ଗାଁକୁ ନ ଫେରି ସେ ଜଣେ ସମ୍ପର୍କୀୟ ଘରେ ରହୁଥିଲେ । ତେବେ ରବିବାର ସେ ନିଜର ୩ ମାସର ଶିଶୁ ପୁତ୍ରକୁ ହତ୍ୟା କରି ନିଜେ ଆତ୍ମହତ୍ୟା କରିଛନ୍ତି ।
ନିଲୁଙ୍କ ପତ୍ନୀ ବେଲାମାଟୀ ଶବର ଶିଶୁଟିର ମୃତଦେହକୁ ଧରି ଥାନାରେ ପହଁଚି ଘଟଣା ନେଇ ପୋଲିସରେ ଅଭିଯୋଗ କରିଛନ୍ତି । କେଉଁ କାରଣରୁ ଏହି ଅଭାବନୀୟ ଘଟଣା ଘଟିଲା ପୋଲିସ ତଦନ୍ତ ଆରମ୍ଭ କରିଛି ।