Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା, କନେଷ୍ଟବଳ ପ୍ରସନ୍ନ ବେହେରା ନିଲମ୍ବିତ
  • ||
  • ଜଗତସିଂହପୁର : ଦେବୀ ନଦୀରେ ବୁଡି ୫ମ ଶ୍ରେଣୀ ଛାତ୍ରଙ୍କ ମୃତ୍ୟୁ, ଅନ୍ୟ ୩ଜଣ ଉଦ୍ଧାର
  • ||
  • ବ୍ରହ୍ମପୁର : ବ୍ରହ୍ମପୁରରେ ସ୍ବର୍ଣ୍ଣିମ ବିଜୟ ବର୍ଷ ପାଳିତ, ପୋଲିସ ରିଜର୍ଭ ଗ୍ରାଉଣ୍ଡରେ ପହଞ୍ଚିଲା ମଶାଲ
  • ||
  • ଭୁବନେଶ୍ବର : ତେଲ ଟ୍ୟାଙ୍କରରେ ଗଞ୍ଜେଇ ଚାଲାଣ, ଅଢେଇ କ୍ବିଣ୍ଟାଲ ଗଞ୍ଜେଇ ସହ ୨ ଜଣଙ୍କୁ ଗିରଫ କଲା ଏନ୍‌ସିବି
  • ||
  • ବାଲିପାଟଣା : ବୃଦ୍ଧଙ୍କୁ ଚାପିଦେଲା ହାଇଓ୍ବା, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ସୁନ୍ଦରଗଡ : ଗଛରୁ ଉଦ୍ଧାର ହେଲା ଯୁବକଙ୍କ ଝୁଲନ୍ତା ମୃତଦେହ, ଆତ୍ମହତ୍ୟା ସନ୍ଦେହ
  • ||
  • ବାରିପଦା : ମୟୁରଭଞ୍ଜରେ ସ୍ବାସ୍ଥ୍ୟ ସ୍ମାର୍ଟ କାର୍ଡ ବାଣ୍ଟିଲେ ମୁଖ୍ୟମନ୍ତ୍ରୀ, ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ
  • ||
  • ଭୁବନେଶ୍ବର : ବିନା ଛୁଞ୍ଚିରେ ଟିକା ନେବେ ଶିଶୁ, ଦୁଇଟି ଡୋଜ୍ ନେବା ପାଇଁ ପରାମର୍ଶ
  • ||
  • ଅନୁଗୋଳ : ପ୍ରାତଃ ଭ୍ରମଣରେ ଯାଇଥିବା ବେଳେ ପଡିଗଲେ ହାତୀ ହାବୁଡରେ, ଚାଲିଗଲା ଜୀବନ
  • ||
  • ଲମତାପୁଟ : ଗଞ୍ଜେଇ ଚାଲାଣ ରୋକିବାକୁ କୋରାପୁଟ ପୋଲିସର ବଡ ପଦକ୍ଷେପ, ଆରମ୍ଭ ହେଲା ଅପରେସନ୍ ଗ୍ରୀନ୍ କ୍ଲିନ୍
  • ||

ଫ୍ରିଜରରେ ସଢୁଛି ମୃତଦେହ, ହରିୟାଣାରୁ ଶବ ଆଣିବାକୁ ଏସପିଙ୍କ ଦ୍ବାରସ୍ଥ ହେଲେ ପତ୍ନୀ

12/05/2021 at 2:17 PM

ଭଦ୍ରକ ୧୨।୫: କାମ କରିବା ପାଇଁ କହି ସାଙ୍ଗରେ ହରିୟାଣା ନେଇଥିଲେ । ମାସିକ ୩୦ ହଜାର ଟଙ୍କାର ବେତନ ଦେବାକୁ ମଧ୍ୟ ପ୍ରଲୋଭିତ କରିଥିଲେ । ସାଙ୍ଗରେ ନେଇଥିବା ବ୍ୟକ୍ତି କରୋନା ପାଇଁ ନିଜ ପରିବାର ସହ ବିମାନରେ ଘରକୁ ଫେରିଥିଲେ । କିନ୍ତୁ ହରିୟାଣାରେ ରହିଗଲେ ସୁଦର୍ଶନ । ଏବେ ଖବର ଆସିଛି ଯେ ସେଠାରେ ତାଙ୍କର ମୃତ୍ୟୁ ହୋଇଛି । ପୋଲିସ କହିଛି ଶବ ଆସିଲେ ଚିହ୍ନଟ ହେବ ଓ ବ୍ୟବଚ୍ଛେଦ ହେବ । କିନ୍ତୁ ଛୋଟ ପିଲାଙ୍କୁ ନେଇ ଯାଇ ପାରୁନାହାନ୍ତି ସ୍ତ୍ରୀ । ସ୍ବାମୀଙ୍କ ଏଭଳି ଅବସ୍ଥା ପାଇଁ ନେଇଥିବା ବ୍ୟକ୍ତିକୁ ଦାୟୀ କରୁଥିବା ବେଳେ ହିନ୍ଦୁ ଶାସ୍ତ୍ର ଅନୁଯାୟୀ ଏବେ ମୃତଦେହକୁ ସତ୍କାର କରି ନପାରି ଶୁଦ୍ଧି କ୍ରିୟା ମଧ୍ୟ କରିପାରୁ ନାହାନ୍ତି ।

ସୂଚନାଯୋଗ୍ୟ ଯେ, ଭଦ୍ରକ ଜିଲ୍ଲା ତିହିଡି ଥାନା ବାଂଶବାଗ ଗାଁର ସୁଦର୍ଶନ ମଲ୍ଲିକ ନିକଟସ୍ଥ ବାରୁଣାଇ ଗାଁର ନାରାୟଣ ରାଉଳଙ୍କ ସହ ତାଙ୍କ କମ୍ପାନୀରେ କାମ କରିବା ପାଇଁ ଯାଇଥିଲେ । କିନ୍ତୁ ଦୀର୍ଘ ୧୫ ମାସ ମଧ୍ୟରେ ସେ ଠିକ୍ ଭାବେ ଦରମା ପାଉନଥିବା ବେଳେ ଏକ ସଙ୍ଗେ ସବୁ ବକେୟା ମିଳିବ ବୋଲି ନାରାୟଣ କହିଥିଲେ । କିନ୍ତୁ ଘରକୁ ଫେରିବାକୁ ମଧ୍ୟ ଛାଡୁନଥିଲେ ବୋଲି ଅଭିଯୋଗ କରିଛନ୍ତି ତାଙ୍କ ସ୍ତ୍ରୀ । ତେବେ ନାରାୟଣ ତାଙ୍କ ପରିବାର ସହ ଘରକୁ ଆସିଥିବା ବେଳେ ସୁଦର୍ଶନଙ୍କୁ ଆଣିନଥିଲେ । ତେବେ ସୁଦର୍ଶନ ତାଙ୍କ ସ୍ତ୍ରୀଙ୍କୁ କହିଥିଲେ ଯେ ତାଙ୍କ ସ୍ବାସ୍ଥ୍ୟାବସ୍ଥା ଭଲ ନାହିଁ । କିନ୍ତୁ ଗତ ୯ ତାରିଖରେ ତାଙ୍କ ସ୍ବାମୀଙ୍କର ମୃତ୍ୟୁ ହୋଇଥିବା ଖବର ପାଇଥିଲେ । ଏନେଇ ତିହିଡି ଥାନାରେ ତାଙ୍କ ସ୍ବାମୀଙ୍କୁ ହତ୍ୟା କରାଯାଇଥିବା ନେଇ ଲିଖିତ ଅଭିଯୋଗ ମଧ୍ୟ କରିଛନ୍ତି । କିନ୍ତୁ ପୋଲିସ ଘଟଣାର ତଦନ୍ତ ମଧ୍ୟ କରୁନାହିଁ ବୋଲି ଭଦ୍ରକ ଏସପିଙ୍କୁ ଅଭିଯୋଗ କରିଛନ୍ତି ମୃତକଙ୍କ ସ୍ତ୍ରୀ । ହରିୟାଣରେ ମୃତକଙ୍କ ମୃତଦେହ ପଡି ରହିଥିବା ବେଳେ ଶବ ଚିହ୍ନଟ ହୋଇ ନଥିବାରୁ ଫ୍ରିଜରରେ ରଖାଯାଇଛି । ଆର୍ଥିକ ସ୍ଵଛଳ ନଥିବାରୁ ପରିବାର ଲୋକେ ଯାଇ ପାରୁନାହାନ୍ତି କି ଶୁଦ୍ଧି ମଧ୍ୟ ହୋଇ ପାରୁନାହାନ୍ତି । ଏବେ ପ୍ରଶାସନିକ ସାହାଯ୍ୟକୁ ଅନାଇଛନ୍ତି ପରିବାର ।

   Related Posts