ପାନାଜୀ ୨୩।୦୨: ମିଗ-୨୯K ବିମାନ ଦୁର୍ଘଟଣାଗ୍ରସ୍ଥ ହୋଇଛି । ବାୟୁସେନାର ମିଗ-୨୯K ବିମାନ ଗୋଆରେ ଦୁର୍ଘଟଣାଗ୍ରସ୍ଥ ହୋଇଛି । ତେବେ ଏଥିରେ ଯାତ୍ରା କରୁଥିବା ୨ ଜଣ ପାଇଲଟ୍ ସୁରକ୍ଷିତ ବର୍ତ୍ତି ଯାଇଛନ୍ତି। ଦୁଇ ଜଣ ପାଇଲଟ ବିମାନରୁ ସୁରକ୍ଷିତ ଭାବେ ବାହାରିଆସିଛନ୍ତି । ଘଟଣାର ଦତନ୍ତ ନିର୍ଦ୍ଦେଶ ଦିଆଯାଇଛି ।
{"id":228025,"sizeSlug":"large"}ସୂଚନାଯୋଗ୍ୟ ଯେ, ରବିବାର ଦିନ ସକାଳ ସମୟ ୧୦.୩୦ ସମୟରେ ବିମାନଟି ପ୍ରତିଦିନ ପରି ନିୟମତି ଉଡାଣ ଭରିଥିଲା । କିନ୍ତୁ ବିମାନଟି କିଛି ବାଟ ଯିବା ପରେ ଗୋଆ ନିକଟରେ ଦୁର୍ଘଟଣାଗ୍ରସ୍ଥ ହୋଇଛି । ବିମାନରେ ଯାତ୍ରା କରୁଥିବା ଦୁଇ ଜଣ ପାଇଲଟ ସୁରକ୍ଷିତ ଭାବେ ଓହ୍ଲାଇପଡିଥିଲେ । ଦୁଇ ଜଣଙ୍କୁ ବାୟୁସେନା ଚିହ୍ନିଟ କରିଛନ୍ତି । ସେମାନଙ୍କୁ ତୁରନ୍ତ ଉଦ୍ଧାର କରିବା ପାଇଁ ବାୟୁସେନାର ଏକ ଟିମ୍ ପଠାଯାଇଥିବାର ସୂଚନା ମିଳିଛି ।
wp:core-embed/twitter {"url":"https://twitter.com/ANI/status/1231474640121257984","type":"rich","providerNameSlug":"twitter","className":""} /wp:core-embed/twitterତେବେ କେଉଁ ପରିସ୍ଥିତିରେ ଓ କେମିତି ବିମାନଟି ଦୁର୍ଘଟଣାଗ୍ରସ୍ଥ ହୋଇଛି , ତାହା ବର୍ତ୍ତମାନ ସୁଦ୍ଧା ଅସ୍ପଷ୍ଟ ରହିଛି । ଭାରତୀୟ ବାୟୁସେନା ପକ୍ଷରୁ ଘଟଣାର ତଦନ୍ତ ପାଇଁ ନିର୍ଦ୍ଦେଶ ଦିଆଯାଇଛି । ସେହିପରି ଗତ ବର୍ଷ ନଭେମ୍ବର ୧୬ ତାରିଖ ଦିନ ଭାରତୀୟ ବାୟୁସେନାର ଏକ MIG ଟ୍ରେନିଂ ବିମାନ ଗୋଆ ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲା । ତେବେ ଘଟଣାର ତଦନ୍ତ ପରେ ଜଣାପଡିଥିଲା ଯେ, ବିମାନରେ ଅଚାନକ ନିଆଁ ଲାଗିଯିବାରୁ ବିମାନଟି ଦୁର୍ଘଟଣାର ସମ୍ମୁଖୀନ ହୋଇଥିଲା ।