Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଞ୍ଜାମ ଦିଗପହଣ୍ଡିରେ ଅପରାଧୀର ଛୁରା ମାଡରେ ଅପରାଧୀ ମୃତ
  • ||
  • ବାଙ୍କୀରେ ପୂର୍ବ ଶତ୍ରୁତାକୁ କେନ୍ଦ୍ର କରି ବୋମାମାଡରେ ଜଣଙ୍କର ମୃତ୍ୟୁ
  • ||
  • କେନ୍ଦୁଝର ନୟାକୋଟରେ ସ୍ତ୍ରୀକୁ ଟାଙ୍ଗିଆରେ ହାଣିଲା ସ୍ବାମୀ
  • ||
  • ଗୁଜୁରାଟରେ ସ୍ତ୍ରୀକୁ ହତ୍ୟା ପରେ ଦୁଇ ସନ୍ତାନ ସହ ନିଜ ଦେହରେ ପେଟ୍ରୋଲ ଢାଳି ନିଆଁ ଲଗାଇଦେଲେ ଯୁବକ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୬୯୫ କରୋନା ସଂକ୍ରମିତ
  • ||
  • ଆସୁଛି ଆଉ ଏକ ଲଘୁଚାପ ! ନଭେମ୍ବର ପହିଲାରୁ ପୁଣି ବର୍ଷାର ସମ୍ଭାବନା
  • ||
  • ଆମେରିକୀୟ ନୌସେନା ବିମାନ ଦୁର୍ଘଟଣାଗ୍ରସ୍ତ, ଦୁଇ ପାଇଲଟଙ୍କ ମୃତ୍ୟୁ
  • ||
  • ଭୁଆସୁଣୀ ଛକରେ ସିରିଜ୍ ଦୁର୍ଘଟଣା, ୨ ଗୁରୁତର
  • ||

ବାୟୁସେନାରେ MIG-27ଯୁଗର ଅବସାନ, ଶୁକ୍ରବାର ଯୋଦ୍ଧପୁରରେ ଦିଆଯିବ ଶେଷ ବିଦାୟ

26/12/2019 at 8:06 PM

ନୁଆଦିଲ୍ଲୀ ୨୬।୧୨: ଭାରତୀୟ ବାୟୁସେନାରୁ ମିଗ୍-୨୭ ସ୍କ୍ୱାଡ୍ରନ ଶୁକ୍ରବାର ବିଦାୟ ନେବ। ଏକ ସ୍ୱତନ୍ତ୍ର କାର୍ଯ୍ୟକ୍ରମରେ  ଯୋଧପୁର ବାୟୁସେନାଘାଟିରୁ ଏହି ସ୍କ୍ୱାଡ୍ରନକୁ ବିଦାୟ ଦେବା ଲାଗି ପ୍ରସ୍ତୁତି ଶେଷ ହୋଇଛି। ଫଳରେ ଭାରତୀୟ ବାୟୁସେନାରେ ମିଗ୍‌ ଯୁଦ୍ଧବିମାନର ଯୁଗ ଅବସାନ ହେବ। ଏକଦା ଭାରତୀୟ ଆକାଶ ସୀମା ସୁରକ୍ଷାରେ ଋଷିୟ ମିଗ୍‌ର ଯୋଗଦାନ ଉଲ୍ଲେଖନୀୟ ଥିଲା। ତେବେ ସୋଭିୟେତର ପତନ ସହ ଯନ୍ତ୍ରାଂଶ ନ ମିଳିବା ଯୋଗୁ ବାୟୁସେନାର ଏହି ଯୁଦ୍ଧ ବିମାନ ଉଡନ୍ତା କଫିନ ନାମରେ ପରିଚିତ ହୋଇଥିଲା।   

ବିମାନ ବାହିନୀରୁ ଏହି ଯୁଦ୍ଧବିମାନର ବିଦାୟ ପରେ ଭାରତୀୟ ବାୟୁସେନାର ସ୍କ୍ୱାଡ୍ରନ ସଂଖ୍ୟା ୨୮କୁ ଖସି ଆସିବ।  ଯୋଧପୁରର ସ୍କ୍ୱାଡ୍ରନ ନମ୍ବର ୨୯ ଅର୍ଥାତ୍ SCORPIONS MIG-୨୭ ଉଡୁଥିବା ଶେଷ ସ୍କ୍ୱାର୍ଡନ । ଏହା ପାଖରେ ୧୫ଟି ମିଗ୍ ୨୭ ଜେଟ୍ ଫାଇଟର ରହିଛି । ମିଗ୍ ୨୭ ଏୟାରକ୍ରାଫ୍ଟକୁ ୧୯୮୨ରେ ଭାରତୀୟ ବାୟୁସେନାରେ ସାମିଲ କରାଯାଇଥିଲା ଏବଂ ୨୦୦୫ରେ ଏହାକୁ ଅପଗ୍ରେଡ୍ କରାଯାଇଥିଲା ।

ହିନ୍ଦୁସ୍ତାନ ଏୟରୋନୋଟିକ୍ସ ଲିମିଟେଡ୍ ଲାଇସେନ୍ସ ପ୍ରଡକ୍ସନ ଅନୁସାରେ ସମୁଦାୟ ୧୬୫ଟି ମିଗ୍ ୨୭  ପ୍ରସ୍ତୁତ କରାଯାଇଥିଲା । ଏହି ଫାଇଟର୍ ଏୟାରକ୍ରାଫ୍ଟ ୧୯୯୯ରେ କାର୍ଗିଲର ପାହାଡରେ ପାକିସ୍ତାନୀ ସୈନିକଙ୍କୁ ଘଉଡାଇବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲା । ବଟାଲିକ୍ ସେକ୍ଟରରେ ହୋଇଥିବା କାର୍ଯ୍ୟାନୁଷ୍ଠାନରେ ମିଗ୍ ୨୭ରେ ଉଡାଣ କରୁଥିବା ଫ୍ଲାଇଟ୍ ଲେଫ୍ଟନାଣ୍ଟ ନଚିକେତାଙ୍କ ବିମାନ କ୍ଷତିଗ୍ରସ୍ତ ହେବା ଯୋଗୁ ସେ ପାକିସ୍ତାନ ଅଞ୍ଚଳରେ ଅବତରଣ କରିଥିଲେ। ପାକ୍ ସେନା ତାଙ୍କୁ ବନ୍ଦୀ କରିବା ଯୋଗୁ କାର୍ଗିଲର ସୂତ୍ରପାତ ହୋଇଥିଲା। 

   Related Posts