ୱାଶିଂଟନ୍ ୦୪।୧୧ : ଇରାନ ଆମେରିକାକୁ ବଡ଼ ଚୋରି ଅଭିଯୋଗର ଆରୋପ ଲଗାଇଛି । ଏନେଇ ଇରାନ କହିଛି ଯେ ଆମେରିକାର ଜାହାଜଗୁଡ଼ିକ ଓମାନ ସାଗରରେ ଇରାନର ତେଲ ଟ୍ୟାଙ୍କର୍ ଚୋରି କରିବାକୁ ଚେଷ୍ଟା କରିଥିଲା। ତେବେ ରିପୋର୍ଟରେ ଦର୍ଶାଯାଇଛି ଯେ ଇସଲାମିକ ରିଭୋଲ୍ୟୁସନାରୀ ଗାର୍ଡ କର୍ପସ (ଆଇଆରଜିସି) ଆମେରିକାର ସୈନ୍ୟବାହିନୀର ଏହି ପ୍ରୟାସକୁ ଖଣ୍ଡନ କରିଛି। ଏହି ଟ୍ୟାଙ୍କରରେ ହଜାର ହଜାର ଲିଟର ଅଶୋଧିତ ତେଲ ଲୋଡ୍ ହୋଇଥିଲା। ପରେ ଇରାନ ସେନା ଏହି ଜାହାଜକୁ ନିଜ ଦେଶର ଆଞ୍ଚଳିକ ସୀମାକୁ ଆଣିଥିଲେ। ଏହି ଘଟଣା କେବେ ଘଟିଲା ତାହା ଇରାନ କହିନାହିଁ।
ଇରାନର ଇସଲାମିକ୍ ରିପବ୍ଲିକ୍ ଅଫ୍ ଇରାନ ବ୍ରୋଡକାଷ୍ଟିଂ (ଆଇଆରଆଇବି) ମଧ୍ୟ ଏହି ଘଟଣାର ଏକ ଭିଡିଓ ଜାରି କରିଛି। ଭିଡିଓରେ ଇରାନର ପତାକା ଥିବା ଇସଲାମିକ୍ ରିଭୋଲ୍ୟୁସନାରୀ ଗାର୍ଡ କର୍ପସର ସ୍ପିଡ୍ ଡଙ୍ଗା ଦେଖିବାକୁ ମିଳିଛି। ଇରାନର ତେଲ ଟ୍ୟାଙ୍କରକୁ ସାହାଯ୍ୟ କରିବା ପାଇଁ ସେମାନେ ଆଖପାଖ ଅଞ୍ଚଳରେ ପାଟ୍ରୋଲିଂ କରୁଛନ୍ତି। ଭିଡିଓରେ ଅନେକ ସଶସ୍ତ୍ର ସ୍ପିଡବୋଟ୍ ଦୁଇଟି ଜାହାଜ ଆଡ଼କୁ ଗତି କରୁଥିବା ଦେଖିବାକୁ ମିଳିଛି । ଏହି ଜାହାଜଗୁଡ଼ିକ ମଧ୍ୟରୁ ଗୋଟିଏ ଆମେରିକାର ନୌସେନାର କ୍ଷେପଣାସ୍ତ୍ର କ୍ରୁଜର ପରି ଦେଖାଯାଉଛି ।
wp:html/wp:htmlDid Iran rumble US crude oil theft attempt? State media release alleged footage
— Ignorance, the root and stem of all evil (@ivan_8848) November 3, 2021
Iran’s state news agency IRIB has released footage they say shows the Revolutionary Guard naval forces blocking an alleged US attempt to steal crude oil in the Gulf of Oman. pic.twitter.com/abXnrX0SCV
ଜବତ ହୋଇଥିବା ଇରାନ ଟ୍ୟାଙ୍କରକୁ ଉଦ୍ଧାର କରିବା ପାଇଁ ଏହି ଭିଡିଓରେ ଇସଲାମିକ୍ ରିଭୋଲ୍ୟୁସନାରୀ ଗାର୍ଡ କର୍ପସ ଅପରେସନ୍ ସହ ଜଡିତ ଅନ୍ୟ କୌଣସି ବିବରଣୀ ପ୍ରକାଶ କରାଯାଇ ନାହିଁ। ଇରାନ ଗଣମାଧ୍ୟମ ପୂର୍ବରୁ ରିପୋର୍ଟ କରିଥିଲା ଯେ ଆଇଆରଜିସିର ନୌସେନା ଆମେରିକାର ଓମାନ ସାଗରରେ ଥିବା ଏକ ଟ୍ୟାଙ୍କରରୁ ନିଜ ଦେଶର ତେଲ ଚୋରୀ ଉଦ୍ୟମକୁ ସଫଳତାର ସହ ବନ୍ଦ କରି ଦେଇଛି।