ନୂଆଦିଲ୍ଲୀ ୩୦/୦୧ : ମାଇକ୍ରୋସଫ୍ଟ ଦିଲ୍ଲୀ ଏନସିଆର-ନୋଇଡାରେ ନିଜର ନୂଆ ଇଣ୍ଡିଆ ଡେଭେଲପମେଣ୍ଟ ସେଣ୍ଟର (IDC) ଫାସିଲିଟି ଆରମ୍ଭ କରିଛି। ମାଇକ୍ରୋସଫ୍ଟର ଏହି ନୂଆ ଅଫିସ ତାଜମହଲ ଡିଜାଇନରେ ତିଆରି ହୋଇଛି।

{"id":400937,"sizeSlug":"large","linkDestination":"none"}

କମ୍ପାନୀ କହିଛି ଯେ ଏହି ନୂଆ ସେଣ୍ଟର୍ ତାଙ୍କ ଇଞ୍ଜିନିୟର୍ସଙ୍କ ପାଇଁ ବିଶ୍ଵସ୍ଥରୀୟ ଓ ଭାରତରେ ୟୁଜର୍ସଙ୍କ ପାଇଁ ଅତ୍ୟାଧୁନିକ ଟେକନିକ ଡିଜାଇନ୍ କରିବାକୁ ପ୍ରିମିୟର୍ ହବ୍ ଭାବେ କାମ କରିବ। ବେଙ୍ଗାଲୁରୁ ଓ ହାଇଦ୍ରାବାଦ ପରେ ନୋଇଡା ସ୍ଥିତ ମାଇକ୍ରୋସଫ୍ଟ IDC ଭାରତରେ ତୃତୀୟ ସେଣ୍ଟର୍।

{"id":400931,"sizeSlug":"large","linkDestination":"none"}

ନୋଇଡା ସ୍ଥିତ ମାଇକ୍ରୋସଫ୍ଟ ଡେଭେଲପମେଣ୍ଟ ସେଣ୍ଟରରେ କବାଟ, ଗମ୍ବୁଜ, ମାର୍ବଲ ଚଟ୍ଟାଣ ରହିଛି। ଏହା ଜରିଆରେ କମ୍ପାନୀ ଦେଶର ସମୃଦ୍ଧ ଶିଳ୍ପ କୌଶଳକୁ ସମ୍ମାନ ଜଣାଇଛି। ଏହାସହ ଅଫିସରେ ମୁଗଲ୍ ସମୟର ଜାଲି କାମ ସହ ଭାଲେଡ୍ ଛାତ ମଧ୍ୟ ହୋଇଛି।

{"id":400935,"sizeSlug":"large","linkDestination":"none"}

ଏହି ଡେଭେଲପମେଣ୍ଟ ସେଣ୍ଟର ଉତ୍ତର ପ୍ରଦେଶ ନୋଇଡାରେ ଏକ ୬ ମହଲା ବିଶିଷ୍ଟ କୋଠାର ଉପର ୩ଟି ମହଲାରେ ରହିଛି। ଅଫିସରେ ଗମ୍ବୁଜ ସହ ଫାଇନ୍ ମାର୍ବଲରେ ଚଟ୍ଟାଣ ତିଆରି ହୋଇଛି। ଏହାସହ କଲର ପେଲେଟ ଓ ଡିଜାଇନ ଜରିଆରେ ତାଜମହଲର ଶିଳ୍ପ କୌଶଳକୁ ଦୋହରାଇବାକୁ ପ୍ରୟାସ କରାଯାଇଛି। 

{"id":400933,"sizeSlug":"large","linkDestination":"none"}

ମାଇକ୍ରୋସଫ୍ଟ କହିଛି ଯେ ତାଜମହଲ କରିଡରରେ ତିଆରି ହୋଇଥିବା କଳାକୃତି ଶେଭଶନ ପାଟର୍ନକୁ ଆର୍କିଟେକ୍ଟ ଆପଣେଇଛନ୍ତି। ଅଫିସ ପାଇଁ ବ୍ୟବହାର ହୋଇଥିବା ମାର୍ବଲ ଓ କପଡା ଭାରତରୁ ହିଁ କିଣାଯାଇଛି ବୋଲି କମ୍ପାନୀ କହିଛି। ମାଇକ୍ରୋସଫ୍ଟର ଏହି ଅଫିସରେ ବିଲ ଗେଟ୍ସଙ୍କ ଜାଲି ଫଟୋ ମଧ୍ୟ ତିଆରି ହୋଇଛି।

{"id":400934,"sizeSlug":"large","linkDestination":"none"}

ଏହି ଫଟୋ ମାତ୍ର କିଛି କୋଣରୁ ହିଁ ଦେଖିହେବ। ଏହି ଫଟୋରେ ଫ୍ଲୋରାଲ ଆଇକନୋଗ୍ରାଫିରେ ୱାଇଫାଇ ଓ ସେଟିଙ୍ଗର ସିମ୍ବଲ ତିଆରି ହୋଇଛି। ଅଫିସରେ ୱାର୍କସ୍ପେସ ତାଜମହଲର ଚାରିଟି ବଗିଚା ଦ୍ୱାରା ପ୍ରେରିତ। ଚଟ୍ଟାନରେ ମଧ୍ୟ ଚାର ବଗିଚା ଭଳି ଡିଜାଇନ ହୋଇଛି।