କେନ୍ଦୁଝର ୨୪/୩: ଦୈନିକ ସଂକ୍ରମଣ ସାରା ରାଜ୍ୟରେ ରେକର୍ଡ ଭାଙ୍ଗୁଛି । ତେବେ ବିଭିନ୍ନ ଜିଲ୍ଲାରେ ମଧ୍ୟ ବେଲଗାମ ମହାମାରୀର ପ୍ରକୋପ । କେନ୍ଦୁଝର ଚମ୍ପୁଆ ବ୍ଲକ ଜାଲି ପଞ୍ଚାୟତର ଟାଙ୍ଗରବନ୍ତଳାର ୪ ନମ୍ବର ୱାର୍ଡ ଚତୁରୀ ସାହିରେ ଗୋଟିଏ ପରିବାରର ୭ ଜଣଙ୍କ ସମେତ ୮ ଜଣ ପଜିଟିଭ ଚିହ୍ନଟ ହୋଇଛନ୍ତି । ଫଳରେ ପ୍ରଶାସନ ପକ୍ଷରୁ ଉକ୍ତ ସାହିକୁ ୭ ଦିନ ପର୍ଯ୍ୟନ୍ତ ମାଇକ୍ରୋ କଣ୍ଟେନମେଣ୍ଟ ଜୋନ ଘୋଷଣା କରାଯାଇଛି ।
wp:gallery {"ids":[443394],"linkTo":"none"} /wp:galleryଗ୍ରାମରେ ଚମ୍ପୁଆ ତହସିଲଦାର ଓ ଭଣ୍ଡା ସ୍ୱାସ୍ଥ୍ୟକେନ୍ଦ୍ରର କର୍ମଚାରୀ ପହଞ୍ଚି ଲୋକଙ୍କୁ ସଚେତନ କରାଇଛନ୍ତି । ସମସ୍ତ ଆକ୍ରାନ୍ତ ଙ୍କୁ ଆଇସୋଲେସନ ରହିବାକୁ ପରାମର୍ଶ ଦେବା ସହ ମେଡିକାଲ ପକ୍ଷରୁ ସ୍ୱାସ୍ଥସେବା ଯୋଗାଇ ଦିଆଯାଉଛି । ଏଥିସହ ଗ୍ରାମବାସୀଙ୍କ ସ୍ୱାବ ନମୁନା ସଂଗ୍ରହ କରାଯାଉଛି । ଆକ୍ରାନ୍ତଙ୍କ ସଂଖ୍ୟା ଆହୁରି ବଢିବା ସହ ଅନ୍ୟ ସାହି ଗୁଡିକୁ ମଧ୍ୟ ମାଇକ୍ରୋ କଣ୍ଟେନମେଣ୍ଟ ଜୋନ ଘୋଷଣା କରାଯିବ ବୋଲି ଚମ୍ପୁଆ ତହସିଲଦାର ଡ଼ ସାଇଶ୍ମିତା ହୋତା କହିଛନ୍ତି।