ମୁମ୍ବାଇ ୧୪।୦୧: ଭାରତୀୟ ରିଜର୍ଭ ବ୍ୟାଙ୍କର ନୂତନ ଡେପୁଟି ଗଭର୍ଣ୍ଣର ଭାବେ ନିଯୁକ୍ତି ପାଇଛନ୍ତି ମାଇକେଲ ଦେବବ୍ରତ ପାତ୍ର । ବଡ କଥାଟି ହେଲା ସେ ଜଣେ ଓଡିଆ ।   ଆରବିଆରେ କାର୍ଯ୍ୟରତ ଦେବବ୍ରତ ଏବେ ଡେପୁଟି ଗଭର୍ଣ୍ଣର ପଦରେ ହୋଇଛନ୍ତି ।  ତାଙ୍କର କାର୍ଯ୍ୟକାଳ ୩ ବର୍ଷ ରହିବ । ଡେପୁଟୀ ଗଭର୍ଣ୍ଣର ସହ ଦେବବ୍ରତ ଆରବିଆଇର ଅତିରିକ୍ତ ଭାବେ କାର୍ଯ୍ୟକାରୀ ନିଦ୍ଦେର୍ଶକ ଏବଂ ମୁଦ୍ରାନୀତି କମିଟିର ସଦସ୍ୟ ମଧ୍ୟ ରହିବେ ।

{"id":211077,"sizeSlug":"large"}

ପୂର୍ବତନ ଡେପୁଟି ଗଭର୍ଣ୍ଣର ବିରଳ ଆଚାର୍ଯ୍ୟଙ୍କ ସ୍ଥାନରେ ଏମ୍.ଦେବବ୍ରତ ପାତ୍ର ନିଯୁକ୍ତି ମିଳିଛି । ବିରଳ ଆଚାର୍ଯ୍ୟ ୨୦୧୯ ଅଗଷ୍ଟ ମାସରେ ନିଜ ପଦରୁ ଇସ୍ତଫା ଦେଇଥିଲେ। କେନ୍ଦ୍ର ସରକାରଙ୍କ ସହିତ ମତଭେଦ ପାଇଁ ବିରଳ ଇସ୍ତଫା ଦେଇଥିଲେ ।  ସେହି ଦିନ ଠାରୁ ଆଜି ପର୍ଯ୍ୟନ୍ତ ଏହି ପଦବୀ ଖାଲି ପଡିଥିଲା । ବର୍ତ୍ତମାନ ଦେଶ ଏକ ଗୁରୁତ୍ବ ଆର୍ଥିକ ସ୍ଥିତି ଦେଇ ଗତି କରୁଥିବା ବେଳେ ଏବେ ସର୍ବୋଚ୍ଚ ବ୍ୟାଙ୍କର ନୀତି ନିର୍ଦ୍ଧାରଣରେ ରହିଛନ୍ତି ଓଡ଼ିଆ ।  ଗଭର୍ଣ୍ଣର ଶକ୍ତିକାନ୍ତ ଦାସ ଆରବିଆଇ ଗଭର୍ଣ୍ଣର ଥିବା ବେଳେ ଏବେ ଡେପୁଟି ଗଭର୍ଣ୍ଣର ଭାବେ ଦାୟିତ୍ବ ନେଲେ ମାଇକେଲ ପାତ୍ର।