ଦୁବାଇ, ୧୦।୧୧: ଆଇପିଏଲ୍ ୧୩ତମ ସିଜିନରେ ଶେଷ ମ୍ୟାଚ୍ ଆସି ପହଞ୍ଚିଛି । ୟୁଏଇରେ ଖେଳାଯାଉଥିବା ଟି-୧୦ ଲିଗ୍ର ଫାଇନାଲ ମ୍ୟାଚ୍ ଆଜି ଖେଳାଯିବ । ମ୍ୟାଚ୍ ପୂର୍ବରୁ ଟସ୍ ଜିତିଛି ଦିଲ୍ଲୀ କ୍ୟାପିଟାଲ୍ସ । ଦଳର ଅଧିନାୟକ ଶ୍ରେୟସ ଆୟାର ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଇଛନ୍ତି । ଅର୍ଥାତ ପ୍ରଥମେ ଫିଲ୍ଡିଂ କରିବ ମୁମ୍ବାଇ ଇଣ୍ଡିଆନ୍ସ ।
ଦୁବାଇର ଅନ୍ତରାଷ୍ଟ୍ରୀୟ ଷ୍ଟାଡିୟମରେ ଏହି ମ୍ୟାଚ୍ ଖେଳାଯିବ । ଫାଇନାଲ ମୁକାବିଲା ନେଇ ଦିଲ୍ଲୀ କ୍ୟାପିଟାଲ-ମୁମ୍ବାଇ ଇଣ୍ଡିଆନ୍ସ ମୁହାଁମୁହିଁ ହେବେ । ଦିଲ୍ଲୀ ଟିମ୍ ତାର ଆଇପିଏଲ୍ ଇତିହାସରେ ପ୍ରଥମ ଥର ପାଇଁ ଫାଇନାଲରେ ପହଞ୍ଚିଛି । ଯାହାର ମୁକାବିଲା ମୁମ୍ବାଇ ସହିତ ହେବ ।
wp:html/wp:htmlFinal. Delhi Capitals win the toss and elect to bat https://t.co/6kuxVfvInp #MIvDC #Dream11IPL #IPL2020
— IndianPremierLeague (@IPL) November 10, 2020
ଗୋଟିଏ ପଟେ ମୁମ୍ବାଇ ପଞ୍ଚମ ଥର ପାଇଁ ଫାଇନାଲ ମୁକାବିଲା ଲକ୍ଷ୍ୟ ରହିଥିବା ବେଳେ ଦିଲ୍ଲୀ ପ୍ରଥମ ଥର ପାଇଁ ଫାଇନାଲରେ ପ୍ରବେଶ କରିଛି । ଦେଖିବାକୁ ଗଲେ ମୁମ୍ବାଇ ଆଇପିଏଲର ସବୁଠୁ ସଫଳ ଦଳ । ଟିମ୍ ୨୦୧୩,୨୦୧୫, ୨୦୧୭, ୨୦୧୯ରେ ଚମ୍ପିଆନ୍ ହୋଇଥିବା ବେଳେ ୨୦୧୦ରେ ରନର୍ସ ଅପ୍ ହୋଇଥିଲା । ତେବେ ଚଳିତ ସିଜିନରେ ପ୍ରଥମ କ୍ୱାଲିଫାୟରରେ ଦିଲ୍ଲୀକୁ ୫୭ରନ୍ରେ ପରାସ୍ତ କରି ଫାଇନାଲରେ ପ୍ରବେଶ କରିଛି । ସେହିପରି ଅନ୍ୟପଟେ ଦୀର୍ଘ ୧୨ବର୍ଷ ପରେ ଫାଇନାଲରେ ପ୍ରବେଶ କରିଛି । ଦିଲ୍ଲୀ ଦ୍ୱିତୀୟ କ୍ୱାଲିଫାୟରରେ ହାଇଦ୍ରାବାଦକୁ ୧୭ରନ୍ରେ ପରାଜିତ କରିଥିଲା । ଯାହାଫଳରେ କି ୨ୟ ଦଳ ଭାବେ ଦିଲ୍ଲୀ ଫାଇନାଲରେ ପ୍ରବେଶ କରିଛି । ଦିଲ୍ଲୀ ଚାମ୍ପିଅନ୍ ହେବାର ସୁଯୋଗ ରହିଛି । ଯାହାକୁ ଦିଲ୍ଲୀ ହାତଛଡା କରିବନାହିଁ ।
