Prameya News7

Prameya News7, News7 Odia, Odisha Latest News, Odisha Current Headlines, Odisha News Online

Mi Credit: ମାତ୍ର ୧୦ ମିନିଟ୍‌ରେ ଏକ ଲକ୍ଷ ପର୍ଯ୍ୟନ୍ତ ମିଳିବ ଲୋନ୍, ସୁଧ କେବଳ ୧.୩୫ ପ୍ରତିଶତ

3/12/2019 at 8:00 PM

ନୂଆଦିଲ୍ଲୀ୩/୧୨: xiaomi ଭାରତରେ ଏମଆଇ କ୍ରେଡିଟ୍‌ ଲଞ୍ଚ କରିଛି। ଏମଆଇ ‘ପେ’ ପରେ xiaomi ପୁଣି ଥରେ ଫାଇନାନ୍ସସିଆଲି ସର୍ଭିସ୍‌ ଆରମ୍ଭ କରିଛି। ଏମଆଇ କ୍ରେଡିଟ୍‌ରେ କୌଣସି ବି ବ୍ୟକ୍ତି ୧୦ ମିନିଟ୍‌ରେ ଏକ ଲକ୍ଷ ଟଙ୍କା ପର୍ଯ୍ୟନ୍ତ ପର୍ସନାଲ ଲୋନ କରି ପାରିବେ। ଏମଆଇ କ୍ରେଡିଟ୍ ଆପ୍‌ରେ ଅନଲାଇନ ମାଧ୍ୟମରେ ଲୋନ କରି ପାରିବେ। ଏମଆଇ କ୍ରେଡିଟ୍‌ରେ ଟଙ୍କା ନେଣଦେଣ ଲାଗି xiaomi କମ୍ପାନୀ ଆଦିତ୍ୟ ବିର୍ଲା ଫାଇନାନ୍ସ ଲିମିଟେଡ୍‌ ମନି ଭ୍ୟୁ, ଆର୍ଲି ସାଲାରୀ ଓ ଜେଷ୍ଟମନି ସହ ଯୁକ୍ତି କରିଛି।

ସର୍ବପ୍ରଥମେ ଗୁଗ୍‌ଲ ପ୍ଲେ ଷ୍ଟୋରରୁ ଏମଆଇ କ୍ରେଡିଟ୍ ଆପ୍‌ ଡାଉନ କରିବାକୁ ହେବ। ଏହାପରେ ଆପ୍‌ରେ ମାଗିଥିବା ଆବଶ୍ୟକୀୟ  ଆଡ୍ରେସ୍‌  ପ୍ରୁଫ୍‌, ପ୍ୟାନ କାର୍ଡ ଏବଂ ସେଲଫି ଫଟୋ ଅପଲୋଡ୍ କରିବାକୁ ହେବ। ଏହା ପରେ ଆବେଦନକାରୀଙ୍କ କ୍ରେଡିଟ୍ ସ୍କୋର ଚେକ୍‌ କରାଯିବ। କ୍ରେଡିଟ୍‌ ସ୍କୋର ଆଧାରରେ ଆପଣଙ୍କୁ ଏକ ଲକ୍ଷ୍ୟ ଟଙ୍କା ପର୍ଯ୍ୟନ୍ତ ଲୋନ ମିଳି ପାରିବ।

ଏହି ଲୋନ ଉପରେ ମାସିକ ୧.୩୫ ପ୍ରତିଶତ ହାରରେ ସୁଧ ଦେବାକୁ ହେବ। ଏହି ଲୋନ ଉପରେ ବାର୍ଷିକ ୧୬.୨ ପ୍ରତିଶତ ହାରରେ ସୁଧ ଦେବାକୁ ହେବ। ଏହି ଏମଆଇ କ୍ରେଡିଟ୍ ସେବା ୧୦ ରାଜ୍ୟ ଓ ୧୫୦୦ ପିନ୍‌ କୋଡ୍‌ରେ ଉପଲବ୍ଧ ହେଉଛି। ଅଧିକ ସୂଚନା ପାଇବାକୁ ଚାହୁଁଥିଲେ ଏମଆଇ ଆପ୍‌ ଲୋଡ କରି ଜାଣି ପାରିବେ।

   Related Posts