Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୌଦ୍ଧ : ହାଇଓ୍ୱାକୁ ପଛ ପଟୁ ପିଟିଲା ଯାତ୍ରୀବାହୀ ବସ୍, ଅଳ୍ପକେ ବର୍ତ୍ତିଲେ ୪୦ ଯାତ୍ରୀ
  • ||
  • ଫେବୃଆରୀ ପାଇଁ କୋଭିଡ୍ ଗାଇଡ୍ଲାଇନ୍: ଏବେ ସିନେମା ହଲ୍ରେ ବସି ପାରିବେ ୫୦%ରୁ ଅଧିକ ଦର୍ଶକ, ସଭିଙ୍କ ପାଇଁ ଖୋଲିଲା ସ୍ଵିମିଂ ପୁଲ୍
  • ||
  • ଜାମିନ ସତ୍ତ୍ଵେ ଜେଲ୍‌ରେ ରହିବେ ପାଠକ ବାପ-ପୁଅ
  • ||
  • ପାଠକ ବାପ-ପୁଅଙ୍କୁ ମିଳିଲା ଜାମିନ‌
  • ||
  • ବିସିସିଆଇର ଘୋଷଣା-ଫେବୃଆରୀ ୧୮ରେ ଚେନ୍ନାଇରେ ହେବ ଆଇପିଏଲ ୨୦୨୧ ପାଇଁ ଖେଳାଳିଙ୍କ ନିଲାମୀ
  • ||
  • ଭୁବନେଶ୍ବର : ‘ପରୀକ୍ଷା ଦର୍ପଣ’ ପୁସ୍ତକ ଉନ୍ମୋଚିତ, ମାଟ୍ରିକ୍ ପରୀକ୍ଷାର୍ଥୀ ହେବେ ଉପକୃତ
  • ||
  • ଜି.ଉଦୟଗିରି : ବାଇକ୍-ଅଟୋ ମୁହାଁମୁହିଁ ଧକ୍କା : ଜଣେ ମୃତ, ତିନି ଗୁରୁତର
  • ||

#MeTooର ପ୍ରଭାବ : ୧୯ ଜଣଙ୍କ ଯୌନ ଶୋଷଣ ଅଭିଯୋଗ ପରେ ଶେଷରେ ବୈଦେଶିକ ବ୍ୟାପାର ରାଷ୍ଟ୍ରମନ୍ତ୍ରୀ ପଦରୁ ଇସ୍ତଫା ଦେଲେ ଏମ.ଜେ.ଆକବର

17/10/2018 at 5:04 PM

ନୂଆଦିଲ୍ଲୀ ୧୭/୧୦ :ଶେଷରେ କେନ୍ଦ୍ର ବୈଦେଶିକ ରାଷ୍ଟ୍ର ମନ୍ତ୍ରୀ ଏମ.ଜେ.ଆକବର ଇସ୍ତଫା ଦେଇଛନ୍ତି | ଅଭିଯାନ କ୍ରମରେ ତାଙ୍କ ବିରୋଧରେ ପାଖାପାଖି ୧୯ ଜଣ ମହିଳା ଯୌନ ଉତ୍ପୀଡ଼ନ ଅଭିଯୋଗ ଆଣିଥିଲେ | ଏମ.ଜେ.ଆକବର ବିଭିନ୍ନ ଇଂଗ୍ରେଜୀ ଖବରକାଗଜର ସମ୍ପାଦକ ଥିବାବେଳେ ବହୁ ମହିଳା ସାମ୍ବାଦିକଙ୍କ ସହ ଅସଦାଚରଣ କରିଛନ୍ତି ବୋଲି ସାମ୍ବାଦିକା ପ୍ରିୟ ରମଣୀ ସୋସିଆଲ ମିଡ଼ିଆରେ ପୋଷ୍ଟ କରିଥିଲେ | ଏହି ସମୟରେ ଆକବର ନାଇଜେରିଆ ଗସ୍ତରେ ଥିବାରୁ ତାଙ୍କର ପ୍ରତିକ୍ରିୟା ମିଳିପାରିନଥିଲା | ଗତ ରବିବାର ଦିନ ସେ ବିଦେଶ ଗସ୍ତରୁ ଫେରିବା ପରେ ଏ ସବୁ ଅଭିଯୋଗ ମିଥ୍ୟା ବୋଲି ଗଣମାଧ୍ୟମକୁ କହିଥିଲେ | ଏଥିସହ ପ୍ରିୟା ରମାନିଙ୍କ ବିରୋଧରେ ମାନହାନି ମକଦ୍ଦମା କରିବେ ବୋଲି ସୂଚନା ଦେଇଥିଲେ | ସେହି ଅନୁସାରେ ସୋମବାର ଦିନ ସେ ପ୍ରିୟା ରମାନିଙ୍କ ବିରୋଧରେ ଫୌଜଦାରୀ ମାନହାନି ମକଦ୍ଦମା ଦାୟର କରିଥିଲେ | ଏହି ମକଦ୍ଦମା ପରିଚାଲ କରିବା ପାଇଁ ୯୦ ରୁ ଅଧିକ ଓକିଲ ନିଯୁକ୍ତ କରିଥିବା କୁହାଯାଉଥିଲା | ଆକବରଙ୍କ ସପକ୍ଷରେ ମଧ୍ୟ ପ୍ରଦେଶ ବିଜେପି ମହିଳା ମୋର୍ଚ୍ଚାର ସଭାନେତ୍ରୀ ମଧ୍ୟ ବୟାନ ଦେଇଥିଲେ | ଅଭିଯୋଗ ଆଣିଥିବା ମହିଳା ସାମ୍ବାଦିକମାନେ ନିରୀହ ନୁହନ୍ତି ବୋଲି ସେ କହିଥିଲେ | ସେହିଭଳି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତା ଶାହ ମଧ୍ୟ ନିଜ ପ୍ରତିକ୍ରିୟା ବ୍ୟକ୍ତ କରିଥିଲେ | ସେ କହିଥିଲେ ଜେ, ସୋସିଆଲ ମିଡ଼ିଆରେ ପ୍ରକାଶ ପାଉଥିବା ସବୁ ଖବର ସତ୍ୟ ନୁହେଁ | ଏହାକୁ ଠିକ ଭାବେ ତର୍ଜମା କରାଯିବ ଉଚିତ | ତେବେ ଆକବରଙ୍କ ପାଇଁ ବିଜେପି ବିରୋଧୀ ଦଳ ଦ୍ୱାରା ସମାଲୋଚିତ ହୋଇଥିଲା | ଆକବରଙ୍କ ଇସ୍ତଫା ପାଇଁ ଦଳ ଭିତରୁ ଏବଂ ବାହାରୁ ଚାପ ପଡିଆସୁଥିଲା | ଏହି ସମୟରେ ପ୍ରତିଦିନ ଜଣକ ପରେ ଜଣେ ମହିଳା ଆକବରଙ୍କ ବିରୋଧରେ ଯୌନ ଶୋଷଣ ଅଭିଯୋଗ ଆଣିଥିଲେ | ଫଳରେ ଆକବର ଆଜି ବାଧ୍ୟ ହୋଇ ନିଜ ପଦରୁ ଇସ୍ତଫା ଦେଇଛନ୍ତି |

   Related Posts