Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟେମେନ ଗଣହତ୍ୟାକୁ ନିନ୍ଦା କଲା ଜାତିସଂଘ, ସାଉଦିର ବିମାନ ଆକ୍ରମଣରେ ନିହତ ହୋଇଥିଲେ ୭୦ ବିଦ୍ରୋହୀ
  • ||
  • ସୋର : ଟ୍ରକ୍ ସହ ଧକ୍କା ହୋଇ ନୟନଜୋରିକୁ ଓଲଟିଲା ବସ୍, ୫ ଜଣଙ୍କ ମୃତ୍ୟୁ, କିଛି ଲୋକ ଚାପି ହୋଇ ରହିଥିବା ସନ୍ଦେହ
  • ||
  • ଭଦ୍ରକରେ ବିଜେପିକୁ ଝଟ୍‌କା, ଦଳ ଛାଡିଲେ ଶତାଧିକ ବରିଷ୍ଠ ନେତା ଓ କର୍ମୀ
  • ||
  • ୨୦ ମହଲା କୋଠାରେ ଭୀଷଣ ଅଗ୍ନିକାଣ୍ଡ, ୧୫ ଆହତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୩୭ ହଜାରରୁ ଅଧିକ କରୋନା ପଜିଟିଭ୍, ୪୮୮ ମୃତ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୧୪କୁ ବୃଦ୍ଧି
  • ||
  • ରାଜ୍ୟରେ ୯ ହଜାର ତଳକୁ ଖସିଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୮୪୫ କୋଭିଡ୍ ପଜିଟିଭ୍, ୧୧୯୬୧୪୦ରେ ପହଞ୍ଚିଲା ସଂଖ୍ୟା
  • ||
  • ଭୁବନେଶ୍ବର : ଓଭରବ୍ରିଜ୍‌ରୁ ୩୦ଫୁଟ ତଳକୁ ଖସିଲା କାର୍, ଦୁର୍ଘଟଣାରେ ଗାଡି ଭାଙ୍ଗିରୁଜି ଚୁରମାର୍
  • ||
  • ଶନିବାର ଏହି ସବୁ ଜିଲ୍ଲାରେ ବର୍ଷା : ବଢିବ ତାପମାତ୍ରା, କମିବ ଶୀତ
  • ||
  • ଭୟଙ୍କର ଦୁର୍ଘଟଣା : ମହାନଦୀ ପୋଲରେ ବୋଲେରୋକୁ ପିଟିଲା ଟ୍ରକ୍, ୫ ମୃତ
  • ||

#MeToo: ଅଭିନେତା ସୁଶାନ୍ତ ସିଂ ରାଜପୁତଙ୍କ ବିରୋଧରେ ସଞ୍ଜନା ସାଂଙ୍ଘଭି ଆଣିଲେ ଯୌନ ଉତ୍ପୀଡ଼ନ ଅଭିଯୋଗ

19/10/2018 at 3:40 PM

ମୁମ୍ବାଇ ୧୯/୧୦ : ଟିଭି ସିରିଏଲ ଦୁନିଆରୁ ନିଜର  କ୍ୟାରିଅର ଆରମ୍ଭ କରିଥିବା ଫିଲ୍ମ ଅଭିନେତା ସୁଶାନ୍ତ ସିଂ ରାଜପୁତଙ୍କ ବିରୋଧରେ ଆସିଲା ଯୌନ ଉତ୍ପୀଡ଼ନ ମାମଲା | # MeToo ଅଭିଯାନରେ ସୁଶାନ୍ତ ମଧ୍ୟ ପଛରେ ନାହାନ୍ତି | ତେବେ ସୁଶାନ୍ତଙ୍କ ବିରୋଧରେ ଏହି ଅଭିଯୋଗ ଆଣିଛନ୍ତି ଅଭିନେତ୍ରୀ ସଞ୍ଜନା ସାଂଙ୍ଘଭି | ଏକ ଏଣ୍ଟରଟେନମେଣ୍ଟ ପୋର୍ଟାଲ ରିପୋର୍ଟ ଅନୁଯାୟୀ, ‘କିଜି ଅର ମେନି’ ଫିଲ୍ମର ସୁଟିଂ ବେଳେ ସୁଶାନ୍ତ ସିଂ ଫିଲ୍ମର ଅଭିନେତ୍ରୀ ସଞ୍ଜନା ସାଂଙ୍ଘଭିଙ୍କ ସହିତ ଅସଦାଚରଣ କରିଥିଲେ | ଯାହାଫଳରେ ଫିଲ୍ମର ସୁଟିଂ ଅଧାରୁ ବନ୍ଦ କରିବାକୁ ପଡିଥିଲା |

ତେବେ ଅସଦାଚରଣ ଅଭିଯୋଗ ଉପରେ ସୁଶାନ୍ତ ସିଂ ନିଜର ପ୍ରତିକ୍ରିୟା ରଖିଛନ୍ତି | ସୁଶାନ୍ତ ସିଂ ନିଜ ସପକ୍ଷରେ ସୁଟିଂ ସେଟରେ ସଞ୍ଜନାଙ୍କ ସହିତ କରିଥିବା ଚାଟିଙ୍ଗର ସ୍କ୍ରିନ ସଟ ଟ୍ୱିଟରରେ ସେୟାର କରିଛନ୍ତି | ନିଜ ପ୍ରତିକ୍ରିୟାରେ ସେ କହିଛନ୍ତି ନିଜର ବ୍ୟକ୍ତିଗତ ଇନଫର୍ମେଶନ ସୋସିଆଲ ମିଡ଼ିଆରେ ସେୟାର କରିବା ପାଇଁ ଖରାପ ଲାଗୁଛି, କିନ୍ତୁ ଏହା ଛଡା ଆଉ କୌଣସି ଉପାୟ ନାହିଁ |

ତେବେ ଶୁଣିବାକୁ ମିଳୁଛି କି ସୁଶାନ୍ତ ସିଂଙ୍କ ବିରୋଧରେ ଅସଦାଚରଣ ଅଭିଯୋଗ ଆସିବା ପରେ ତାଙ୍କର ଟ୍ୱିଟର ଆକାଉଣ୍ଟକୁ ଅନ ଭେରିଫାଏଡ କରିଦିଆଯାଇଛି | ତେବେ ଏହି ଅଭିଯୋଗ ସମ୍ପର୍କରେ ମଧ୍ୟ ସୁଶାନ୍ତ ନିଜର ସଫେଇ ଦେଇଛନ୍ତି ।  ଟ୍ୱିଟର ଗତ ସେପ୍ଟେମ୍ବର ୫ ତାରିଖରେ ହିଁ  ତାଙ୍କ ଆକାଉଣ୍ଟରୁ ନୀଳ ଚିହ୍ନ ହଟେଇଦେଇଥିଲେ | ସେଥିପାଇଁ କୌଣସି ଅନୁସନ୍ଧାନ ନକରି କୌଣସି ନିଷ୍କର୍ସ ବାହାର କରିବା ପାଇଁ ସେ ମନା କରିଛନ୍ତି |

ତେବେ ଏହି ଫିଲ୍ମର ନିର୍ଦେଶକ ମୁକେଶ ଛାବ୍ରାଙ୍କ ଉପରେ ମଧ୍ୟ ଅଭିଯୋଗ ଆସିଛି | ସୁଶାନ୍ତ ସିଂଙ୍କ ବିରୋଧରେ ସଞ୍ଜନା ନିର୍ଦେଶକଙ୍କୁ ମଧ୍ୟ କହିଥିଲେ କିନ୍ତୁ ସେ ଅଭିଯୋଗକୁ ଗୁରୁତ୍ବ ଦେଇନଥିଲେ ବୋଲି ସଞ୍ଜନା ଅଭିଯୋଗ କରିଛନ୍ତି | ଏହି ମାମଲାରେ ସଞ୍ଜନାଙ୍କ ବାପା ମା ମଧ୍ୟ ନିର୍ଦେଶକଙ୍କ ନିକଟରେ ଅଭିଯୋଗ କରିଥିଲେ ।  କିନ୍ତୁ ସେ କୌଣସି ପ୍ରତିକ୍ରିୟା ନରଖି ଅଭିଯୋଗକୁ ହସରେ ଉଡ଼େଇଥିଲେ ବୋଲି ସଞ୍ଜନାଙ୍କ ବାପା ମା ଅଭିଯୋଗ କରିଥିଲେ | ତେବେ ଅଭିଯୋଗ ପରେ ଫିଲ୍ମକୁ ପ୍ରଡ୍ୟୁସ କରୁଥିବା ଫାକ୍ସ ଷ୍ଟାର ଇଣ୍ଡିଆ ନିର୍ଦେଶକ ମୁକେଶଙ୍କୁ ଫିଲ୍ମରୁ ବିତାଡିତ କରିଦେଇଥିଲେ | ଷ୍ଟାର ଇଣ୍ଡିଆ ଏନେଇ ଟ୍ୱିଟ କରି କହିଛି ” ଏକ ଦାୟିତ୍ୱ ସମ୍ପନ୍ନ ସଂଗଠନ ହୋଇଥବରୁ ଆମେ ମହିଳାଙ୍କ ଉପରେ ହେଉଥିବା ଯୌନ ଶୋଷଣ, ଅସଦାଚରଣ ମାମଲାକୁ ଗମ୍ଭୀରତାର ସହ ନେଉ | ସେଥିପାଇଁ ମୁକେଶଙ୍କୁ ମଧ୍ୟ ଫିଲ୍ମରୁ ବାହାର କରାଯାଇଛି | “

   Related Posts