Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ଛତିଶଗଡ ସୀମାନ୍ତରୁ ଆସିବେ ପ୍ରବାସୀ, ଆଗକୁ ଆହୁରି ବିଗିଡିବ ସ୍ଥିତି – ଶ୍ରମ ମନ୍ତ୍ରୀ
  • ||
  • କଟକ : ଅପ୍ରେଲ ଶେଷ କିମ୍ବା ମେ’ ପ୍ରଥମ ସପ୍ତାହରେ ରାଜ୍ୟରେ ପିକ୍‌ରେ ରହିପାରେ କରୋନା ସଂକ୍ରମଣ
  • ||
  • ପୁରୀ : ବ୍ରହ୍ମଗିରିରେ ବୋମାମାଡ, ଛିଣ୍ଡିଗଲା ଯୁବକଙ୍କ ହାତ
  • ||
  • ମହାକାଳପଡା : ହରିଣ ମାଂସ ବୋଝେଇ ଅଟୋ ଜବତ, ଜଣେ ଗିରଫ, ୨ ଅଭିଯୁକ୍ତ ଫେରାର
  • ||
  • ରାୟଗଡା : ତ୍ରିପୁରା ଯିବାବେଳେ ରେଳ ଷ୍ଟେସନରୁ ୬ନାବାଳିକା ଉଦ୍ଧାର, ଚାଇଲ୍ଡ ଲାଇନ୍‌କୁ ହସ୍ତାନ୍ତର
  • ||
  • ସମ୍ବଲପୁର : ସମ୍ବଲପୁର ଜିଲ୍ଲାର ୨ଟି ଗାଁ ସଟଡାଉନ୍ ଘୋଷଣା, କରୋନା ସଂକ୍ରମଣ ବୃଦ୍ଧି ଦୃଷ୍ଟିରୁ ପଦକ୍ଷେପ
  • ||
  • ଭୁବନେଶ୍ବର : ବାତିଲ ହେଲା ଚଳିତବର୍ଷ ମାଟ୍ରିକ ପରୀକ୍ଷା, ଘୋଷଣା କଲେ ଗଣଶିକ୍ଷା ମନ୍ତ୍ରୀ
  • ||
  • ଆଜିଠାରୁ ୫ ଦିନ ବନ୍ଦ ରହିବ ସମ୍ବଲପୁର ବିଶ୍ବବିଦ୍ୟାଳୟ, କରୋନା ସଂକ୍ରମଣ ଦୃଷ୍ଟିରୁ ପଦକ୍ଷେପ
  • ||
  • ରାଜ୍ୟରେ କରୋନା ନେଲା ଆଉ ୫ ଜଣଙ୍କ ଜୀବନ, ୧୯୫୮ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ପବିତ୍ର ଶ୍ରୀରାମ ନବମୀ : କୋଭିଡ୍ କଟକଣାରେ ପାଳନ ହେବ ଉତ୍ସବ, ଆଜିଠୁ ଟ୍ବିନସିଟିର ସମସ୍ତ ଧର୍ମାନୁଷ୍ଠାନ ବନ୍ଦ
  • ||

ଜଘଣ୍ୟ ସତ୍ୟ ଘଟଣା : ଏହି ଗାଁରେ ବିଧବା ମହିଳାଙ୍କ ଭୟରେ ପୁରୁଷମାନେ ହାତରେ ଲାଗନ୍ତି ନେଲ୍ ପଲିସ

27/10/2018 at 1:30 PM

ଥାଇଲ୍ୟାଣ୍ଡ ୨୭/୧୦ : ନିକଟରେ ରାଜକୁମାର  ଏବଂ ଶ୍ରଦ୍ଧା କପୁରଙ୍କ ଅଭିନୀତ ‘ସ୍ତ୍ରୀ’ ଫିଲ୍ମରେ ଦେଖିବାକୁ ମିଳିଥିଲା ଏମିତି ଏକ ଘଟଣା | ଫିଲ୍ମରେ ଦେଖିବାକୁ ମିଳିଥିଲା, ଗାଁ ଲୋକେ ଭୁତୁଣୀ ଡରରେ ଘର ବାହାରେ ନାଲି ରଙ୍ଗରେ ଲେଖୁଥିଲେ ‘ଓ ସ୍ତ୍ରୀ କଲ ଆନା’ | ଏମିତିକି ଭୁତୁଣୀ ଡରରେ ଗାଁର ପୁରୁଷ ମାନେ ମହିଳାଙ୍କ ଭଳି ପୋଷାକ ମଧ୍ୟ ପିନ୍ଧୁଥିଲେ | ଫିଲ୍ମର ଏହି କାହାଣୀଟି କିନ୍ତୁ ସମ୍ପୂର୍ଣ କାଳ୍ପନିକ ଥିଲା | କିନ୍ତୁ ଥାଇଲ୍ୟାଣ୍ଡର ଏକ ଗାଁ ପୁ-ହାଙ୍ଗରେ ଏବେ ସତସତିକା ଏମିତି ଏକ ଘଟଣା ଘଟୁଥିବା ଜଣାପଡିଛି ।

କୁହାଯାଉଛି ଥାଇଲ୍ୟାଣ୍ଡର ଏହି ଗାଁରେ ଗୋଟିଏ ମହିଳାର ପ୍ରେତାତ୍ମା ଘୁରି ବୁଲୁଛି । ଏହି ପ୍ରେତାତ୍ମା ଗାଁର ପୁରୁଷମାନଙ୍କୁ ନିଜ ଶତ୍ରୁ ବୋଲି ବିବେଚନା କରୁଥିବା ବୋଲି ଗାଁ ଲୋକେ ବିଶ୍ୱାସ କରୁଛନ୍ତି | ପ୍ରେତାତ୍ମା ଠାରୁ ରକ୍ଷା ପାଇବା ପାଇଁ ଘର ବାହାରେ ଲେଖୁଛନ୍ତି ଏଠାରେ କୌଣସି ପୁରୁଷ ରହୁନାହାନ୍ତି | ପ୍ରେତାତ୍ମା ଭୟରେ ଗାଁର ପୁରୁଷମାନେ ହାତରେ ନେଲ ପଲିସ ଲଗେଇ ବୁଲୁଛନ୍ତି | ଗତ କିଛି ଦିନ ହେଲା ଗାଁରେ କିଛି ପୁରୁଷଙ୍କ ମୃତ୍ୟୁ ପରେ ପେରତାମ୍ମା ଭୟ ଓ ଧାରଣା ଦୃଢ ହେବାରେ ଲାଗିଛି  | ଗତ ୩ ସପ୍ତାହ ମଧ୍ୟରେ ୫ ଜଣ ପୁରୁଷଙ୍କର ମୃତ୍ୟୁ ହୋଇଥିବା ସୂଚନା ମିଳିଛି |

ପ୍ରଥମେ ଗାଁର ଗୋଟିଏ ପରିବାରରେ ଏକସଙ୍ଗେ ଦୁଇ ଜଣଙ୍କର ମୃତ୍ୟୁ ହୋଇଥଲା | ସେମାନେ ସମ୍ପୂର୍ଣ ସୁସ୍ଥ ଥିଲେ | ପରିବାରଲୋକଙ୍କ କହିବା ଅନୁଯାୟୀ ତଳେ ପଡିଯିବାରୁ  ହଠାତ ସେମାନଙ୍କ ମୃତ୍ୟୁ ହୋଇଯାଇଥିଲା | ଏହା ପରେ ଏକ ବାଇକ ଦୁର୍ଘଟଣାରେ ଜଣେ ଯୁବତୀଙ୍କ ମୃତ୍ୟୁ ହୋଇଥିଲା | ଅନ୍ୟ ଦୁଇଜଣ ମଧ୍ୟ ହଠାତ ପ୍ରାଣ ହରେଇଥିଲେ | କିନ୍ତୁ ଅନ୍ୟ ଦୁଇ ଜଣଙ୍କ ମୃତ୍ୟୁ ଘଟଣାକୁ ନେଇ ଗାଁଲୋକେ ଚୁପ ରୁହନ୍ତି | ତେବେ ଗାଁଲୋକଙ୍କ କହିବା ଅନୁସାରେ ଏସବୁ ଏକ ଅତୃପ୍ତ ଆତ୍ମାର କାମ |

ଗାଁର ୬୦ ବର୍ଷ ବୟସ ବୁଶଦି ମାଳସି ନାମକ ଜଣେ ମହିଳା ସ୍ଥାନୀୟ ଏକ ଖବରକାଗଜକୁ କହିଥିଲେ ଯେ, ଏସବୁ ଦୁଇଟି ଅତୃପ୍ତ ଆତ୍ମାର କାରନାମା | ଯେଉଁଥିରେ ଜଣେ ବିଧବା ମହିଳାଙ୍କ ଆତ୍ମା ରହିଛି | ଏହି ବିଧବା ମହିଳାର ଆତ୍ମା କେବଳ ପୁରୁଷମାନଙ୍କୁ ନିଜର ଶିକାର କରୁଛି | ଏହି ଆତ୍ମା ପୁରୁଷମାନଙ୍କୁ ଶରୀରକୁ ଖାଇ ଭିତରୁ ପୁରା ଖାଲି କରିଦେଇଥାଏ ବୋଲି ସେ ଦୃଢର ସହିତ କହିଛନ୍ତି | ଅନ୍ୟ ଆତ୍ମାଟି ଜଣେ ପୋପଙ୍କ ବୋଲି ମହିଳା ଜଣକ କହିଛନ୍ତି | ପୋପଙ୍କ ଆତ୍ମା ବୃଦ୍ଧ ମାନଙ୍କୁ ନିଜର ଶିକାର କରିଥାଏ ବୋଲି ମହିଳା କହିଛନ୍ତି |

ଗାଁରେ ବିଧବା ମହିଳାର ଆତ୍ମାଠାରୁ ଲୋକେ ଅଧିକ ଭୟଭୀତ ଥିବା ଜଣାପଡିଛି | ଗାଁର ସମସ୍ତ ପୁରୁଷ ଏହି ଅତୃପ୍ତ ଆତ୍ମାର ଆକ୍ରମଣକୁ ନେଇ ଭୟଭୀତ ଅବସ୍ଥାରେ ଅଛନ୍ତି | ତେବେ ଘଟଣାର ସମାଧାନ ପାଇଁ ଗାଁଲୋକେ କିଛି ତାନ୍ତ୍ରିକ ପାଖକୁ ଯାଇଥିଲେ | ତାନ୍ତ୍ରିକ କହିଥିଲା ଘଟଣାଟି ଠିକ ହିନ୍ଦୀ ଫିଲ୍ମ ସ୍ତ୍ରୀ ଭଳି | ତାନ୍ତ୍ରିକ ପୁରୁଷମାନଙ୍କୁ ହାତରେ ନାଲି ନେଲ ପଲିସ ଲଗେଇବା ପାଇଁ ଉପଦେଶ ଦେଇଥିଲେ | ସେବେଠାରୁ ପୁରୁଷମାନେ ହାତରେ ନେଲ ପଲିସ ଲଗେଇ ବୁଲୁଛନ୍ତି | ଏହା ସହ ଘର ବାହାରେ ନାଲି ରଙ୍ଗରେ ଲେଖୁଛନ୍ତି ଏଠାରେ କୌଣସି ପୁରୁଷ ରହୁନାହାନ୍ତି | ଏମିତି ଲେଖିବା ଦ୍ୱାରା ବିଧବା ମହିଳାର ଆତ୍ମା ସେହି ଘର ଛାଡି ଆଗକୁ ବଢିଥାଏ | ପ୍ରତ୍ୟେକ ଘର ସାମ୍ନାରେ ଏମିତି ଲେଖାଯାଇଛି | ଏହି ସମସ୍ୟାରୁ ମୁକ୍ତି ପାଇଁ ଲୋକେ ଭଗବାନଙ୍କ ପୂଜାର୍ଚ୍ଚନା ମଧ୍ୟ କରୁଛନ୍ତି | ଆତ୍ମା ଭୟରେ ବହୁତ ଲୋକ ଗାଁ ଛାଡି ମଧ୍ୟ ଚାଲିଯାଉଛନ୍ତି |

ତେବେ ଏଠାରେ ପ୍ରଶ୍ନ ଉଠୁଛି ପ୍ରେତାତ୍ମା କଣ ପଢି ପାରେକି ?

   Related Posts